رمضان کی آمد ! پاسپورٹ بنوانے والوں کے لئے اہم خبر آگئی
اشاعت کی تاریخ: 12th, February 2026 GMT
اسلام آباد : رمضان 2026 کے دوران شہریوں کی سہولت کے لئے پاسپورٹ دفاتر کے اوقات کار اور فیس کا اعلان کردیا گیا۔
تفصیلات کے مطابق حکومت نے رمضان کے دوران ریجنل پاسپورٹ دفاتر ، ایگزیکٹو پاسپورٹ دفاتر اور پاسپورٹ پروسیسنگ کاؤنٹرز کے سرکاری اوقات کار کا اعلان کر دیا ہے۔اعلامیے میں کہا گیا کہ عام عوام کے لیے ٹوکن جاری کرنے اور سروسز کا وقت پیر تا جمعرات صبح 9 بجے سے دوپہر 2 بجے تک ہوگا، جبکہ دفاتر کے عمومی اوقات صبح 8:30 بجے سے شام 4:30 بجے تک برقرار رہیں گے۔جمعہ کو عوامی سروس اور ٹوکن کا وقت صبح 9 بجے سے 12:30 بجے تک ہوگا، جبکہ دفاتر صبح 8:30 سے شام 4:30 بجے تک کھلے رہیں گے۔ روزانہ 1 بجے سے 1:30 بجے تک نماز کا وقت مخصوص کیا گیا ہے۔
پاسپورٹ فیس
36 صفحات والا پاسپورٹ: عام درخواست کے لیے پانچ سال کے لیے 4,500 روپے، دس سال کے لیے 6,700 روپے؛ فوری پروسیسنگ: 7,500 روپے اور 11,200 روپے ہوگی۔
72 صفحات والا پاسپورٹ: عام درخواست پانچ سال کے لیے 8,200 روپے، دس سال کے لیے 12,400 روپے؛ فوری پروسیسنگ: 13,500 اور 20,200 روپے ہے۔
100 صفحات والا پاسپورٹ: عام درخواست پانچ سال کے لیے 9,000 روپے، دس سال کے لیے 13,500 روپے؛ فوری پروسیسنگ: 18,000 اور 27,000 روپے ہے۔یہ اوقات کار RPO G-10/4 اسلام آباد، RPO گارڈن ٹاؤن لاہور، RPO عوامی مرکز کراچی اور NADRA میگا سینٹرز پر لاگو نہیں ہوں گے۔
.
ذریعہ
ذریعہ: Nawaiwaqt
کلیدی لفظ: سال کے لیے بجے تک
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی