ترنول میں پولیس پر فائرنگ کرنے والے ملزمان زخمی حالت میں گرفتار
اشاعت کی تاریخ: 27th, April 2025 GMT
اسلام آباد کے تھانہ ترنول کی حدود میں ملزمان کی پولیس پر فائرنگ کر کے فرار ہونے والے ملزمان زخمی حالت میں گرفتار۔
اسلام آباد پولیس کے ترجمان کے مطابق کے ملزمان علاقہ تھانہ گولڑہ میں سنیچنگ کی واردات کرکے ترنول کی طرف بھاگ رہے تھے۔
یہ بھی پڑھیں:نوکری کا جھانسہ دیکر شہری کو قتل کرنے والے 4 ملزمان گرفتار: اسلام آباد پولیس
پولیس رات گئے تھانہ ترنول کے حدود میں معمول کی چیکنگ پر مامور تھی، اس دوران پولیس نے 2 مشکوک موٹر سائیکل سواروں کو روکنے کا اشارہ کیا۔
پولیس کو دیکھتے ہی موٹرسائیکل سواروں نے اچانک اندھا دھند فائرنگ شروع کردی۔ تھانہ ترنول پولیس نے کمال بہادری کا مظاہرہ کرتے ہوئے 2 ملزمان کو زخمی حالت میں گرفتار کرلیا۔
پولیس کے ترجمان کے مطابق احتیاطی تدابیر کی بدولت پولیس جوان محفوظ رہے۔
گرفتار ملزمان میں زبیر شاہ اور سمیع اللہ شامل ہیں۔ جب کہ ان ساتھی ملزمان کی گرفتاری کے لئے پولیس چھاپے مار رہی ہے۔
گرفتار ملزمان کے قبضے سے 2 تیس بور پسٹل، ایک موٹرسائیکل بھی برآمد کرلیے گئے۔ گرفتار ملزمان کے خلاف اسلام آباد میں سنگین جرائم کے 14 مقدمات درج ہیں۔
ڈی آئی جی اسلام آباد محمد جواد طارق نے پولیس ٹیم کی بہادری پر شاباش دی اور انعامات کا اعلان کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس تھانہ ترنول تھانہ گولڑہ ڈی آئی جی اسلام آباد محمد جواد طارق.ذریعہ: WE News
کلیدی لفظ: اسلام ا باد پولیس تھانہ ترنول ڈی آئی جی اسلام آباد محمد جواد طارق تھانہ ترنول اسلام آباد
پڑھیں:
لڑکی سے ملنے کیلیے آنے والے آشنا کے پکڑے جانے پر ساتھیوں نے فائرنگ کردی، دو زخمی
شہر قائد کے علاقے کورنگی بنگالی پاڑہ میں لڑکی سے ملنے کیلیے آنے والے آشنا کے پکڑے جانے پر ساتھیوں نے فائرنگ کردی جس کے نتیجے میں لڑکی سمیت 2 افراد زخمی ہوگئے۔
تفصیلات کے مطابق کورنگی کے علاقے بنگالی پاڑہ سیکٹر 34 بی میں گھر کے اندر فائرنگ کے واقعے میں نوجوان لڑکی سمیت 2 افراد زخمی ہوگئے جبکہ لڑکی کا بھائی اور نوعمر چوٹ لگنے سے زخمی ہوگئی۔
زخمیوں کو فوری طبی امداد کے لیے جناح اسپتال لیجایا گیا جہاں ان کی شناخت 24 سالہ زینب دختر ظہیر اور 26 سالہ رضوان ولد راشد کے نام سے کئی گئی جبکہ فائرنگ کے دوران جھگڑے میں چوٹ لگنے سے زخمی لڑکی بھائی 22 سالہ ایوب اور 12 سالہ حبیبہ کے نام سے ہوئی۔
ایس ایچ او عدیل افضال نے بتایا کہ ابتدائی تفتیش اور معلومات کے دوران یہ بات سامنے آئی ہے کہ فائرنگ کے وقت زخمی زینب گھر پر اکیلی تھی اور اس کی والدہ اور بہن رشتے دار کے گھر گئے ہوئے تھے کہ اس دوران زینب نے اپنے آشنا اسد کو گھر پر ملنے کے لیے بلوایا تھا اور اس دوران اس کا بھائی ایوب آگیا۔
بھائی کا لڑکی کے آشنا سے جھگڑا ہوا اور بات ہاتھا پائی پر پہنچی تو اسد نامی لڑکا اپنے ساتھ دیگر اوباشوں کو لایا اور اُس کے ساتھیوں نے فائرنگ کردی۔ جس کے نتیجے میں لڑکی زینب اور بیچ بچاؤ کیلیے آنے والے پڑوسی رضوان زخمی ہوگئے جبکہ ایوب اور بچی حبیبہ جھگڑے کے دوران دھکم پیل کے نتیجے میں معمولی زخمی ہوئے۔
زخمی ہونے والا رضوان ایوب کا پڑوسی ہے جو ممکنہ طور پر بیچ بچاؤ کرانے آیا تھا کہ فائرنگ کی زد میں آگیا ۔ نوعمر لڑکی حبیبہ کو طبی امداد کے بعد گھر روانہ کردیا گیا ہے جبکہ فائرنگ کرنے والے ملزمان موقع سے فرار ہوگئے۔
پولیس نے جائے وقوعہ سے نائن ایم ایم پستول کے 4 خول برآمد ہوئے ہیں تاہم پولیس فرار ہونے والے ملزمان کی تلاش میں چھاپے مار رہی ہے جبکہ زخمی زینب اور رضوان کا بیان بھی قلمبند کیا جا رہا ہے ۔
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم