ایران کے بھرپور جواب سے اسرائیل بھوکھلا گیا ہے، ثروت اعجاز قادری
اشاعت کی تاریخ: 16th, June 2025 GMT
چیئرمین سنی تحریک نے کہا کہ اسرائیل نے دنیا کے امن کو تباہ کیا ہے اور یہ تباہی اس کی بربادی لے کر آئے گی، اسرائیل ایک ایک کر کے اسلامی ممالک کو نشانہ بنا رہا ہے اس وقت پوری امت مسلمہ کو ایک ہونا پڑے گا، پوری امت مسلمہ کو اتحاد یکجہتی کی ضرورت ہے تاکہ مل کر یہود و نصاری کا مقابلہ کیا جا سکے۔ اسلام ٹائمز۔ پاکستان سنی تحریک کے چیئرمین انجینئر محمد ثروت اعجاز قادری نے اسرائیل کے ایران حملے کے بعد ایران کی جانب سے دیئے جانے والے جواب پر گفتگو کرتے ہوئے کہا کہ اسرائیل کی جارحیت اب برداشت سے باہر ہو چکی ہے، مظلوم فلسطینیوں کی نسل کشی کے بعد اب اسرائیل مسلم ممالک کی جانب دیکھ رہا ہے۔اسرائیل یہ بات اچھی طرح سمجھ لے اس کا انجام بھارت سے بھی برا ہوگا، اسرائیل مسلم ممالک کو کمزور سمجھ کر دبانے کی کوشش کر رہا ہے، مسلمانوں کو کمزور سمجھنے والے نے ہمیشہ اپنے منہ کی کھائی ہے، اسرائیل کی پشت پناہی کرنے والے ممالک بھی اب چوکنا ہو جائیں کیونکہ ان کی بھی باری آ چکی ہے، بھارت کی طرح اسرائیل کا بھی بخار اتارنے کا وقت آگیا ہے۔ ثروت اعجاز قادری کا مزید کہنا تھا کہ اسرائیل کو دیے جانے والا ایران کے جواب سے اسرائیل بھوکھلا گیا ہے، وہ بھی بھارت کی طرح امریکہ کو بیچ میں ڈال کر بچنا چاہ رہا ہے۔
ان کا کہنا تھا کہ ایران کے جواب کے بعد جوہری طاقتیں بھی ایران سے مذاکرات کرنے پر آمادہ ہو چکی ہیں، کفار کو معلوم ہو چکا ہے کہ امت مسلمہ ایک پلیٹ فارم پر جمع ہو گئی ہے، اسرائیل امت مسلمہ کی بقا و سلامتی سے کھیلنے کی کوشش کر رہا ہے جو اسے بہت مہنگی پڑے گی، اقوام متحدہ ہو یا او آئی سی سب کا کردار واضح نظر آرہا ہے، اسرائیلی حملوں میں کل 224 افراد جانبحق ہو چکے تھے، جب کہ 1200 سے زیادہ زخمی ہوئے ہیں، انسانی حقوق کی تنظیمیں آج کہاں ہیں، اسرائیل نے دنیا کے امن کو تباہ کیا ہے اور یہ تباہی اس کی بربادی لے کر آئے گی، اسرائیل ایک ایک کرکے اسلامی ممالک کو نشانہ بنا رہا ہے اس وقت پوری امت مسلمہ کو ایک ہونا پڑے گا، پوری امت مسلمہ کو اتحاد یکجہتی کی ضرورت ہے تاکہ مل کر یہود و نصاری کا مقابلہ کیا جا سکے۔
ذریعہ: Islam Times
کلیدی لفظ: پوری امت مسلمہ کو رہا ہے
پڑھیں:
7 ممالک جہاں آئی فون 17 کی قیمت پوری دنیا سے کم ہے
ایپل کا نیا فلیگ شپ اسمارٹ فون آئی فون 17 دنیا بھر میں لانچ ہوگیا ہے، لیکن اس کی قیمت ہر ملک میں یکساں نہیں۔ بعض ممالک میں یہ فون خاصا سستا ہے جبکہ کچھ میں اس کی قیمت خریداروں کی جیب پر بھاری پڑ سکتی ہے۔
اگر آپ نیا فون خریدنے کا ارادہ رکھتے ہیں تو یہ جاننا فائدہ مند ہوگا کہ کہاں سے خریدنا سب سے بہتر رہے گا۔
یہ ہیں وہ 7 ممالک جہاں آئی فون 17 (256 جی بی بیس ماڈل) سب سے سستا ہے اور وہ جگہ جہاں یہ سب سے مہنگا ہے:
امریکا
قیمت: 799 ڈالر
دنیا بھر میں سب سے سستی قیمت۔ لیکن یہ ماڈل صرف eSIM سپورٹ کرتا ہے، اس لیے اگر آپ فزیکل سم کارڈ استعمال کرتے ہیں تو یہ مسئلہ بن سکتا ہے۔
کینیڈا
قیمت: 1,129 کینیڈین ڈالر
امریکہ کے قریب ترین قیمت اور ساتھ ہی فزیکل سم کا آپشن بھی موجود ہے۔ اگر اس کو امریکی ڈالر کے اعتبار سے دیکھیں تو یہ قیمت 816 امریکی ڈالر بنتی ہے۔
متحدہ عرب امارات (یو اے ای)
قیمت: 3,099 درہم
کم ٹیکس کی وجہ سے دبئی اور ابوظہبی بھارتی خریداروں میں ہمیشہ سے مقبول رہے ہیں۔ یہاں آئی فون 843 امریکی ڈالر کے برابر فروخت ہورہا ہے۔
چین
قیمت: 5,999 یوآن
چین میں قیمت بھارت سے کم ہے، اگرچہ امریکا اور کینیڈا کے مقابلے میں زیادہ ہے۔ اس قیمت کو امریکی ڈالر کے حساب سے دیکھا جائے تو یہ 842 ڈالر بنتی ہے۔
جاپان
قیمت: 129,800 ین
یو اے ای سے کچھ زیادہ لیکن بھارت کے مقابلے میں اب بھی کافی سستا۔ یہاں آئی فون 879 امریکی ڈالر کے برابر میں فروخت ہورہا ہے۔
آسٹریلیا
قیمت: 1,399 آسٹریلین ڈالر
بھارت کے برابر کے قریب، البتہ ٹورسٹ ریفنڈ اسکیم کے تحت ٹیکس ریفنڈ کی سہولت فائدہ مند ہوسکتی ہے۔ اگر امریکی ڈالر کی عینک سے دیکھا جائے تو یہاں 932 امریکی ڈالر کے برابر قیمت میں فروخت ہورہا ہے۔
برطانیہ (سب سے مہنگا)
قیمت: 949 برطانوی پاؤنڈ
یہ فہرست میں سب سے مہنگا ملک ہے جہاں آئی فون 17 کی قیمت سب سے زیادہ ہے۔ یہ 1291 امریکی ڈالر کے برابر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون 17 ٹیکنالوجی
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام