پیپلزپارٹی نے اجازت نہ ملنے پر مینار پاکستان سے جلسے کا مقام تبدیل کردیا
اشاعت کی تاریخ: 24th, July 2026 GMT
پیپلزپارٹی نے مینار پاکستان پر جلسے کی اجازت نہ ملنے پر گورنر ہاؤس ہاؤس میں پروگرام منعقد کرنے کا فیصلہ کیا ہے۔
پاکستان پیپلزپارٹی لاہور کے صدر فیصل میر نے میڈیا سے گفتگو کرتے ہوئے کہا کہ مینار پاکستان جلسے کی اجازت نہ ملنے پر پیپلز پارٹی نے آج گورنر ہاؤس میں جلسے کا فیصلہ کیا ہے۔
انہوں نے کہا کہ مریم نواز کے پرنسپل سیکریٹری کی زبانی اجازت کی یقین دہانی کے بعد ہم دو روز سے مینار پاکستان پر جلسے کی تیار کررہے تھے اور اسٹیج بھی تیار کرلیا تھا۔
انہوں نے کہا کہ صبح ہمیں کہا گیا کہ آپ جلسہ نہیں کرسکتے اور اس کی اجازت نہیں ہے جبکہ پیپلز پارٹی کے ہزاروں جیالے یہاں موجود تھے۔ صورت حال کو دیکھتے ہوئے پارٹی قیادت نے ہدایت دی ہے کہ مینار پاکستان سے جلسے کا مقام تبدیل کر دیں اور گورنر ہاؤس میں ورکرز کنونشن کریں۔
انہوں نے کاہ کہ جون کی 8 تاریخ کو درخواست دی تھی اس کے باوجود بھی اجازت نہیں دی گئی، ہم نے جہاں جہاں جلسے کے بینرز لگائے آدھے گھنٹے میں اتار لیے گئے۔
اس سے قبل مینار پاکستان پر جلسے کے معاملے پر پیپلز پارٹی کی اعلیٰ قیادت اور حکومت کے درمیان رابطہ ہوا جس پر دونوں جماعتوں نے مذاکرات کیے اور معاملہ خوش اسلوبی سے حل کرنے کے عزم کا اظہار کیا۔
اس سے قبل پیپلزپارٹی نے دعویٰ کیا کہ پولیس نے لاہور کے ڈپٹی انفارمیشن سیکریٹری احمد گھمن اور آفس سیکریٹری عاطف کھوکھر گرفتار کرلیا ہے تاہم پولیس نے اس دعوے کا انکار کیا۔
.
ذریعہ
ذریعہ: Express News
کلیدی لفظ: مینار پاکستان پارٹی نے
پڑھیں:
اسلام آباد کچہری میں سموسے کیساتھ چٹنی نہ ملنے پر ہنگامہ
اسلام آباد کچہری میں سموسے پر چٹنی نہ ڈالنے کے معاملے پر ویٹر اور پولیس اہلکار کے درمیان تلخ جملوں کا تبادلہ ہوگیا جس کے بعد صورتحال کشیدہ ہوگئی۔
ذرائع کے مطابق کچہری میں ڈیوٹی پر موجود ایک پولیس اہلکار نے سموسے کے ساتھ چٹنی ڈالنے کا کہا، تاہم ویٹر نے انکار کرتے ہوئے مؤقف اختیار کیا کہ سموسہ پلیٹ 120 روپے کی ہے جبکہ چٹنی شامل کرنے پر قیمت 150 روپے ہوگی۔
ویٹر کے انکار پر دونوں کے درمیان تکرار شروع ہوگئی، جس کے باعث موقع پر موجود افراد کی توجہ بھی اس جانب مبذول ہوگئی۔
واقعے کے بعد وکلاء نے کیفے ٹیریا بند کرنے کا مطالبہ کرتے ہوئے مؤقف اپنایا کہ پولیس اہلکار اور سائلین کھانے کے لیے کچہری آتے ہیں، لیکن کیفے ٹیریا انتظامیہ اپنی مرضی کے نرخ وصول کر رہی ہے جس کا نوٹس لیا جانا چاہیے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم