پنجاب :سی ایم گرین ٹریکٹر پروگرام کے تیسرے مرحلے کا افتتاح
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
260223-01-15
لاہور(آن لائن)وزیر اعلیٰ پنجاب مریم نواز نے سی ایم گرین ٹریکٹر پروگرام فیز 3 کا باضابطہ افتتاح کر دیا اور قرعہ اندازی کے عمل کا آغاز کیا۔ تقریب کے دوران کامیاب کاشتکاروں کے ناموں کا اعلان کیا گیا جبکہ وزیراعلیٰ نے خوش نصیب کسانوں کو ٹیلی فون کر کے مبارکباد بھی دی۔ وزیراعلیٰ نے بہاولپور کے کاشتکار حمزہ لیاقت سے گفتگو کرتے ہوئے کہا کہ ’’آپ کی سی ایم مریم نواز بول رہی ہوں، قرعہ اندازی میں آپ کا ٹریکٹر نکل آیا، مبارک ہو۔‘‘ ان کا کہنا تھا کہ گرین ٹریکٹر اسکیم سے صوبے کا زرعی لینڈ اسکیپ تیزی سے بدل رہا ہے اور پاکستان مسلم لیگ (ن) نے ہمیشہ کسانوں کی فلاح و بہبود کو ترجیح دی ہے۔بریفنگ میں بتایا گیا کہ گزشتہ 25 برس میں 20 ہزار ٹریکٹر فراہم کیے گئے جبکہ صرف دو سال میں 31 ہزار ٹریکٹر دینے کا ریکارڈ قائم ہوا۔ سی ایم گرین ٹریکٹر اسکیم کے پہلے دو مراحل مکمل ہو چکے ہیں جن کے تحت 21 ہزار ٹریکٹر دیے جا چکے ہیں، جبکہ تیسرے مرحلے میں 50 سے 65 ہارس پاور کے مزید 10 ہزار ٹریکٹر فراہم کیے جائیں گے۔صوبائی وزیر زراعت سید عاشق حسین کرمانی نے بتایا کہ تیسرے فیز کے لیے 4 لاکھ 27 ہزار پانچ ایکڑ کے مالک کاشتکاروں نے درخواستیں جمع کرائیں۔ بریفنگ کے مطابق گزشتہ پانچ سال میں ملک میں ٹریکٹروں کی قیمتیں دگنی سے زائد ہو چکی ہیں جس کے باعث چھوٹے اور درمیانے درجے کے کسانوں کے لیے مکمل قیمت پر ٹریکٹر خریدنا مشکل ہو گیا تھا۔حکام کے مطابق پنجاب میں ہر 10 ہزار ایکڑ اراضی پر 140 ٹریکٹر دستیاب ہیں جو دیگر ممالک کے مقابلے میں پچاس فیصد سے بھی کم ہے۔ حکومت کا مؤقف ہے کہ جدید زرعی مشینری کے فروغ سے زرعی پیداوار میں اضافہ ہوگا اور کسانوں کو معاشی استحکام حاصل ہوگا۔
لاہور: وزیراعلیٰ پنجاب مریم نواز سی ایم گرین ٹریکٹر اسکیم فیز تھری کاآغاز کررہی ہیں
خبر ایجنسی
سیف اللہ
ذریعہ
ذریعہ: Jasarat News
کلیدی لفظ: سی ایم گرین ٹریکٹر ہزار ٹریکٹر
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
پاکستان نے ورلڈ کپ 2028 کیلیے براہ راست کوالیفائی کر لیا