پاکستان اور ازبکستان صحت و طبی تعلیم میں تعاون بڑھانے پر متفق
اشاعت کی تاریخ: 13th, February 2026 GMT
صدر آصف علی زرداری کی ہدایت پر ایوانِ صدر میں پاکستان اور ازبکستان کے درمیان صحت، طبی تعلیم اور طبی اداروں و قابلیت کی پہچان میں دوطرفہ تعاون کے فروغ کے لیے اہم اجلاس منعقد ہوا۔ اجلاس میں دونوں ممالک کے حکام نے موجودہ شراکت داری کا جائزہ لیا اور مستقبل میں تعاون کے عملی اقدامات پر اتفاق کیا۔
اجلاس کی صدارت صدر کے ذاتی معالج ڈاکٹر عاصم حسین نے کی۔ ازبک نمائندگان میں فرسٹ ڈپٹی منسٹر آف ہیلتھ بابایف علی شیر، عبد الرور علی ژانوف، پروفیسر یوسپالیوا گل نورہ اور پروفیسر گل یاموف سورات شامل تھے۔
یہ بھی پڑھیں:پاکستان ازبکستان سے تعلقات کو نئی بلندیوں تک لے جانے کے لیے پرعزم ہے، صدر آصف علی زرداری
پاکستان کی جانب سے سیکرٹری برائے صدر، ہائر ایجوکیشن کمیشن کے چیئرمین، پاکستان میڈیکل اینڈ ڈینٹل کونسل کے صدر اور وزارت خارجہ و وزارت قومی صحت خدمات کے نمائندگان شریک ہوئے۔
دوطرفہ تعاون کی موجودہ صورتحالاجلاس میں بتایا گیا کہ ازبکستان کے صدر شواکت مرزی یویو کے حالیہ دورہ پاکستان کے دوران 28 یادداشتوں اور تعاون کے معاہدوں پر دستخط ہوئے، جن میں صحت، تعلیم اور دواسازی کے شعبے شامل ہیں۔
اس کے علاوہ ازبکستان میں 1,200 پاکستانی طلبہ مختلف شعبوں میں تعلیم حاصل کر رہے ہیں اور پاکستانی دواسازی کی 180 سے زائد مصنوعات وہاں رجسٹرڈ ہیں۔
مستقبل کے اقدامات اور تعاون کے امکاناتڈاکٹر عاصم حسین نے طبی تعلیم، سائنسی تحقیق اور ڈاکٹروں کی عملی تربیت میں تعاون بڑھانے کی ضرورت پر زور دیا۔ ازبک حکام نے اپنے صحت کے شعبے کا جائزہ پیش کیا اور بتایا کہ وہاں تقریباً 9,000 پرائیویٹ کلینکس موجود ہیں اور سرجیکل کارروائیوں کا نصف حصہ پرائیویٹ اداروں میں انجام دیا جاتا ہے۔
یہ بھی پڑھیں:پاکستان ازبکستان باہمی تجارت 404 ملین ڈالر تک جا پہنچی، 2 بلین ڈالر کا ہدف
انہوں نے پاکستانی ڈاکٹروں اور متعلقہ پیشہ وران کے لیے ملازمت کے مواقع فراہم کرنے میں دلچسپی ظاہر کی۔
اجلاس کے اختتام پر اتفاق کیا گیا کہ مشاورت جاری رکھی جائے گی اور صدر کی ہدایت کے مطابق آگے بڑھنے کے طریقے تلاش کیے جائیں گے۔ اس سلسلے میں پاکستانی صحت کے پیشہ وران کی ایک وفد جلد ازبکستان کا دورہ کرے گی تاکہ اجلاس میں کیے گئے فیصلوں پر عمل درآمد کو یقینی بنایا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ازبکستان پاکستان صدر زرداری.
ذریعہ
ذریعہ: WE News
کلیدی لفظ: ازبکستان پاکستان تعاون کے کے لیے
پڑھیں:
عباس عراقچی شنگھائی تعاون تنظیم کے سالانہ اجلاس میں شرکت کے لیے کرغزستان پہنچ گئے
بشکیک: ایران کے وزیر خارجہ عباس عراقچی شنگھائی تعاون تنظیم کے وزرائے خارجہ کے سالانہ اجلاس میں شرکت کے لیے کرغزستان پہنچ گئے، جہاں رکن ممالک کے وزرائے خارجہ اہم علاقائی اور بین الاقوامی امور پر تبادلہ خیال کر رہے ہیں۔
اجلاس کی میزبان ریاست کرغزستان کے وزیر خارجہ نے ایرانی وزیر خارجہ عباس عراقچی کا استقبال کیا۔ اس موقع پر مختلف رکن ممالک کے نمائندے بھی موجود تھے۔
شنگھائی تعاون تنظیم کے اس سالانہ اجلاس میں چین، روس، پاکستان، بھارت، ایران اور دیگر رکن ممالک کے وزرائے خارجہ شریک ہیں۔ اجلاس میں خطے کی سکیورٹی، اقتصادی تعاون، انسداد دہشت گردی، علاقائی روابط اور باہمی شراکت داری سمیت مختلف اہم موضوعات پر بات چیت کی جا رہی ہے۔
عباس عراقچی نے اجلاس کے موقع پر ایک گروپ تصویر بھی جاری کی، جس میں وہ چین کے وزیر خارجہ وانگ ای، روس کے وزیر خارجہ سرگئی لاوروف اور دیگر رکن ممالک کے وزرائے خارجہ کے ہمراہ اپنے اپنے قومی پرچموں کے سامنے موجود ہیں۔
شنگھائی تعاون تنظیم ایک اہم کثیرالجہتی علاقائی تنظیم ہے، جس کا مقصد رکن ممالک کے درمیان باہمی اعتماد کو فروغ دینا، اقتصادی تعاون کو مضبوط بنانا اور خطے کو درپیش مشترکہ چیلنجز سے نمٹنے کے لیے تعاون بڑھانا ہے۔
اگرچہ تنظیم سکیورٹی اور علاقائی استحکام کے معاملات پر بھی توجہ دیتی ہے، تاہم یہ کسی فوجی یا دفاعی اتحاد کی حیثیت نہیں رکھتی۔
تجزیہ کاروں کے مطابق ایسے وقت میں جب خطے میں جغرافیائی سیاسی کشیدگی برقرار ہے، شنگھائی تعاون تنظیم کا یہ اجلاس رکن ممالک کے درمیان سفارتی رابطوں اور تعاون کو مزید مضبوط بنانے کے لیے اہم قرار دیا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع