50 سے زائد عراقی نمائندوں کی ابو محمد الجولانی کے دورہ بغداد کی مخالفت
اشاعت کی تاریخ: 29th, April 2025 GMT
اپنے ایک بیان میں علاء الحیدری کا کہنا تھا کہ میں نے احمد الشرع کے نام سے معروف، دہشتگرد کے خلاف درخواست دائر کی ہے۔ اسلام ٹائمز۔ عراقی پارلیمنٹ کے رکن "ابتسام الهلالی" نے خبر دی کہ متعدد ارکان پارلیمنٹ، بغداد میں ہونے والے عرب لیگ کے اجلاس میں ابو محمد الجولانی کی شرکت کے مخالف ہیں۔ ابتسام الهلالی نے شفق نیوز سے بات کرتے ہوئے کہا کہ اس مخالفت کی وجہ اُن دہشت گرد گروہوں کی جانب سے انجام دئے گئے جرائم ہیں جن کے ابو محمد الجولانی رکن رہے ہیں۔ ان متعدد جرائم میں اہم ترین بغداد کے مرکزی علاقے "الکرادہ" میں ہونے والا بم دھماکہ شامل ہے۔ انہوں نے کہا کہ اب تک 51 سے زائد نمائندوں نے شام پر حاکم باغی ٹولے کے سربراہ کی بغداد میں موجودگی کی مخالفت میں ایک پٹیشن پر دستخط کیے ہیں جسے وہ پارلیمنٹ کے اسپیکر تک پہنچائیں گے تاکہ ضروری اقدامات کیے جا سکیں۔
اسی سلسلے میں ایک اور عراقی رکن پارلیمنٹ "علاء الحیدری" نے خبر دی کہ انہوں نے سپریم کورٹ میں ابو محمد الجولانی کے خلاف شکایت درج کرائی۔ عراق کی سپریم جوڈیشل کونسل سے گفتگو کرتے ہوئے علاء الحیدری نے کہا کہ میں نے احمد الشرع کے نام سے معروف، دہشت گرد کے خلاف درخواست دائر کی ہے۔ انہوں نے کہا کہ ابو محمد الجولانی، عراقی سرزمین پر موجود دہشت گرد گروہ داعش کا رکن تھا۔ واضح رہے کہ عراق کے وزیر ثقافت و سیاحت "احمد فکاک البدرانی" نے گزشتہ اتوار کو خود کو شام کا صدر کہنے والے، دمشق پر قابض ٹولے کے سربراہ کے نام ایک باضابطہ لیٹر جاری کیا تاکہ وہ اگلے مہینے کی 17 تاریخ کو بغداد میں ہونے والے عرب لیگ کے اجلاس میں شرکت کر سکیں۔
ذریعہ: Islam Times
کلیدی لفظ: ابو محمد الجولانی کہا کہ
پڑھیں:
خیبرپختونخوا کےبلدیاتی نمائندوں کا 3 سال سے ترقیاتی فنڈ نہ ملنےپر حکومت کےخلاف سڑکوں پرآنے کا عندیہ
خیبرپختونخوا کے بلدیاتی نمائندوں نے تین سال سے ترقیاتی فنڈز فراہم نہ کرنے اور دیگر مسائل کے حل کیلیے ایک بار پھر صوبائی حکومت کے خلاف سڑکوں پر آنے کا عندیہ دے دیا۔
ایکسپریس نیوز کے مطابق خیبرپختونخوا کی مقامی حکومتوں کے نمائندوں نے مسائل میں صوبائی حکومت کی عدم دلچسپی گزشتہ تین سالوں کے ترقیاتی فنڈز فراہمی و دیگر مسائل کے حل کے لیے ایک دفعہ پھر سڑکوں پر نکلنے کا عندیہ دے دیا ہے۔
بلدیاتی نمائندوں کا کہنا ہے کہ وہ مشاورت کے بعد حکومت کے خلاف احتجاج کی تاریخ اور مقام کا اعلان لوکل کونسل ایسوسی ایشن کے اگلے ہفتے ہونے والے اجلاس میں کریں گے۔
ترجمان لوکل کونسلز ایسوسی ایشن تحصیل چئیرمین سرائے نورنگ لکی مروت عزیز اللہ خان مروت، نیبر ہوڈ کونسل چئیرمین و کوارڈئینٹر ایسوسی ایشن انتظار علی خلیل کے مطابق خیبرپختونخوا کی مقامی حکومتیں گزشتہ مالی سال 2021-22 ، 2022-23، 2023-24، 2024-25 سے ترقیاتی فنڈز سے محروم ہیں۔
انہوں نے کہا کہ ہر سال بجٹ میں مقامی حکومتوں کے لیے ترقیاتی فنڈز مختص کیا جاتا ہیں مگر ابھی تک عمل درآمد نہیں کیا جاسکا۔ ابھی تک مقامی حکومتوں کو ترقیاتی فنڈ میں ایک روپیہ تک جاری نہیں کیا، خیبرپختونخوا کی صوبائی حکومت نے جو کہ صوبائی حکومت کا مقامی حکومتوں کے مسائل کے حل میں عدم دلچسپی کا منہ بولتا ثبوت ہے۔
معاون لوکل کونسلز ایسوسی ایشن خیبرپختونخوا انتظارعلی خلیل کے مطابق گزشتہ تین سالوں سے بلدیاتی نمائندوں نے لوکل کونسلز ایسوسی ایشن کے زیر قیادت متعدد بار احتجاج کیے جس میں بلدیاتی نمائندوں پر بدترین لاٹھی چارج، شلینگ کی گئی، بلدیاتی نمایندوں کو گرفتار کیا گیا۔
انہوں نے کہا کہ اسی طرح متعدد بار صوبائی حکومت بالخصوص وزیر اعلیٰ خیبرپختونخوا سے صدر لوکل کونسلز ایسوسی ایشن کے مذکرات ہوئے جن کے میٹنگ منٹس موجود ہیں مگر عمل درآمد آج تک نہیں ہوسکا۔
اُن کا کہنا تھا کہ ضم اضلاع کے تحصیل چئیرمین تین سال گزرنے کے باوجود بھی دفاتر، سرکاری گاڑیوں و دیگر وسائل سے محروم ہیں، آئندہ مالی سال بجٹ میں اگر مقامی حکومتوں کا قانون حصہ 20 فیصد اگر مختص کرنے کے ساتھ ساتھ فوری ریلیز نہیں کیا گیا، گزشتہ تین سالوں کے ترقیاتی و غیر ترقیاتی فنڈ سمیت تو لوکل کونسلز ایسوسی ایشن خیبرپختونخوا ایک دفعہ پھر بھرپور پرامن احتجاجی دھرنے کا اعلان کرتے ہوئے سڑکوں کا رخ کریگی۔
کوارڈئینٹر لوکل کونسلز ایسوسی ایشن انتظارعلی خلیل کے مطابق ہم غیر ملکی ڈونر اداروں، سول، سیاسی و سماجی تنظیوں سے اپیل کرتے ہیں کہ مقامی حکومتوں کے نمایندوں کی تحریک میں شامل ہوکر خیبرپختونخوا کے خوشحالی میں ساتھ دیں۔
کراچی میں قربانی کے جانور چھیننے والے گینگ کے 3 ملزمان گرفتار