نیٹ میٹرنگ ریگولیشنز معاملہ، وزیراعظم کی اقلیتی رائے کو ترجیح، اندرونی کہانی سامنے آگئی
اشاعت کی تاریخ: 11th, February 2026 GMT
فوٹو: فائل
نیشنل الیکٹرک پاور اتھارٹی (نیپرا) کی نیٹ میٹرنگ ریگولیشنز پر وزیراعظم شہباز شریف کی زیر صدارت ہونے والے خصوصی اجلاس کی اندرونی کہانی سامنے آگئی۔
اس حوالے سے ذرائع کا کہنا ہے کہ اسحاق ڈار نے نیپرا کی نئی ریگولیشنز کے تحت نیٹ بلنگ کی حمایت کی، اویس لغاری کی جانب سے بھی نیٹ بلنگ کی حمایت کی گئی۔
وفاقی وزیر احد چیمہ، مشیر نجکاری محمد علی، چیئرمین ایف بی آر نے بھی نیٹ بلنگ کی حمایت کی، نیٹ بلنگ کا دفاع کرنے والوں نے نیٹ میٹرنگ کو دیگر صارفین پر مالی بوجھ قرار دیا۔
نیشنل گرڈ پر 3 کروڑ 35 لاکھ بجلی صارفین ہیں، ان میں سے 4 لاکھ 66 ہزار نیٹ میٹرنگ پر ہیں: وفاقی وزیر بجلی و توانائی
ذرائع نے بتایا کہ بلال اظہر کیانی کی جانب سے پہلے سے موجود سولر صارفین کیلئے نیٹ بلنگ کی مخالفت کی گئی ہے۔
اجلاس کے دوران بلال اظہر کیانی کا کہنا تھا کہ نیٹ میٹرنگ سے متعلق پہلے سے موجود معاہدوں کی خلاف ورزی نہ کی جائے، معاہدے کی مدت ختم ہونے کے بعد ایسے صارفین خود بخود نیٹ میٹرنگ سے نکل جائیں گے۔
وزیر پٹرولیم علی پرویز ملک نے بھی پرانے صارفین کےلیے نیٹ بلنگ کی مخالفت کی۔
وزیرِ اعظم نے ہدایت دی کہ پاور ڈویژن اس سے متعلق جامع لائحہ عمل تشکیل دے۔
اجلاس کے دوران فیصل واوڈا نے کہا کہ نیٹ میٹرنگ معاہدے کی خلاف ورزی سے حکومت کو فائدہ تو ہو سکتا ہے لیکن سیاسی ساکھ مجروح ہوگی۔
ذرائع کے مطابق وزیر اعظم نے اکثریتی رائے کے مقابلے میں اقلیتی رائے کو ترجیح دی، وزیر اعظم نے نیپرا فیصلے کے خلاف پاور ڈویژن کو موجودہ صارفین کے کانٹریکٹ کے تحفظ کےلیے نظر ثانی اپیل کی ہدایت کی۔
.
ذریعہ
ذریعہ: Jang News
کلیدی لفظ: نیٹ بلنگ کی نیٹ میٹرنگ
پڑھیں:
بجلی کی قیمت میں ایک روپے 72 پیسے اضافے کا امکان
کراچی کے ذرائع کے مطابق سینٹرل پرچیزنگ پاور ایجنسی (سی پی پی اے) نے نیپرا میں درخواست جمع کرا دی۔ سی پی پی اے کی اپریل کیلئے فیول کاسٹ ایڈجسٹمنٹ کی مد میں اضافے کیلئے درخواست پر نیپرا آج سماعت کرے گا۔ اسلام ٹائمز۔ بجلی صارفین کیلئے ایک اور مالی بوجھ کی تیاری کر لی گئی، جہاں بجلی کی قیمت میں ایک روپے 72 پیسے فی یونٹ اضافے کا امکان ہے۔ سینٹرل پرچیزنگ پاور ایجنسی (سی پی پی اے) نے نیپرا میں درخواست جمع کرا دی۔ سی پی پی اے کی اپریل کیلئے فیول کاسٹ ایڈجسٹمنٹ کی مد میں اضافے کیلئے درخواست پر نیپرا آج سماعت کرے گا، اضافے کی صورت میں اطلاق کے الیکٹرک سمیت تمام ڈسکوز کے صارفین پر ہوگا۔
وزارت آئی ٹی نے 1.67 ارب روپے سے زاید کے فنڈز طلب کرلیے