خواجہ سعد رفیق کو دل کا دورہ، شریان میں اسٹنٹ ڈالنے کے بعد گھر منتقل
اشاعت کی تاریخ: 19th, February 2026 GMT
سابق وزیر ریلوے اور پاکستان مسلم لیگ (ن) کے سینئر رہنما خواجہ سعد رفیق کو دل کا دورہ پڑنے پر پنجاب انسٹی ٹیوٹ آف کارڈیالوجی منتقل کردیا گیا، جہاں فوری طبی امداد فراہم کی گئی۔
تفصیلات کے مطابق ڈاکٹرز نے معائنے کے دوران ان کی ایک شریان بند ہونے کی تشخیص کی، جس پر فوری طور پر اسٹنٹ ڈال دیا گیا۔ کامیاب علاج کے بعد ڈاکٹرز نے انہیں اسپتال سے ڈسچارج کرکے آرام کے لیے گھر بھیج دیا ہے۔
اس موقع پر ان کے چھوٹے بھائی اور صوبائی وزیر صحت خواجہ سلمان رفیق سمیت دیگر قریبی رشتے دار بھی اسپتال میں موجود تھے اور ان کی خیریت دریافت کرتے رہے۔
خواجہ سعد رفیق نے بتایا کہ طبیعت خراب ہونے پر وہ چیک اپ کے لیے اسپتال گئے تھے، جہاں ڈاکٹرز نے فوری معائنہ کرکے بند شریان میں اسٹنٹ ڈال دیا۔ انہوں نے کہا کہ اللہ کے فضل سے علاج کے بعد اب وہ بہتر محسوس کر رہے ہیں اور گھر منتقل ہو چکے ہیں۔
.
ذریعہ
ذریعہ: Al Qamar Online
پڑھیں:
اوباڑو : تیز آندھی اور بارش کے باعث مختلف حادثات میں 50 کے قریب افراد زخمی
سٹی 42 : اوباڑو اور گردونواح میں تیز آندھی اور بارش کے باعث مختلف حادثات میں 50 کے قریب افراد زخمی ہوگئے ۔
پولیس کے مطابق زخمیوں میں مرد، خواتین اور بچے شامل ہیں، تعلقہ اسپتال میں ایمرجنسی نافذ کردی گئی ہے۔ اسسٹنٹ کمشنر اوباڑو کی ہدایت پر اسپتال کے تمام عملے کو الرٹ کر دیا گیا۔
اسپتال ذرائع کے مطابق بعض زخمیوں کی حالت تشویشناک بتائی جا رہی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
اسسٹنٹ کمشنر صحیب الاہی کا کہنا ہےکہ شدید آندھی کے باعث مختلف علاقوں میں حادثات پیش آئے، زخمیوں کو فوری طبی امداد فراہم کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ