فضائی حدود کی بندش کے باوجود ایران کے مزید 3 طیارے مسقط پہنچ گئے
اشاعت کی تاریخ: 22nd, June 2025 GMT
data-id="863a0a8" data-element_type="widget" data-widget_type="theme-post-content.default">
اسرائیلی حملوں کے بعد ایران کی فضائی حدود کی بندش کو آٹھ روز گزرنے کے بعد، ایران کے مزید تین مسافر طیارے مشہد اور دیگر ایئرپورٹس سے روانہ ہو کر عمان کے دارالحکومت مسقط پہنچے۔
ایوی ایشن ذرائع کے مطابق، ایران کی ساہا ایئر کے دو بوئنگ 737 طیارے، پرواز JJ32 اور JJ33 کے طور پر جمعہ کی صبح 7 بجے مشہد ایئرپورٹ سے روانہ ہو کر مسقط ایئرپورٹ پہنچے۔
اسی دوران، میراج ایئر لائن کا ایک ایئربس A320 طیارہ پرواز JJ31 کے طور پر ایک نامعلوم ایئرپورٹ سے پرواز کر کے اچانک 37 ہزار فٹ کی بلندی پر راڈار پر ظاہر ہوا اور دیگر دو طیاروں کے ساتھ مسقط پہنچا۔
یاد رہے کہ بدھ کی شام بھی میراج ایئر اور ایران حکومت کے تین طیارے اسی انداز میں پرواز کر کے مسقط ایئرپورٹ پہنچے تھے، جو اب تک وہیں موجود ہیں۔
.ذریعہ: Jasarat News
پڑھیں:
روسی جنگی طیارے 12 منٹ تک ہماری فضائی حدود میں رہے, اسٹونیا کا الزام
ٹالِن: اسٹونیا حکومت نے الزام لگایا ہے کہ روسی جنگی طیاروں نے اس کی فضائی حدود کی خلاف ورزی کی اور 12 منٹ تک اندر رہنے کے بعد واپس گئے۔
غیر ملکی خبر رساں ادارے کے مطابق اسٹونیا نے دعویٰ کیا ہے کہ روسی طیاروں کی یہ پرواز بین الاقوامی اصولوں کی خلاف ورزی ہے اور اس معاملے پر نیٹو کو بھی آگاہ کردیا گیا ہے۔
دوسری جانب روسی وزارت دفاع نے اسٹونیا کے الزامات کو سختی سے مسترد کرتے ہوئے کہا ہے کہ روسی طیاروں نے کسی ملک کی فضائی حدود کی خلاف ورزی نہیں کی۔ وزارت کے مطابق یہ پروازیں بحیرہ بالٹک کے نیوٹرل حصے میں اور مکمل طور پر بین الاقوامی قوانین کے تحت کی گئیں۔
واضح رہے کہ چند روز قبل روس کے 20 ڈرون طیارے پولینڈ کی فضائی حدود میں داخل ہونے کا واقعہ بھی پیش آیا تھا، جس کے بعد پولینڈ اور اسٹونیا جیسے نیٹو رکن ممالک کی روس کے ساتھ کشیدگی مزید بڑھ گئی ہے۔
کراچی میں پولیس کو نشانہ بنانے والے دہشت گردوں کے سلیپر سیل کی موجودگی کا انکشاف