ہمارا فوکس ورلڈ کپ جیتنے پر ہے، شاداب خان کا بھارت سے ہار پر تنقید کرنے والوں کو جواب
اشاعت کی تاریخ: 18th, February 2026 GMT
پاکستان کرکٹ ٹیم کے آل راؤنڈر شاداب خان نے کہا ہے کہ بھارت سے شکست پر بہت باتیں ہو رہی ہیں، تاہم ٹیم کا فوکس کسی ایک میچ پر نہیں بلکہ ٹی20 ورلڈکپ جیتنے پر ہے۔
کولمبو میں نمیبیا کے خلاف 102 رنز سے فتح حاصل کرنے کے بعد شاداب خان نے پریس کانفرنس میں کہاکہ آج کا میچ آسان نہیں تھا لیکن ہر کھلاڑی نے بہترین کارکردگی دکھائی۔
مزید پڑھیں: ٹی20 ورلڈکپ 2026: سپر8 مرحلے کی ٹیمیں مکمل، 12 ٹیموں کا ایونٹ میں سفر ختم ہوگیا
انہوں نے کہاکہ سابق کرکٹرز کی اپنی رائے ہے، لیکن ورلڈ کپ میں ٹیم نے نمیبیا کو شکست دے کر ایک اہم سنگ میل عبور کیا ہے۔
شاداب خان نے مزید کہاکہ ٹیم میں جو اچھی چیزیں جاری ہیں، انہیں برقرار رکھنا ضروری ہے۔ بیٹنگ میں تسلسل قائم رکھنا ہوگا، صاحبزادہ فرحان کی شاندار فارم ٹیم کے لیے خوش آئند ہے۔
آل راؤنڈر نے خبردار کیاکہ سپر 8 مرحلہ کافی مشکل ہوگا اور پریشر والے میچز ہوں گے۔ کنڈیشنز کے مطابق تبدیلیاں لازمی ہیں، اور ٹی20 کرکٹ میں آج کل زیادہ آل راؤنڈ کھلاڑی میچز میں کلیدی کردار ادا کرتے ہیں۔
واضح رہے کہ آئی سی سی ٹی20 ورلڈکپ میں پاکستان نے نمیبیا کو 102 رنز سے شکست دے کر سپر 8 کے لیے کوالیفائی کر لیا۔
مزید پڑھیں: ٹی20 ورلڈ کپ، پاکستان نے نمیبیا کو شکست دے کر سپر8 مرحلے کے لیے کوالیفائی کرلیا
پاکستان نے صاحبزادہ فرحان کی شاندار سینچری کی بدولت نمیبیا کے لیے 200 رنز کا ہدف مقرر کیا، جس کے تعاقب میں نمیبیا صرف 97 رنز پر آؤٹ ہوگئی۔ پاکستان کی جانب سے شاداب خان نے 19 رنز دے کر 3 وکٹیں حاصل کیں جبکہ عثمان طارق نے 16 رنز کے عوض 4 کھلاڑیوں کو آؤٹ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان پاکستان بھارت میچ ٹی20 ورلڈ کپ سپر8 نمیبیا وی نیوز.
ذریعہ
ذریعہ: WE News
کلیدی لفظ: پاکستان پاکستان بھارت میچ ٹی20 ورلڈ کپ نمیبیا وی نیوز ٹی20 ورلڈ ورلڈ کپ کے لیے
پڑھیں:
انفرااسٹرکچر پر امریکی حملوں کا جواب شدید اور وسیع ہوگا، ایران
ایران کی حکومت کے اعلیٰ عہدیدار محسن رضاعی نے خبردار کیا ہے کہ ایرانی انفرااسٹرکچر پر امریکی حملوں کا ردعمل شدید اور وسیع ہوگا۔
ایرانی خبرایجنسی کی رپورٹ کے مطابق محسن رضائی نے سوشل میڈیا پر جاری بیان میں کہا کہ اگر امریکہ نے ایران کے انفرا اسٹرکچر پر مزید حملے کیے تو ایران کا جوابی اقدام شدید اور بتدریج وسیع ہوگا۔
انہوں نے کہا کہ شلمچہ میں زائرین پر حملہ اور انفرا اسٹرکچر پر حملوں کی امریکی دھمکیاں مایوسی اور بے بسی کے سوا کچھ نہیں ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی