نجی پارک میں بیماری پھیلنے سے 72 چیتے ہلاک، ماہرین کا سخت نگرانی کا مطالبہ
اشاعت کی تاریخ: 22nd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
چیانگ مائی:جنوب مشرقی ایشیائی ملک تھائی لینڈ کے شمالی علاقے میں واقع نجی وائلڈ لائف پارک میں متعدی بیماری پھیلنے سے کم از کم بہتر چیتوں کی ہلاکت کے واقعے نے ماہرین اور جانوروں کے حقوق کے حلقوں میں تشویش کی لہر دوڑا دی ہے، جبکہ حکام نے واقعے کی تحقیقات شروع کر دی ہیں۔
عالمی میڈیا رپورٹس کے مطابق ہلاکتیں مشہور نجی پارک ٹائیگر کنگڈم میں پیش آئیں، ہفتے کے روز پارک انتظامیہ سے باضابطہ مؤقف کے لیے رابطہ نہ ہو سکا۔ صوبائی لائیو اسٹاک آفس کے حکام نے بتایا کہ ابتدائی جانچ کے دوران جانوروں میں انتہائی متعدی کینائن ڈسٹیمپر وائرس کی موجودگی کی تصدیق ہوئی ہے، اس کے علاوہ نظامِ تنفس کو متاثر کرنے والے بیکٹیریا بھی پائے گئے جو بیماری کی شدت میں اضافے کا باعث بنے۔
صوبہ چیانگ مائی کے حکام کے مطابق چیتوں میں بیماری کی علامات بروقت پہچاننا مشکل ہوتا ہے کیونکہ یہ جانور عموماً کمزوری یا تکلیف کو ظاہر نہیں کرتے، جب تک عملے کو بیماری کا مکمل اندازہ ہوا، تب تک انفیکشن تیزی سے پھیل چکا تھا اور کئی جانور جان کی بازی ہار چکے تھے۔
ادھر جانوروں کے حقوق کے لیے سرگرم تنظیم پیٹا ایشیا نے واقعے پر ردعمل دیتے ہوئے کہا کہ چیتے اسی تکلیف دہ ماحول میں مرے جس میں وہ زندہ رکھے گئے تھے، یعنی خوف، قید اور ذہنی دباؤ کی حالت میں۔ تنظیم نے مطالبہ کیا کہ نجی جانوروں کے پارکوں کے لیے عالمی معیار کے مطابق فلاحی ضوابط اور صحت کی نگرانی لازمی قرار دی جائے۔
قومی لائیو اسٹاک ڈپارٹمنٹ کے ڈائریکٹر نے مقامی میڈیا کو بتایا کہ واقعے کی مکمل تحقیقات جاری ہیں اور رپورٹ مکمل ہونے کے بعد ذمہ داری کا تعین کر کے ضروری قانونی اور انتظامی اقدامات کیے جائیں گے تاکہ آئندہ ایسے واقعات سے بچا جا سکے اور جانوروں کی حفاظت یقینی بنائی جا سکے۔
ذریعہ
ذریعہ: Jasarat News
پڑھیں:
سانحہ اٹلی، جاں بحق افراد کی شہریت کی تصدیق تاحال نہیں ہو سکی، دفتر خارجہ
اٹلی میں مبینہ طور پر چار پاکستانی کسانوں(Pakistani farmers) کے لرزہ خیز قتل کے واقعے پر ترجمان دفتر خارجہ نے ردعمل دیتے ہوئے کہا ہے کہ جنوبی اٹلی میں جلائی گئی ایک وین سے چار افراد کی لاشیں ملی ہیں۔
ترجمان دفتر خارجہ کے مطابق ابتدائی اطلاعات سے ظاہر ہوتا ہے کہ جاں بحق افراد پاکستانی نژاد ہو سکتے ہیں، تاہم اس مرحلے پر ان کی شہریت کی حتمی تصدیق نہیں ہو سکی۔
دفتر خارجہ کے مطابق مقامی پولیس واقعے کی مکمل تحقیقات کر رہی ہے تاکہ حقائق سامنے لائے جا سکیں۔
مزید پڑھیں:کرپٹو ٹریڈنگ پر 15 تا 30 فیصد کیپیٹل گین ٹیکس عائد ہونے کا امکان، ذرائع
ترجمان نے مزید بتایا کہ اٹلی میں پاکستانی سفارتخانہ مقامی حکام کے ساتھ قریبی رابطے میں ہے ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ