پشاور: زرعی یونیورسٹی میں طلبہ گروپوں کے درمیان تصادم، فائرنگ کی اطلاعات
اشاعت کی تاریخ: 11th, February 2026 GMT
زرعی یونیورسٹی پشاور میں طلبہ گروپوں کے درمیان تصادم ہوا ہے، اور اس دوران فائرنگ کی اطلاعات بھی سامنے آئی ہیں۔
رپورٹس کے مطابق مسلم اسٹوڈنٹس فیڈریشن (ایم ایس ایف) کے 17 سے 18 طلبہ جو مختلف کالجوں اور یونیورسٹیوں سے آئے ہوئے تھے، وائس چانسلر سے ملاقات کے لیے پہنچے تاکہ امیر مقام کے خطاب کے دوران پیش آنے والے معاملے پر بات کی جا سکے۔
پشاور / طلباء تنظیموں میں جھڑپ۔۔۔
ایگریکلچر یونیورسٹی میں آئی ایس ایف اور مسلم سٹوڈنٹس فیڈریشن کی جھڑپ کے دوران فائرنگ کی بھی اطلاع pic.
— Farzana Ali (@farzanaalispark) February 11, 2026
اسی دوران انصاف اسٹوڈنٹس فیڈریشن (آئی ایس ایف) کے قریباً 50 سے 60 طلبہ ہاسٹل نمبر 6 پر جمع ہو گئے اور لاٹھیاں اٹھا کر ایم ایس ایف کے طلبہ پر حملہ کیا۔
رپورٹس کے مطابق طلبہ گروپوں کے درمیان تصادم کے دوران فائرنگ کی اطلاعات بھی سامنے آئی ہیں۔
حملے کے نتیجے میں ایم ایس ایف کے طلبہ موقع سے فرار ہو گئے۔
واضح رہے کہ گزشتہ روز زرعی یونیورسٹی پشاور میں لیپ ٹاپ تقسیم کرنے کی تقریب ہلڑبازی کا شکار ہوگئی تھی، عمران خان کے حق میں نعرے لگنے کے بعد وفاقی وزیر امیر مقام تقریب چھوڑ کر چلے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پشاور تصادم زرعی یونیورسٹی طلبہ گروپ وی نیوز
ذریعہ
ذریعہ: WE News
کلیدی لفظ: پشاور زرعی یونیورسٹی طلبہ گروپ وی نیوز زرعی یونیورسٹی فائرنگ کی ایس ایف
پڑھیں:
اے پی ایس شہدا کے لواحقین کو معاوضہ پیکج کی عدم ادائیگی، سپریم کورٹ نے وفاقی حکومت سے جواب طلب کرلیا
سپریم کورٹ آف پاکستان نے سانحہ آرمی پبلک سکول (اے پی ایس) کے شہدا کے لواحقین کو اعلان کردہ معاوضہ پیکج نہ ملنے کے معاملے پر وفاقی حکومت سے جواب طلب کرلیا ہے۔
کیس کی سماعت جسٹس محمد علی مظہر کی سربراہی میں 3 رکنی بینچ نے کی۔ دوران سماعت جسٹس عرفان سعادت نے ریمارکس دیے کہ درخواست 25 دن کی تاخیر سے دائر کی گئی ہے۔
درخواست گزار کے وکیل نے عدالت کو بتایا کہ شہدا کے لواحقین کو حکومت کی جانب سے اعلان کردہ پیکج تاحال نہیں ملا۔
اس پر جسٹس محمد علی مظہر نے ریمارکس دیے کہ اگر کوئی پیکج دیا گیا ہے تو وہ تمام متاثرہ لواحقین کو ملنا چاہیے۔
انہوں نے وفاقی حکومت کو ہدایت کی کہ وہ عدالت کو آگاہ کرے کہ پشاور ہائیکورٹ کے فیصلے پر عملدرآمد ہوا ہے یا نہیں۔
سماعت کے دوران یہ بھی بتایا گیا کہ پشاور ہائیکورٹ کے فیصلے پر عملدرآمد نہ ہونے کے خلاف شہدا کے لواحقین کی جانب سے توہین عدالت کی درخواست دائر کی گئی تھی، تاہم پشاور ہائیکورٹ نے مذکورہ درخواست کو خارج کر دیا تھا۔
بعد ازاں سپریم کورٹ نے وفاقی حکومت سے جواب طلب کرتے ہوئے کیس کی مزید سماعت غیر معینہ مدت کے لیے ملتوی کردی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جواب طلب سپریم کورٹ عدم ادائیگی معاوضہ پیکج وفاقی حکومت وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ