خیبر پختونخوا کے 2000 ارب روپے پر مشتمل بجٹ میں خاص بات کیا ہوسکتی ہے؟
اشاعت کی تاریخ: 4th, June 2025 GMT
خیبر پختونخوا حکومت نے مالی سال 2025-26 کے بجٹ کی تیاری مکمل کر لی ہے، جو 13 جون کو پیش کیا جائے گا۔ صوبائی حکومت کے مطابق بجٹ کا مجموعی حجم 2,000 ارب روپے مقرر کیا گیا ہے۔
وزیر اعلیٰ خیبر پختونخوا کے مشیر برائے خزانہ مزمل اسلم کے مطابق بجٹ کو پارٹی ویژن اور عوام کو ریلیف دینے کے لیے تیار کیا گیا ہے۔ ان کا دعویٰ ہے کہ اصلاحات، ترقیاتی منصوبے، اور صوبے کے محروم طبقے کی فلاح کو مدنظر رکھتے ہوئے بجٹ تیار کیا گیا ہے تاکہ عوام کو زیادہ سے زیادہ ریلیف مل سکے۔
محکمہ خزانہ کے مطابق خیبر پختونخوا حکومت وفاقی بجٹ کے بعد 13 جون کو اپنا بجٹ پیش کر رہی ہے۔ اس حوالے سے محکمہ قانون کو مراسلہ ارسال کیا گیا ہے۔
خیبرپختونخوا کے بجٹ میں خاص کیا ہے؟مزمل اسلم نے بجٹ کے بارے میں بتایا کہ دن رات محنت کے بعد بجٹ کو حتمی شکل دی گئی ہے، جس میں غریب اور کم آمدنی والے طبقے کو ریلیف دینے کے اور عوامی منصوبے شامل کیے گئے ہیں۔ انہوں نے بتایا کہ بجٹ کا کل تخمینہ 2,000 ارب روپے ہے، جس میں 1,800 ارب روپے جاری اخراجات کے لیے ہوں گے، جبکہ ترقیاتی بجٹ (ADP) میں 40 فیصد اضافہ تجویز کیا گیا ہے۔
انہوں نے بتایا کہ بجٹ میں صحت کارڈ اسکیم کی توسیع کی تجویز دی گئی ہے، جس کے لیے خطیر فنڈز مختص کرنے کی تجویز ہے۔ اسی طرح، تعلیمی ایمرجنسی کا نفاذ کرکے تعلیم کے شعبے کے لیے اضافی فنڈز رکھے گئے ہیں، جس سے اسکولوں میں ہر قسم کی ناکافی سہولیات کی دستیابی کو یقینی بنایا جائے گا۔ ساتھ ہی لڑکیوں کے لیے وظیفے بھی شروع کرنے کا منصوبہ شامل ہے۔ انہوں نے بتایا کہ حکومت اسکولوں سے باہر بچوں کو واپس لانے کے لیے بجٹ میں فنڈز رکھے گی تاکہ اس پر کام کیا جا سکے۔
یہ بھی پڑھیے وفاقی بجٹ 26-2025: سولر پینلز کی قیمتوں میں کمی کا کتنا امکان ہے؟
مزمل اسلم کے مطابق ضم شدہ اضلاع کے لیے خصوصی فنڈنگ اور پشاور کے علاوہ دیگر اضلاع میں پبلک ٹرانسپورٹ کی بہتری کے لیے فنڈز رکھے گئے ہیں۔ انہوں نے کہا کہ اگلے سال بھی حکومت کفایت شعاری پر زور دے گی اور حکومتی اخراجات کم سے کم کرنے کی کوشش کرے گی، اور اصلاحاتی ایجنڈے کے مطابق کام کرے گی۔ انہوں نے کہا کہ سماجی بہبود اور نوجوانوں کے لیے قرض اسکیمیں بھی شامل کی گئی ہیں، جبکہ وزیراعلیٰ کی ہدایت کے مطابق بعض محکموں کے لیے ریفارم ایجنڈے کے تحت اضافی فنڈز مختص کیے گئے ہیں تاکہ کارکردگی کو بہتر بنایا جا سکے۔
وفاق سے پہلے بجٹ پیش نہ کرنے کا فیصلہخیبر پختونخوا حکومت نے اس بار صوبائی بجٹ وفاق کے بعد پیش کرنے کا فیصلہ کیا ہے، جو 13 جون کو پیش کیا جائے گا۔ محکمہ خزانہ کے ایک اعلیٰ سرکاری افسر کے مطابق خیبر پختونخوا اس بار وفاق سے پہلے بجٹ پیش نہیں کرے گا۔ وفاق 10 جون کو بجٹ پیش کر رہا ہے، جبکہ صوبائی بجٹ 13 جون کو پیش ہو گا۔
افسر نے وضاحت کی کہ وفاقی بجٹ سے پہلے بجٹ پیش کرنے سے سیاسی فائدہ تو ہو سکتا ہے، لیکن عملی پیچیدگیاں پیدا ہوتی ہیں کیونکہ صوبہ 90 فیصد سے زائد مالی انحصار وفاقی وسائل پر کرتا ہے۔
کیا بجٹ میں سرکاری ملازمین کے لیے کوئی خوشخبری ہے؟خیبر پختونخوا حکومت نے ابھی تک سرکاری ملازمین اور پنشن میں اضافے کا کوئی حتمی فیصلہ نہیں کیا ہے، اس لحاظ سے ابھی تک سرکاری ملازمین اور پنشنرز کے لیے کوئی واضح خوشخبری سامنے نہیں آئی۔
یہ بھی پڑھیے آئندہ مالی سال کے بجٹ کی تیاریاں جاری، نان فائلرز کے لیے بُری خبر
ذرائع کے مطابق سرکاری ملازمین کی تنخواہ میں 10 فیصد تک اضافہ زیر غور ہے، تاہم حتمی فیصلہ وفاق کے اعلان کے بعد کیا جائے گا۔ ذرائع کے مطابق صوبہ وہی شرح اپنائے گا جو وفاقی حکومت مقرر کرے گی۔
رواں مالی سال کی کارکردگی، اہداف حاصل کرنے میں ناکامیخیبر پختونخوا حکومت رواں سال اپنے بجٹ اہداف حاصل کرنے میں ناکام رہی۔ صوبائی حکومت نے رواں بجٹ میں آمدنی کا ہدف 1,750 ارب روپے رکھا تھا، جبکہ اب تک صرف 1,150 ارب روپے وصول ہوئے۔ جبکہ اخراجات کا ہدف 1,650 ارب روپے تھا، جس میں سے 1,050 ارب روپے خرچ ہو چکے ہیں۔
ذرائع کے مطابق صوبائی حکومت ترقیاتی بجٹ کا نصف بھی خرچ نہ کر سکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خیبر پختونخوا بجٹ مزمل اسلم.ذریعہ: WE News
کلیدی لفظ: خیبر پختونخوا بجٹ خیبر پختونخوا حکومت سرکاری ملازمین کیا گیا ہے بتایا کہ انہوں نے ارب روپے حکومت نے کے مطابق بجٹ پیش جائے گا گئے ہیں پیش کر جون کو کے لیے کے بعد
پڑھیں:
پنجاب میں ہلکی بارش سے موسم خوشگوار؛ پختونخوا میں موسم شدید گرم اور خشک
پنجاب میں ہلکی بارش سے موسم خوشگوار ہوگیا جب کہ خیبر پختونخوا میں موسم شدید گرم اور خشک ہے۔
محکمہ موسمیات کے مطابق لاہور سمیت پنجاب کے مختلف اضلاع میں تیز ہواؤں اور ہلکی بارش موسم خوشگوار ہوگیا اور درجہ حرارت میں کمی آ گئی۔
صوبائی دارالحکومت میں کم سے کم درجہ حرارت 27 جب کہ زیادہ سے زیادہ 35 ڈگری تک جانے کے امکانات ہیں۔ لاہور میں آج بھی گرد آلود ہواؤں کے ساتھ کہیں کہیں بارش کے امکانات ہیں۔
دوسری جانب خیبر پختونخوا کے بیشتر اضلاع میں موسم گرم اور خشک جب کہ میدانی علاقوں میں شدید گرمی کا امکان ہے۔
محکمہ موسمیات کے مطابق چترال بالائی و زریں ، سوات ، دیر، بالائی و زریں ، مالاکنڈ،، بونیر ، باجوڑ ، مانسہرہ، ،بٹگرام کوہستان میں بعض مقامات پر گرم چمک کے ساتھ بارش کا امکان ہے۔
پشاور ،خیبر، کرم اور کوہاٹ میں بھی جزوی ابر آلود ،بعض مقامات پر گرچ چمک کے ساتھ بارش کا امکان ہے۔
صوبے میں سب سے زیادہ گرمی بنوں میں 40 ڈگری سینٹی گریڈ ، پشاور: 39، ڈیرہ اسماعیل خان 38، تخت بھائی 36، چترال 32، دیر31، کالام 23، اور مالم جبہ میں 19 رہا۔
پاکستان امن چاہتا ہے، عالمی برادری بھارت کا محاسبہ کرے: وزیرِ اعظم شہباز شریف