پاک امریکا معاشی روابط میں پیشرفت، اصلاحات اور سرمایہ کاری کے ماحول پر زور
اشاعت کی تاریخ: 11th, February 2026 GMT
امریکی سفارتخانے نے پاکستان کی معاشی اصلاحات اور بہتر ہوتے سرمایہ کاری ماحول کو سراہتے ہوئے کہا ہے کہ دونوں ممالک کے درمیان تجارتی اور نجی شعبے کے روابط مستحکم بنیادوں پر آگے بڑھ رہے ہیں، جبکہ حالیہ اعلیٰ سطحی ملاقاتوں میں باہمی تجارت کے فروغ اور پائیدار اقتصادی ترقی پر اتفاق کیا گیا۔
یہ بھی پڑھیں:امریکی ناظم الامور کا سیالکوٹ کا دورہ، پاک امریکا تجارت کو ریکارڈ سطح پر لے جانے کی خواہش کا اظہار
اسلام آباد میں امریکی سفارتخانے کی جانب سے جاری بیان میں کہا گیا کہ پاکستان میں مضبوط مجموعی معاشی اصلاحات اور سازگار سرمایہ کاری کا ماحول نجی شعبے کی ترقی کا باعث بن رہا ہے، جس سے بین الاقوامی مسابقت اور نئی سرمایہ کاری کے حصول کی صلاحیت میں اضافہ ہو رہا ہے۔ سفارتخانے نے اس بات پر زور دیا کہ پاکستان اور امریکا کے درمیان معاشی روابط اصلاحاتی عمل اور سرمایہ کاروں کے اعتماد کی بنیاد پر آگے بڑھ رہے ہیں۔
Strong macroeconomic reforms and a supportive investment environment result in private sector growth and the ability to compete internationally and attract new investment.
— U.S. Embassy Islamabad (@usembislamabad) February 11, 2026
اسلام آباد میں موجود امریکی سفارتخانے کی جانب سے ’ایکس‘ پر کی گئی ٹوئٹ کے مطابق حالیہ دنوں میں امریکی ڈپٹی اسسٹنٹ سیکرٹری جان مارک پومرشائم اور ناظم الامور نیٹلی اے بیکر نے پاکستان کا دورہ کیا، جہاں انہوں نے پاکستانی کاروباری رہنماؤں سے ملاقاتیں کیں۔ ملاقاتوں میں امریکا پاکستان تجارت بڑھانے، نجی شعبے کو مضبوط بنانے اور پائیدار اقتصادی ترقی و باہمی خوشحالی کو فروغ دینے کے امکانات پر تبادلہ خیال کیا گیا۔
امریکی حکام نے اس موقع پر اس عزم کا اعادہ کیا کہ تجارتی روابط اور نجی شعبے کا تعاون دونوں ممالک کے تعلقات کے مرکزی ستون ہیں۔ ان کا کہنا تھا کہ تجارتی مکالمہ پاکستان کی منڈی کے حجم، جغرافیائی رابطہ کاری کی صلاحیت اور جیو اکنامک اہمیت کا عکاس ہے۔
بیان میں مزید کہا گیا کہ شراکت داری میں تعطل سے متعلق دعوے جاری سفارتی اور کاروباری سرگرمیوں سے مطابقت نہیں رکھتے۔ دونوں ممالک کے درمیان معاشی تعاون مشترکہ اقتصادی مفادات اور طویل المدتی استحکام کے تناظر میں آگے بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکی سفارتخانہ پاک امریکا تجارت پاکستان
ذریعہ
ذریعہ: WE News
کلیدی لفظ: امریکا امریکی سفارتخانہ پاک امریکا تجارت پاکستان سرمایہ کاری
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ