پاکستان ہاکی فیڈریشن کے ایڈہاک صدر محی الدین نے عماد بٹ پر لگی 2 سال کی پابندی ہٹادی
اشاعت کی تاریخ: 20th, February 2026 GMT
پاکستان ہاکی فیڈریشن یعنی پی ایچ ایف کے صدر طارق بگٹی کے استعفے کے بعد سیکریٹری بین الصوبائی رابطہ محی الدین احمد وانی نے ایڈہاک صدر کا چارج سنبھال لیا ہے۔
چارج سنبھالنے کے بعد محی الدین احمد وانی نے کہا کہ ورلڈ کپ کوالیفائنگ مرحلے میں بہت کم وقت رہ گیا ہے، اس لیے کیمپ آج یا کل شروع کر دیا جائے گا۔
انہوں نے اعلان کیا کہ کپتان عماد شکیل بٹ پر عائد پابندی ختم کر دی گئی ہے اور ہاکی کی بحالی و فروغ کے لیے ہنگامی اقدامات شروع کر دیے گئے ہیں۔
یہ بھی پڑھیں:
محی الدین وانی کے مطابق ٹیم مینجمنٹ کی ازسرنو تشکیل، کوچنگ اور تربیتی نظام میں بہتری اور ادارہ جاتی روابط مضبوط بنانے پر کام جاری ہے۔
انہوں نے کھلاڑیوں کو ہدایت کی کہ وہ صرف کھیل پر توجہ دیں، انتظامی امور فیڈریشن سنبھالے گی، اور تمام فیصلے شفافیت اور میرٹ کی بنیاد پر کیے جائیں گے۔
پی ایچ ایف کے پیٹرن اِن چیف وزیراعظم شہباز شریف نے جمعرات کو بگٹی کا استعفیٰ فوری طور پر منظور کرتے ہوئے فیڈریشن میں مبینہ بدانتظامی کا نوٹس بھی لیا تھا۔
طارق بگٹی نے استعفیٰ دیتے ہوئے پاکستان اسپورٹس بورڈ پر بدانتظامی اور فنڈز کی بروقت عدم فراہمی کا الزام عائد کیا تھا۔
ان کا کہنا تھا کہ ایف آئی ایچ پرو لیگ میں شرکت کے لیے سفری اور لاجسٹک اخراجات کی ادائیگی میں تاخیر کی گئی۔
آسٹریلیا میں ہوٹل بکنگ کی رقم وقت پر ادا نہ ہونے سے کھلاڑیوں اور آفیشلز کو مشکلات کا سامنا کرنا پڑا، اور انہیں بتایا گیا کہ ادائیگی کا عمل 2 ماہ تک لے سکتا ہے۔
بگٹی نے وزیراعظم اور چیف آف آرمی اسٹاف فیلڈ مارشل عاصم منیر سے معاملے کی تحقیقات کے لیے کمیٹی تشکیل دینے کی اپیل بھی کی۔
مزید پڑھیں:
طارق بگٹی نے قومی کپتان عماد شکیل بٹ پر ساتھی کھلاڑیوں کو دھمکانے اور فیڈریشن کے خلاف مہم چلانے کا الزام لگاتے ہوئے ان پر 2 سال کی پابندی عائد کرنے کا اعلان کیا تھا۔
بعد ازاں وزیراعظم کے مشیر برائے بین الصوبائی رابطہ رانا ثنااللہ نے بتایا کہ پاکستان اسپورٹس بورڈ کی قائم کردہ 3 رکنی انکوائری کمیٹی نے تحقیقات مکمل کرکے رپورٹ وزیراعظم کو پیش کر دی ہے۔
ذرائع کے مطابق رپورٹ میں پاکستان ہاکی فیڈریشن کو ذمہ دار قرار دیا گیا۔
دوسری جانب عماد شکیل بٹ نے ٹیم مینجمنٹ اور پی ایچ ایف پر بدانتظامی اور ذہنی ہراسانی کے الزامات عائد کرتے ہوئے کہا کہ دورہ کے دوران کھلاڑیوں سے ایسے کام کرائے گئے جو کسی پیشہ ور ایتھلیٹ کے شایانِ شان نہیں۔
مزید پڑھیں:
ان کے مطابق کھلاڑیوں سے کچن صاف کروانے، برتن دھلوانے، کپڑے خود دھونے اور واش رومز صاف کروانے جیسے کام لیے گئے، جس کے بعد انہیں ٹریننگ اور میچز کھیلنے جانا پڑتا تھا۔
ادھر پاکستان کرکٹ بورڈ کے چیئرمین محسن نقوی نے لاہور میں قومی ہاکی ٹیم سے ملاقات کی اور پرو ہاکی لیگ کے دوران مبینہ ناروا سلوک پر کھلاڑیوں کے تحفظات دور کرنے کی یقین دہانی کرائی۔
انہوں نے مصر میں ہونے والے ورلڈ کپ کوالیفائر سے قبل مکمل تعاون کی یقین دہانی بھی کرائی۔
محسن نقوی نے فوری طور پر ہوائی ٹکٹ، کھیلوں کا سامان اور ہوٹل رہائش کا انتظام کرنے کی ہدایت کرتے ہوئے جمعہ سے ٹریننگ کیمپ لگانے کا حکم دیا۔
انہوں نے زخمی کھلاڑیوں کو پی سی بی کی نگرانی میں فوری طبی سہولیات فراہم کرنے کی ہدایت کی۔
انہوں نے حالیہ قومی ٹورنامنٹ میں رنر اپ رہنے پر ہر کھلاڑی کو دس لاکھ روپے کا چیک بھی دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انکوائری کمیٹی پاکستان اسپورٹس بورڈ پاکستان کرکٹ بورڈ پاکستان ہاکی فیڈریشن پرو ہاکی لیگ پی ایچ ایف رانا ثنااللہ عماد شکیل بٹ محسن نقوی محی الدین وانی.
ذریعہ
ذریعہ: WE News
کلیدی لفظ: انکوائری کمیٹی پاکستان اسپورٹس بورڈ پاکستان کرکٹ بورڈ پاکستان ہاکی فیڈریشن پرو ہاکی لیگ پی ایچ ایف رانا ثنااللہ عماد شکیل بٹ محسن نقوی محی الدین وانی پاکستان ہاکی فیڈریشن عماد شکیل بٹ پی ایچ ایف محی الدین انہوں نے کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
بھارت سے جنگ اور افغانستان میں کارروائی خارج ازامکان نہیں، وزیردفاع