پنجاب حکومت کو سرکاری ملازمین کا حق دینا پڑیگا: نعیم الرحمان
اشاعت کی تاریخ: 17th, February 2026 GMT
لاہور:(نیوزڈیسک) امیرجماعت اسلامی حافظ نعیم الرحمان نے کہا ہے کہ پنجاب حکومت کو سرکاری ملازمین کو اُن کا حق دینا پڑے گا۔
سرکاری ملازمین کےدھرنے کے شرکا سے خطاب کرتے ہوئے حافظ نعیم الرحمان کا کہنا تھا کہ پیپلزپارٹی اور (ن) لیگ خاندانی جماعتیں ہے، 54 ہزار میں سے11 ہزار سکولوں کو آؤٹ سورس کر دیا ہے۔
اُنہوں نے کہا کہ وزیراعلیٰ صاحبہ! کیا اسے گورننس کہتے ہیں؟ سرکاری سکولوں کو بڑھانے کے بجائے سرکاری سکولوں سے ہی جان چھڑائی جا رہی ہے، پنجاب حکومت نے تعلیم کا بیڑہ غرق کر دیا ہے، پیپلز پارٹی اور (ن) لیگ دونوں فارم 47 کے ذریعے اقتدار میں آئے۔
امیر جماعت اسلامی کا کہنا تھا کہ پنجاب میں سرکاری ملازمین رُل رہے ہیں، پنجاب حکومت کو سرکاری ملازمین کو اُن کا حق دینا پڑے گا، جماعت اسلامی سرکاری ملازمین کےساتھ کھڑی ہے، سرکاری ملازمین کی پنشن میں کسی قسم کی کٹوتی منظور نہیں۔
حافظ نعیم الرحمان نے مزید کہا کہ اقتدار میں بیٹھے لوگ ایسا ماحول بنانا چاہتے ہیں جیسے پنجاب میں دودھ کی نہریں بہہ رہی ہیں، حکومت چلانے میں اپنا کردار ادا کرنے والے ایک سے گریڈ 22 کے ملازمین کے ساتھ ناروا سلوک کیا جا رہا ہے، ملازمین کی لیو انکیشمنٹ، پنشن اور دیگر مراعات ختم کی جا رہی ہیں۔
.
ذریعہ
ذریعہ: Daily Mumtaz
پڑھیں:
راولپنڈی میں ہوٹل سے سرکاری ادارے کے اہلکار کی پھندا لگی لاش برآمد
تھانہ نیو ٹاؤن کے ہوٹل سے سرکاری ادارے کے اہلکار کی پھندا لگی لاش برآمد ہوئی ہے۔
پولیس کے مطابق سندھ سے تعلق رکھنے والے کاشف علی نے ہوٹل کا کمرہ بک کرایا تھا، کافی وقت گزرنے پر کمرے سے جواب نہ ملنے پر ہوٹل انتظامیہ نے پولیس سے رجوع کیا۔
پولیس پہنچنے پر کمرہ کھولا گیا تو اندر سے کاشف علی کی پھندا لگی نعش ملی، پولیس نے فرانزک شواہد اکٹھے کرکے لاش پوسٹ مارٹم کے لیے اسپتال منتقل کردی۔
پاکستان نے ورلڈ کپ 2028 کیلیے براہ راست کوالیفائی کر لیا