گیس کا آر ایل این جی کنکشن کا کوٹہ ختم
اشاعت کی تاریخ: 13th, February 2026 GMT
سوئی ناردرن گیس کمپنی حکام نے اعلان کیا ہے کہ گیس کا آر ایل این جی کنکشن کا کوٹہ ختم ہوگیا ہے۔
حکام کے مطابق آئل اینڈ گیس ریگولیٹری اتھارٹی (اوگرا) نے رواں مالی سال 1 لاکھ 61 ہزار نئے گیس کنکشنز کا کوٹہ منظور کیا تھا۔
حکام کے مطابق آر ایل این جی کا منظور شدہ کوٹہ فروری میں ختم ہو گیا، جس کے باعث 30 جون 2026ء تک اب مزید ارجنٹ آر ایل این جی کنکشنز کی فراہمی ممکن نہیں۔
سوئی ناردرن گیس کمپنی حکام کے مطابق نئے گیس کنکشن کے لیے درخواستوں کی تعداد ساڑھے 6 لاکھ سے زائد تھی، پہلے آئیے پہلے پائیے کی بنیاد پر آر ایل این جی کنکشن فراہم کیے گئے۔
حکام کے مطابق گیس کا آر ایل این جی کنکشن کوٹہ ختم ہو گیا ہے، میٹرز اور دیگر سامان کی کمی بھی بڑا مسئلہ ہے، صارفین ارجنٹ فیس جمع کرا چکے، میٹر نہ ہونے سے گیس کنکشن تاخیر کا شکار ہیں۔
سوئی ناردرن حکام کے مطابق کوشش کر رہے ہیں کہ جلد سے جلد میٹر لگا دیے جائیں، اوگرا نے اجازت دی تو باقی درخواستوں پر بھی گیس کنکشن لگا دیں گے۔
.
ذریعہ
ذریعہ: Nawaiwaqt
کلیدی لفظ: ا ر ایل این جی کنکشن حکام کے مطابق گیس کنکشن
پڑھیں:
غیر قانونی سگریٹ برآمد، 11 ٹرکوں سے 2 کروڑ 50 لاکھ سگریٹ ضبط
اسلام آباد: ملک میں غیر قانونی سگریٹ برآمد ہونے کے ایک بڑے کیس میں کسٹمز انفورسمنٹ اور موٹروے پولیس نے مشترکہ کارروائی کرتے ہوئے 11 ٹرکوں سے تقریباً 2 کروڑ 50 لاکھ سگریٹ قبضے میں لے لیے۔ حکام کے مطابق کارروائی خفیہ اطلاع کی بنیاد پر کی گئی جبکہ معاملے کی مزید تحقیقات جاری ہیں۔
ذرائع کے مطابق ابتدائی طور پر چار ٹرکوں کے ذریعے غیر قانونی سگریٹ پنجاب منتقل کیے جانے کی اطلاع موصول ہوئی تھی۔ بعد ازاں نگرانی کا دائرہ وسیع کیا گیا، جس کے نتیجے میں مزید گاڑیوں کی تلاشی کے دوران مجموعی طور پر 11 ٹرکوں سے بڑی مقدار میں سگریٹ برآمد ہوئے۔
ابتدائی معلومات کے مطابق یہ کھیپ خیبرپختونخوا کے ضلع صوابی سے پنجاب کے مختلف شہروں، جن میں لاہور، ملتان اور سرگودھا شامل ہیں، روانہ کی جا رہی تھی۔ حکام کے مطابق ترسیل کے لیے نجی ٹرانسپورٹ استعمال کی گئی۔
برآمد ہونے والے سگریٹ مختلف برانڈز پر مشتمل ہیں۔ متعلقہ ادارے ان برانڈز کے ٹیکس ریکارڈ، قانونی حیثیت، سپلائی چین اور ترسیلی نیٹ ورک کا جائزہ لے رہے ہیں تاکہ یہ معلوم کیا جا سکے کہ آیا ان مصنوعات پر تمام قانونی تقاضے پورے کیے گئے تھے یا نہیں۔
حکام کا کہنا ہے کہ کارروائی کا مقصد غیر قانونی تجارت، ٹیکس چوری اور اسمگلنگ کی روک تھام ہے۔ اس سلسلے میں ضبط شدہ سامان کی جانچ، متعلقہ دستاویزات کی تصدیق اور مزید شواہد اکٹھے کیے جا رہے ہیں۔
سرکاری ذرائع کے مطابق حکومت کی جانب سے غیر قانونی سگریٹ، ٹیکس چوری اور اسمگلنگ کے خلاف کارروائیاں جاری ہیں۔ متعلقہ اداروں کا کہنا ہے کہ تحقیقات مکمل ہونے کے بعد قانون کے مطابق مزید اقدامات کیے جائیں گے۔
واضح رہے کہ اس مرحلے پر کسی فرد یا ادارے کے خلاف باضابطہ طور پر جرم ثابت نہیں ہوا، جبکہ تحقیقات مکمل ہونے کے بعد ہی ذمہ داری کا تعین کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع