ایران اسرائیل جنگ بندی میں پاکستان نے انتہائی مؤثر کردار ادا کیا: وزیراعظم
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
وزیراعظم شہباز شریف نے کہا ہے کہ ایران اور اسرائیل کے درمیان جنگ بندی کے عمل میں پاکستان نے انتہائی مؤثر اور فعال کردار ادا کیا، اور مسلسل ایران کی حمایت جاری رکھی۔
وفاقی کابینہ کے اجلاس سے خطاب میں وزیراعظم نے بجٹ کی تیاری میں محنت پر وزیر خزانہ کا شکریہ ادا کیا اور نائب وزیراعظم سمیت اتحادی جماعتوں کی کوششوں کو سراہا۔ انہوں نے صدر آصف علی زرداری اور بلاول بھٹو زرداری کا بھی خصوصی شکریہ ادا کیا۔
وزیراعظم نے کہا کہ پاکستان نے ہر سطح پر ایران کی بھرپور حمایت کی، جس پر ایران نے صدر زرداری، ان کے خود کے نام اور فیلڈ مارشل عاصم منیر کا ذکر کرتے ہوئے شکریہ ادا کیا۔
انہوں نے کہا کہ ایرانی قوم نے غیر معمولی جرات اور بہادری کا مظاہرہ کیا اور اسرائیل کو دفاع میں بھرپور جواب دیا۔ ایران کا مؤقف تھا کہ جنگ بندی باوقار انداز میں ہونی چاہیے، اور اس عمل میں پاکستان نے کلیدی کردار ادا کیا۔ وزیراعظم نے بتایا کہ ان کی سعودی ولی عہد اور ایرانی صدر سے بھی بات ہوئی، جبکہ سعودی عرب نے بھی جنگ بندی میں اہم کردار ادا کیا۔
شہباز شریف نے مزید بتایا کہ امریکی صدر سے ملاقات کے بعد آرمی چیف فیلڈ مارشل عاصم منیر نے استنبول میں ایرانی وزیر خارجہ سے تفصیلی ملاقات کی۔
.ذریعہ: Jasarat News
کلیدی لفظ: کردار ادا کیا پاکستان نے
پڑھیں:
اسرائیل نے خطے کو جنگ میں جھونکا، قطر پر ایرانی حملے تعلقات پر اثرانداز ہونگے، قطری وزیراعظم
دوحہ: قطری وزیر اعظم شیخ محمد بن عبدالرحمان بن جاسم نے کہا ہے کہ اسرائیل نے ایران پر حملہ کرکے خطے کو جنگ میں جھونکنے کی کوشش کی، قطر پر ایرانی حملے تعلقات پر اثرانداز ہونگے۔
لبنانی وزیر اعظم نواف سلام کے ہمراہ پریس کانفرنس کرتے ہوئے قطری وزیراعظم محمد بن عبدالرحمان بن جاسم نے کہا کہ قطر کی سرزمین پر ایرانی حملے سے ہمیں حیرت ہوئی، قطری ایئر ڈیفنس نے ایرانی حملے کو ناکام بنایا۔
انہوں نے کہا کہ قطر کی سرزمین پر حملہ ناقابل قبول ہے جس کی شدید مذمت کرتے ہیں، غیر ذمہ دارانہ اقدام سے خطے میں عدم استحکام پھیلتا ہے، ہم نے جنگ بندی کے حصول کے لیے کامیاب روابط کیے۔
انہوں نے کہا کہ ہمارے امریکا میں دوستوں نے جنگ بندی کی تجویز دی، غزہ میں بھی جلد از جلد جنگ بندی کی کوششیں کررہے ہیں، خطے میں امن کے خواہاں ہیں، اگلے دو دن میں غزہ جنگ بندی پر بات چیت ہو گی۔ انہوں نے کہا کہ لبنان کے پڑوسی ممالک سے تعلقات معمول پر لانے کی کوشش پر زور دیتے ہیں۔
اس موقع پر لبنانی وزیر اعظم کا کہنا تھا کہ علاقائی معاملات کے حوالے سے اسرائیل پر دبائو ڈالنا پڑے گا، ایران کی خودمختاری کو کسی صورت نقصان نہیں پہنچنا چاہئے، دوحا اجلاس میں خطے کی صورتحال پر تبادلہ خیال کیا گیا۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی