کے پی حکومت کی جانب سے سڑکوں کی بندش غیرقانونی ہے، وزیر قانون
اشاعت کی تاریخ: 16th, February 2026 GMT
شیخوپورہ (نیوزڈیسک) وفاقی وزیر قانون اعظم نذیر تارڑ کا کہنا ہے کہ خیبرپختونخوا حکومت کی جانب سے سڑکوں کی بندش غیرقانونی ہے۔شیخوپورہ میں تقریب سے خطاب میں اعظم نذیر تارڑ نے کہا کہ سپریم کورٹ کے حکم پر بانی پی ٹی آئی کا دوبارہ معائنہ ہوا۔ میڈیکل ٹیم نے علاج پراطمینان کا اظہارکیا۔ جانب سے سڑکوں کی بندش غیرقانونی ہے۔ ماورائے آئین اقدام پر قانون حرکت میں آئے گا، خیبرپختونخوا حکومت آئین اور قانون کی پاسداری کرے۔
وزیر قانون کا کہنا تھا کہ بانی پی ٹی آئی کی عینک کیساتھ ایک آنکھ کی بینائی 70 فیصد ہے، دوسری آنکھ کی بینائی6/6 ہے، میڈیکل ٹیم نےعلاج پر اطمینان کا اظہارکیا ہے۔دوسری جانب وفاقی پارلیمانی سیکرٹری بیرسٹر دانیال چوہدری نے میڈیا سے گفتگو میں کہا کہ بانی پی ٹی آئی پہلے دن سے ڈیل اور ڈھیل کے منتظر ہیں۔ یہ وہی بیساکھیاں ڈھونڈ رہے ہیں جن کے سہارے اس تانگا پارٹی کو حکومت میں لایا گیا ۔ ایسی کوئی چیز نہ ان کو آفر کی جائے گی نہ کی جا سکتی ہے۔
دانیال چوہدری نے مزید کہا کہ ضمانت اور ملک سے باہر جانےکی اجازت تب ملتی ہے اگر کوئی جان کو خطرے والی بیماری ہو ۔ ان کا جو علاج ہونا تھا وہ تو فیملی کے دعوے کے مطابق ہو چکا۔
.
ذریعہ
ذریعہ: Daily Mumtaz
پڑھیں:
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی
وفاقی آئینی عدالت نے پولٹری فیڈ ملز سے 4 فیصد اضافی ٹیکس کی وصولی غیرقانونی قرار دے دی، وفاقی آئینی عدالت نے غیررجسٹرڈ پولٹری فارمز کو فیڈ سپلائی کرنے سے متعلق اہم فیصلہ جاری کر دیا.عدالت نے قرار دیا ہے کہ ٹیکس قانون کے سیکشن 31اے میں ابہام ہے۔
جسٹس عامر فاروق کی سربراہی میں دو رکنی بنچ نے فیصلہ جاری کر دیا. وفاقی آئینی عدالت نے فیصلے میں کہا حکومت نے غیررجسٹرڈ پولٹری فارمز کو فیڈسپلائی کرنے پر مل مالکان پر اضافی ٹیکس عائد کیا۔
اضافی ٹیکس سال 2024 کے فنانس ایکٹ کی مد میں وصول کیا جا رہا تھا،قانون کے مطابق پولٹری فارمز کو ٹیکس سے مستثنیٰ قرار دیا گیا ہے،قانون کے مطابق استثنی ملنے پر پولٹری فارمز رجسٹریشن کے پابند نہیں ہیں۔
قانون غیررجسٹرڈ پولٹری فارمز کو مکمل تحفظ فراہم کرتا ہے،رجسٹریشن کی قانونی پابندی نہ ہونے پر پولٹری فارمز اور فیڈ ملز کو سزا نہیں دی جا سکتی،وفاقی آئینی عدالت نے لاہور ہائیکورٹ کا فیصلہ کالعدم قرار دے دیا۔
لاہور ہائیکورٹ نے پولٹری فیڈ ملز سے 4% اضافی ٹیکس کی وصولی کو درست قرار دیا تھا.پولٹری فیڈ ملز مالکان نے اضافی ٹیکس کی وصولی کیخلاف عدالت سے رجوع کیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ