رمضان المبارک کا آغاز، وفاقی دارالحکومت میں رمضان بازار سج گئے
اشاعت کی تاریخ: 19th, February 2026 GMT
رمضان المبارک کی آمد کے ساتھ ہی وفاقی دارالحکومت اسلام آباد میں رمضان بازار سج گئے جہاں خریداروں کا رش دیکھنے میں آ رہا ہے۔ شہریوں کو معیاری چکن، کریانہ، تازہ سبزیوں اور پھلوں کی حکومتی قیمتوں پر فراہمی جاری ہے۔
مزید پڑھیں: رمضان المبارک: مساجد میں پہلی تراویح کے روح پرور اجتماعات، بازاروں میں رونق
ڈپٹی کمشنر اسلام آباد عرفان میمن کے مطابق شہر بھر میں مجموعی طور پر 7 رمضان بازار قائم کیے گئے ہیں تاکہ عوام کو ماہِ مقدس میں ریلیف فراہم کیا جا سکے۔ ہر رمضان بازار کے انتظامات کی ذمہ داری متعلقہ اسسٹنٹ کمشنر کو سونپی گئی ہے، جبکہ سٹاک کی دستیابی اور حکومتی نرخوں پر عمل درآمد بھی اسسٹنٹ کمشنر کی ذمہ داری ہوگی۔
رمضان المبارک کا آغاز/رمضان بازار سج گئے
وفاقی دارالحکومت کے رمضان بازاروں میں خریداروں کا رش
معیاری چکن، کریانہ، تازہ سبزیوں اور پھلوں کی حکومتی قیمت پر فراہمی جاری
شہر بھر میں مجموعی طور پر 7 رمضان بازار لگائے گئے ہیں، ڈی سی اسلام آباد@KulAalam @AmirSaeedAbbasi pic.
— Media Talk (@mediatalk922) February 19, 2026
ڈی سی اسلام آباد کا کہنا ہے کہ ہر بازار میں ہمہ وقت پرائس کنٹرول مجسٹریٹس موجود ہوں گے اور شہری کسی بھی قسم کی شکایت فوری طور پر متعلقہ پرائس کنٹرول مجسٹریٹ کے علم میں لا سکتے ہیں۔
مزید پڑھیں: کیا کوئٹہ کا رمضان سستا بازار عوام کو ریلیف فراہم کر پائے گا؟
عرفان میمن کے مطابق تمام بازاروں میں کیش لیس سسٹم کے حوالے سے بھی اقدامات کیے گئے ہیں تاکہ خریداری کا عمل مزید سہل بنایا جا سکے۔ اس کے علاوہ پارکنگ، سیکیورٹی اور صفائی ستھرائی کے انتظامات کو بھی یقینی بنایا گیا ہے۔
ڈی سی اسلام آباد نے واضح کیا کہ اشیائے خور ونوش پر حکومتی ریلیف ہر صورت شہریوں تک پہنچایا جائے گا اور اس سلسلے میں کسی قسم کی غفلت برداشت نہیں کی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رمضان المبارک کا آغاز، رمضان بازار وفاقی دارالحکومت
ذریعہ
ذریعہ: WE News
کلیدی لفظ: رمضان المبارک کا آغاز وفاقی دارالحکومت وفاقی دارالحکومت رمضان المبارک اسلام آباد
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا