ویون اور نٹ شیل گروپ کے درمیان ’دی گلوبل کنیکٹ‘ کے لیے اشتراک، معاہدے پر دستخط
اشاعت کی تاریخ: 16th, February 2026 GMT
عالمی ڈیجیٹل آپریٹر وین لمیٹڈ اور نٹ شیل گروپ نے ’دی گلوبل کنیکٹ‘ کانفرنس کے لیے اسٹریٹجک شراکت داری کا اعلان کیا ہے۔
یہ ایک نیا بین الاقوامی پلیٹ فارم ہے جس کا مقصد پالیسی سازوں، عالمی سرمایہ کاروں، کارپوریٹ رہنماؤں اور تعلیمی اداروں کو ایک جگہ جمع کرنا ہے تاکہ ابھرتی اور فرنٹیئر معیشتوں میں سرحد پار سرمایہ کاری، ڈیجیٹل تبدیلی اور طویل المدتی اقتصادی تعاون کو فروغ دیا جا سکے۔
مزید پڑھیں: سرمایہ کار، سیلولر آپریٹرز اور بینکس جلد قسطوں پراسمارٹ فونز کے پیکجز کا اعلان کریں، ڈاکٹر عمر سیف
اس شراکت داری کو دبئی میں ویون کے عالمی ہیڈکوارٹر میں ورلڈ گورنمنٹس سمٹ کے موقع پر نٹ شیل گروپ، ویون لمیٹڈ اور جاز ورلڈ کے درمیان مفاہمتی یادداشت (ایم او یو) پر دستخط کے ذریعے باضابطہ شکل دی گئی۔
اس معاہدے کے تحت ڈیجیٹل جدت، جامع ترقی اور سرمایہ کاری کے شعبوں میں تعاون کا ایک فریم ورک وضع کیا جائے گا، جبکہ پبلک پرائیویٹ شراکت داری کو مضبوط بنانے اور پائیدار اقتصادی ترقی کی رفتار کو تیز کیا جائے گا۔
دستخط کی تقریب میں اعلیٰ حکومتی عہدیداران اور ویون و نٹ شیل گروپ کی قیادت نے شرکت کی۔ شرکا میں وزیر مملکت برائے خزانہ و ریلوے اور سربراہ وزیراعظم ڈیلیوری یونٹ بلال اظہر کیانی، متحدہ عرب امارات میں پاکستان کے سفیر شفقت علی خان، ویون کے بانی اور چیئرمین آگئی کے فابیلا، ویون کے بورڈ ممبر برینڈن لیوس اور ویون کے گلوبل سی ای او کان ترزی اوگلو شامل تھے۔
تقریب میں نٹ شیل گروپ کے بانی و چیئرمین محمد اظفر احسن، جاز ورلڈ کے سی ای او اور ویون گروپ ایگزیکٹو کمیٹی کے رکن عامر حفیظ ابراہیم، عثمان یوسف (ڈائریکٹر، نٹ شیل گروپ)، رابعہ احمد (ڈائریکٹر و سی ای او، نٹ شیل گروپ)، عنیزہ سعید علی (چیف آپریٹنگ آفیسر، مڈل ایسٹ، نٹ شیل گروپ)، ہانڈے آشک (چیف کمیونی کیشنز و اسٹریٹیجی آفیسر، ویون)، خالد ناصر (ڈائریکٹر گورنمنٹ ریلیشنز، ویون) اور ظہیر مہدی (چیف کارپوریٹ و ریگولیٹری افیئرز آفیسر، جاز ورلڈ) بھی موجود تھے۔
اس موقع پر وزیر مملکت برائے خزانہ و ریلوے بلال اظہر کیانی نے کہا کہ پاکستان نے مسلسل اور مربوط پالیسیوں کے ذریعے میکرو اکنامک استحکام حاصل کیا ہے، جس سے سرمایہ کاروں کے اعتماد میں اضافہ اور کاروباری ماحول میں بہتری آئی ہے۔
انہوں نے ویون، جاز ورلڈ اور نٹ شیل گروپ کے درمیان شراکت داری کا خیرمقدم کرتے ہوئے کہا کہ ڈیجیٹلائزیشن اور سرحد پار سرمایہ کاری جیسے اقدامات سے عالمی سرمایہ کاروں کو ایک مثبت پیغام جائے گا۔
بلال کیانی نے اس اقدام کے لیے حکومتی سطح پر مکمل تعاون کی یقین دہانی کرائی اور پاکستان کی عالمی اقتصادی شمولیت کے لیے ایک مؤثر پلیٹ فارم کی تشکیل میں نٹ شیل گروپ کے کردار کو سراہا۔
نٹ شیل گروپ کے بانی و چیئرمین محمد اظفر احسن نے کہا کہ ’دی گلوبل کنیکٹ‘ سادہ مگر اہم اصولوں پر مبنی ہے۔ پاکستان اور دیگر ابھرتی معیشتوں میں صلاحیت کی کمی نہیں، لیکن ان کے پاس ایسے پلیٹ فارمز نہیں ہیں جو ارادے کو عمل میں بدل دیں۔
ہمارا مقصد عالمی سرمایہ، ٹیکنالوجی اور مارکیٹوں کو قابل اعتماد مواقع سے جوڑنا ہے، تاکہ طویل المدتی شراکت داری، تسلسل اور باہمی اعتماد کو فروغ دیا جا سکے۔
ویون کے بانی و چیئرمین Augie K.
’نٹ شیل گروپ کے ساتھ تعاون بین الاقوامی سرمایہ کاروں کی شمولیت کو بڑھائے گا اور نئے مواقع کے دروازے کھولے گا۔‘
سی ای او جاز ورلڈ عامر حفیظ ابراہیم نے کہا کہ پاکستان کی مضبوط معاشی بنیادیں، وسیع پیمانہ، استحکام اور تیزی سے فروغ پاتے ڈیجیٹل انفرااسٹرکچر سے ملک تیزی سے ترقی کی راہ پر گامزن ہوگا۔
انہوں نے کہا کہ ’انویسٹ اِن پاکستان ناؤ‘ اور ’دی گلوبل کنیکٹ‘ جیسے اقدامات عالمی سرمایہ کاروں کو پاکستان میں موجود مواقع کو سمجھنے اور ان سے مؤثر انداز میں جڑنے میں مدد فراہم کریں گے۔
مزید پڑھیں: حکومت اسمارٹ فونز اور ٹیلی کام خدمات پر عائد کردہ ٹیکس پر نظرثانی کرے، جاز سی ای او
’دی گلوبل کنیکٹ‘ کا افتتاحی اجلاس مئی 2026 میں اسلام آباد میں ہوگا، جس میں 25 سے زیادہ ممالک کے رہنما شرکت کریں گے۔ اس اجلاس کا مقصد اقتصادی تعاون کو فروغ دینا، سرحد پار سرمایہ کاری کو تقویت دینا اور پائیدار و شمولیتی ترقی کے لیے عملی اور قابل عمل راستوں کی تشکیل کرنا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اشتراک دی گلوبل کنیکٹ نیٹ شیل وی نیوز ویون
ذریعہ
ذریعہ: WE News
کلیدی لفظ: اشتراک دی گلوبل کنیکٹ نیٹ شیل وی نیوز ویون دی گلوبل کنیکٹ نٹ شیل گروپ کے عالمی سرمایہ سرمایہ کاروں سرمایہ کاری شراکت داری نے کہا کہ جاز ورلڈ سی ای او کے بانی ویون کے کے لیے
پڑھیں:
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا
ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا WhatsAppFacebookX 0 23 July, 2026 سب نیوز
نیویارک (آئی پی ایس )امریکی صدر ڈونلڈ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا۔اپنے سوشل میڈیا اکانٹ پر جاری بیان میں ڈونلڈ ٹرمپ کا کہنا تھا کہ امریکا کے محکمہ توانائی اور سعودی عرب کے درمیان جو سول جوہری معاہدہ طے کیا جا رہا ہے، اس میں کسی بھی قسم کی یورینیم افزودگی کی اجازت نہیں ہوگی۔
ڈونلڈ ٹرمپ کا کہنا تھا کہ یہ معاہدہ صرف پرامن اور غیر فوجی مقاصد کے لیے ہوگا، بالکل ویسا ہی جیسے ایران، متحدہ عرب امارات اور بعض دیگر ممالک کے پاس موجود سول جوہری پروگرام ہیں۔امریکی صدر نے واضح کیا کہ اس معاہدے کی منظوری دی جائے گی لیکن اس کی ایک بنیادی شرط یہ ہوگی کہ سعودی عرب باعزت، کامیاب اور نہایت قابل احترام معاہدہ ابراہیمی میں شامل ہو۔
ٹرمپ کا مزید کہنا تھا کہ امریکا کو پرامن مقاصد کے لیے قائم کیے جانے والے ایسے سول جوہری مراکز پر کوئی اعتراض نہیں، بشرطیکہ ان میں یورینیم کی افزودگی نہ کی جائے۔اسرائیلی وزیراعظم کے دفتر کی جانب سے جاری بیان میں کہا گیا ہے کہ سعودی عرب کا معاہدہ ابراہیمی میں شامل ہونا مشرق وسطی میں امن کے لیے ایک تاریخی پیش رفت ثابت ہوگا۔
ایکس پر جاری بیان میں کہا گیا کہ ایران کے خلاف امریکا اور اسرائیل کی مشترکہ فوجی کارروائی اور ایران کے حمایت یافتہ دہشت گرد نیٹ ورک کو اسرائیل کی جانب سے شدید نقصان پہنچانیکے بعد اب امن کے دائرے کو مزید وسیع کرنیکا ایک نیا موقع پیدا ہوگیا ہے۔ تاہم اسرائیلی وزیراعظم کے دفتر نے امریکا اور سعودی عرب کے درمیان ہونے والے سول جوہری معاہدیکا کوئی ذکر نہیں کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرآزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع اگلی خبرصدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکی جدہ قونصل خانے میں اہم انتظامی تبدیلی، فرینہ ارشد نے ڈپٹی قونصل جنرل کا عہدہ سنبھال لیاCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار