صاحبزادہ فرحان کی شاندار سنچری، بڑے کھلاڑیوں کی فہرست میں شامل
اشاعت کی تاریخ: 19th, February 2026 GMT
پاکستان کے اوپنر صاحبزادہ فرحان کی آئی سی سی مینز ٹی20 ورلڈ کپ 2026ء میں نمیبیا کے خلاف ناقابلِ شکست سنچری کئی حوالوں سے یادگار بن گئی۔
یہ میچ سنہالیز اسپورٹس کلب گراؤنڈ میں کھیلا گیا جہاں فرحان نے شاندار بیٹنگ کا مظاہرہ کیا۔
فرحان نے 58 گیندوں پر ناقابلِ شکست 100 رنز بنائے، جس میں 11 چوکے اور 4 چھکے شامل تھے، اس سے قبل وہ مختصر فارمیٹ میں 9 نصف سنچریاں بنا چکے تھے، تاہم یہ ان کے کیریئر کی پہلی ٹی20 انٹرنیشنل سنچری ہے۔
Pakistan's Sahibzada Farhan took the game away from Namibia with a superb hundred????
He wins the @aramco POTM????
????: https://t.
— ICC (@ICC) February 18, 2026
اس کارنامے کے ساتھ وہ مینز ٹی20 ورلڈ کپ میں سنچری بنانے والے صرف دوسرے پاکستانی بلے باز بن گئے ہیں، اس سے قبل یہ اعزاز احمد شہزاد کے پاس تھا جنہوں نے 2014ء کے ایڈیشن میں بنگلا دیش کے خلاف سنچری اسکور کی تھی۔
مجموعی طور پر فرحان ٹی20 ورلڈ کپ کی تاریخ میں سنچری بنانے والے 13ویں بیٹر بن گئے ہیں، اس فہرست میں ویسٹ انڈیز کے کرس گیل، نیوزی لینڈ کے برینڈن میک کولم، سری لنکا کے مہیلا اور انگلینڈ کے الیکس ہیلز جیسے نامور کھلاڑی بھی شامل ہیں۔
ٹی20 انٹرنیشنل کرکٹ میں بھی فرحان پاکستان کی جانب سے سنچری بنانے والے پانچویں بیٹر بن گئے ہیں، اس فہرست میں بابر اعظم، محمد رضوان، حسن نواز، محمد حارث اور احمد شہزاد شامل ہیں، بابر اعظم پاکستان کی جانب سے سب سے زیادہ 3 ٹی20 آئی سنچریاں بنانے کا اعزاز رکھتے ہیں جبکہ دیگر کھلاڑیوں کے نام 1،1 سنچری ہے۔
پاکستان کرکٹ بورڈ نے سوشل میڈیا پلیٹ فارم ایکس پر جاری بیان میں فرحان کی شاندار کارکردگی کو سراہتے ہوئے انہیں ٹی20 ورلڈ کپ میں سنچری بنانے والا دوسرا پاکستانی قرار دیا۔
A knock to remember! ✨
Maiden T20I ???? for Sahibzada Farhan and becomes the second Pakistan batter to hit a century in ICC Men's T20 World Cup ????????????#PAKvNAM | #BackTheBoysInGreen | #T20WorldCup | #WeHaveWeWill pic.twitter.com/1eGBkUGdgY
— Pakistan Cricket (@TheRealPCB) February 18, 2026
نمیبیا کے خلاف اس یادگار اننگز کے بعد مداحوں اور کرکٹ حلقوں کی جانب سے سوشل میڈیا پر مبارکبادوں کا سلسلہ جاری ہے۔
ذریعہ
ذریعہ: Daily Mumtaz
کلیدی لفظ: ٹی20 ورلڈ کپ
پڑھیں:
ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز شاندار اور رنگا رنگ افتتاحی تقریب سے ہوگیا، جہاں اولمپک چیمپئن ارشد ندیم کی قیادت میں پاکستانی دستے نے قومی پرچم کے ساتھ باوقار انداز میں مارچ پاسٹ کیا۔ پاکستان ایونٹ میں 6 مختلف کھیلوں میں حصہ لے گا اور تمغوں کی سب سے زیادہ امید ارشد ندیم سے وابستہ ہے۔
اسکاٹ لینڈ کے شہر گلاسگو میں 23ویں کامن ویلتھ گیمز کا آغاز جمعرات کو ہائیڈرو ایرینا میں ایک شاندار، رنگا رنگ اور منفرد افتتاحی تقریب سے ہوا، جس نے اسکاٹ لینڈ کی بھرپور ثقافتی روایات کو جدید انداز میں پیش کرتے ہوئے گیمز کی تاریخ کی یادگار افتتاحی تقریبات میں اپنا مقام بنا لیا۔
یہ بھی پڑھیے کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم
افتتاحی تقریب میں سینکڑوں کھلاڑیوں، آفیشلز اور شائقین نے شرکت کی۔ موسیقی، دلکش روشنیوں، جدید بصری اثرات اور فنکارانہ پرفارمنسز نے پورے ایرینا کو جشن کے رنگوں میں رنگ دیا، جبکہ دولتِ مشترکہ کے مختلف رکن ممالک سے آنے والے کھلاڑیوں کا پرتپاک خیرمقدم کیا گیا۔
27 رکنی پاکستانی دستہ اولمپک گولڈ میڈلسٹ اور عالمی ریکارڈ ہولڈر جیولن تھروور ارشد ندیم کی قیادت میں میدان میں داخل ہوا۔ مارچ پاسٹ کے دوران ارشد ندیم نے قومی پرچم تھام رکھا تھا۔ اس بار روایت سے ہٹ کر کھلاڑیوں کی پریڈ انگریزی حروفِ تہجی کے بجائے براعظموں کی بنیاد پر ترتیب دی گئی، جس کے تحت سب سے پہلے افریقی ممالک کے دستے اور اس کے بعد ایشیائی ممالک کے کھلاڑی میدان میں آئے۔
پاکستان کامن ویلتھ گیمز میں 6 مختلف کھیلوں میں اپنی صلاحیتوں کا مظاہرہ کرے گا، جن میں ایتھلیٹکس، باکسنگ، جمناسٹکس، جوڈو، لان بولز اور تیراکی شامل ہیں۔
قومی دستے کی سب سے بڑی امید ارشد ندیم ہیں، جنہوں نے اپنی غیرمعمولی کارکردگی اور عالمی سطح پر نمایاں کامیابیوں کے باعث ایک بار پھر پاکستان کے لیے تمغہ جیتنے کی توقعات کو مضبوط کر دیا ہے۔
ایک ہفتے سے زائد جاری رہنے والے ان کھیلوں میں دولتِ مشترکہ کے بہترین ایتھلیٹس مختلف مقابلوں میں اپنی صلاحیتوں کا لوہا منوائیں گے، جبکہ پاکستان خصوصاً ایتھلیٹکس اور باکسنگ میں نمایاں کامیابی حاصل کرکے اپنے تمغوں کی تعداد میں اضافہ کرنے کے عزم کے ساتھ میدان میں اترے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
23ویں کامن ویلتھ گیمز اسکاٹ لینڈ اولمپک چیمپئن ارشد ندیم کھیل گلاسگو
بھارت سے جنگ اور افغانستان میں کارروائی خارج ازامکان نہیں، وزیردفاع