سپریم کورٹ: آئندہ ہفتے کا ججز روسٹر اور کاز لسٹ جاری کر دی گئی
اشاعت کی تاریخ: 5th, June 2025 GMT
---فائل فوٹو
سپریم کورٹ کی جانب سے آئندہ ہفتے کا ججز روسٹر اور کاز لسٹ جاری کی گئی ہے۔ سپریم کورٹ پرنسپل سیٹ میں تین بینچز اور پشاور رجسٹری میں ایک بینچ مقدمات سنے گا۔
کراچی رجسٹری اور لاہور رجسٹری میں تین تین بینچز جبکہ پشاور رجسٹری میں سپریم کورٹ کا ایک بینچ مقدمات سنے گا۔
جسٹس اطہر من اللّٰہ، جسٹس ملک شہزاد پر مشتمل بینچ ون مقدمات کی سماعت کرے گا۔
بینچ 2 میں جسٹس نعیم اختر افغان، جسٹس میاں گل حسن اورنگزیب مقدمات کی سماعت کریں گے۔
بینچ 3 میں ایڈہاک ججز جسٹس سردار طارق اور جسٹس مظہر عالم میاں خیل سماعت کریں گے۔
جسٹس منصور علی شاہ، جسٹس عائشہ ملک، جسٹس شاہد وحید، جسٹس باقر علی نجفی، جسٹس شاہد بلال اور جسٹس عامر فاروق بھی لاہور رجسٹری میں مقدمات کی سماعت کریں گے۔
اسی طرح جسٹس منیب اختر، جسٹس عرفان سعادت، جسٹس محمد علی مظہر، جسٹس حسن اظہر رضوی اور جسٹس عقیل عباسی کراچی رجسٹری میں سماعت کریں گے۔
جسٹس صلاح الدین پنہور اور جسٹس شفیع صدیقی بینچ ون میں مقدمات سنیں گے۔
جسٹس مسرت ہلالی، جسٹس شکیل احمد اور جسٹس اشتیاق ابراہیم پشاور رجسٹری میں مقدمات کی سماعت کریں گے۔
.ذریعہ: Jang News
کلیدی لفظ: مقدمات کی سماعت سماعت کریں گے سپریم کورٹ اور جسٹس
پڑھیں:
خانپور ڈیم آلودہ پانی فراہمی کیس میں ایڈووکیٹ جنرل کے پی کو نوٹس
اسلام آباد(ڈیلی پاکستان آن لائن) سپریم کورٹ نے خانپور ڈیم آلودہ پانی فراہمی کیس میں ایڈووکیٹ جنرل کے پی کو نوٹس جاری کر دیا۔
نجی ٹی وی چینل دنیا نیوز کے مطابق سپریم کورٹ کے آئینی بنچ نے آلودہ پانی کی فراہمی کے خلاف ازخود نوٹس کیس کی سماعت کی۔
دوران سماعت واپڈا کے وکیل احسن رضا نے مؤقف اختیار کیا کہ خانپور ڈیم 5 ملین لوگوں کو پانی کی فراہمی کا واحد ذریعہ ہے، ایگزیکٹو ضلعی انتظامیہ سہولت کاری فراہم کر رہی ہے، جہاں پہلے 20 کشتیاں چلتی تھیں، اب 326 کشتیاں ڈیم میں چل رہی ہیں۔
جسٹس جمال خان مندوخیل نے ریمارکس دیئے کہ پی ایچ اے ڈیپارٹمنٹ بھی تو ہے، وہ اس حوالے سے کوئی اصول طے کر لے، جسٹس شکیل احمد نے کہا کہ ڈیم کی انتظامیہ کہہ سکتی ہے کہ یہاں موٹر بوٹس چلانا منع ہے۔
سپریم کورٹ کراچی رجسٹری نے ڈاکٹر کے رضاکارانہ استعفے پر پنشن کیس کا24سال بعد فیصلہ سنا دیا
وکیل نے بتایا کہ یہ لوگ بوٹنگ پر پیسے کما رہے ہیں، 6 ریزروٹس بھی بنا لئے ہیں۔
جسٹس عامر فاروق نے استفسار کیا کہ آپ کی اجازت کے بغیر وہ کیسے کشتیاں چلا سکتے ہیں؟ جسٹس جمال خان مندوخیل نے کہا کہ بوٹنگ رکوانے کیلئے آپ کا کیا کردار ہے؟ جس پر وکیل نے بتایا کہ ہم نے مجسٹریٹ کے سامنے بھی درخواست دائر کی تھی، خانپور تحصیل بننے کے بعد حالات مزید خراب ہوئے ہیں۔
جسٹس امین الدین خان نے کہا کہ آپ کہتے ہیں کشتیوں سے آلودگی پھیل رہی ہے، اس کا متبادل کوئی راستہ ہے تو بتائیں، جس پر وکیل نے جواب دیا کہ جی متبادل راستہ ہے کہ الیکٹرک کشتیاں بھی ہیں، جس سے آلودگی نہیں پھیلے گی۔
چیئرمین پیپلزپارٹی بلاول بھٹو نے لیگی وفد سے ملاقات کی اندرونی کہانی بتا دی
بعد ازاں عدالت نے ایڈووکیٹ جنرل خیبرپختونخوا کو نوٹس جاری کرتے ہوئے کیس کی سماعت غیر معینہ مدت تک ملتوی کر دی۔
اشتہار