اگر نیتن یاہو ہمارے ملک آیا تو اسے گرفتار کر لیا جائیگا، ناروے
اشاعت کی تاریخ: 14th, February 2026 GMT
نارویجن وزیر خارجہ نے اعلان کیا ہے کہ ناروے، بین الاقوامی فوجداری عدالت (ICC) کیجانب سے قابض اسرائیلی حکام کیخلاف عائد کردہ فرد جرم پر مکمل طور پر تعمیل کریگا اسلام ٹائمز۔ قابض اسرائیلی حکام کے خلاف ہیگ کی عالمی عدالت (ICJ) کے فیصلے کا حوالہ دیتے ہوئے، نارویجن وزیر خارجہ ایپسن بارتھ آئیدے (Espen Barth Eide) نے اعلان کیا ہے کہ ہمارا ملک، قابض اسرائیلی حکام کے خلاف عالمی فوجداری عدالت (ICC) کی جانب سے عائدہ کردہ فرد جرم کی بھرپور حمایت کرتا ہے۔ عرب چینل الجزیرہ کے مطابق، نارویجن وزیر خارجہ نے زور دیتے ہوئے کہا کہ ہم نیتن یاہو اور سابق اسرائیلی حکام کے خلاف عالمی فوجداری عدالت کی جانب سے عائد کردہ فرد جرم کی مکمل حمایت کرتے ہیں اور اگر یہ ملزمان ہمارے ملک کا سفر کریں گے تو انہیں گرفتار کر لیا جائے گا! ناروے کے وزیر خارجہ نے مغربی کنارے کی صورتحال پر بھی تشویش کا اظہار کیا اور مزید کہا کہ خطے بھر کی صورتحال "خراب سے خراب تر" ہوتی جا رہی ہے اور وہاں قابض اسرائیلی ریجیم کے انسانیت سوز اقدامات دو ریاستی حل کو مسلسل کمزور بنا رہے ہیں۔
.
ذریعہ
ذریعہ: Islam Times
کلیدی لفظ: اسرائیلی حکام قابض اسرائیلی
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا