بلاول بھٹو زرداری سے منسوب وائرل ویڈیو کے حقیقت سامنے آ گئی
اشاعت کی تاریخ: 4th, August 2025 GMT
سوشل میڈیا پلیٹ فارم “ایکس” (سابقہ ٹوئٹر) پر 3 جولائی سےمتعدد بھارتی صارفین نے پیپلز پارٹی کے چیئرمین بلاول بھٹو زرداری کی ایک ویڈیو شیئر کرنا شروع کی، جس میں دعویٰ کیا گیا کہ انہوں نے کہا کہ ہمارے لوگ بھارت کی پارلیمنٹ میں بیٹھے ہیں ۔ تاہم نجی ٹی وی کے مطابق تحقیقات سے معلوم ہوا ہے کہ ویڈیو کی آڈیو میں چھیڑ چھاڑ کی گئی اور اصل مواد کو مسخ کر کے پیش کیا گیا ہے۔
31 جولائی کو ایک بھارتی صارف نے ایک ویڈیو پوسٹ کی جس میں اسکرین کو دو حصوں میں تقسیم کیا گیا: ایک جانب بلاول بھٹو قومی اسمبلی میں اور دوسری جانب بھارتی رکنِ پارلیمنٹ گورو گوگوئی لوک سبھا میں دکھائی دے رہے ہیں۔ اس ویڈیو میں بلاول کو یہ کہتے سنا جا سکتا ہے: کون رات کے اندھیرے میں حملہ کرتا ہے؟ ہم آسانی سے بھارتی وزیراعظم کے سامنے پروپیگنڈہ کر سکتے ہیں، ہمارے لوگ ان کی پارلیمنٹ میں بیٹھے ہیں ۔
پوسٹ کے کیپشن میں کہا گیا کہ ہمارے لوگ بھارت کی پارلیمنٹ میں بیٹھے ہیں — بلاول بھٹو۔ ہیلو گورو گوگوئی صاحب، یہ ‘ہمارے لوگ’ کون ہیں جو بلاول بھٹو کے مطابق بھارتی پارلیمنٹ میں بیٹھے ہیں؟
یہ ویڈیو 1 لاکھ سے زائد مرتبہ دیکھی گئی اور 5,200 سے زائد مرتبہ شیئر کی گئی۔ مزید یہ کہ دیگر بھارتی سوشل میڈیا صارفین اور انسٹاگرام اکاؤنٹس نے بھی یہی ویڈیو شیئر کی، جس سے اس کی وائرل نوعیت ظاہر ہوتی ہے۔
اس کے علاوہ بلاول بھٹو کی تصویر کے ساتھ یہ جعلی بیان بھی گردش کرتا رہا: ہمارے لوگ ان کی پارلیمنٹ میں بیٹھے ہیں — جسے ہندوتوا نظریات کے حامل اکاؤنٹس نے شیئر کیا اور ان پوسٹس کو مجموعی طور پر 6 لاکھ سے زائد مرتبہ دیکھا گیا۔
تاہم ان میں سے کسی بھی پوسٹ میں نہ تو ویڈیو کی مکمل تفصیل فراہم کی گئی، نہ اس کی اصل تاریخ کا ذکر کیا گیا اور نہ ہی مکمل تقریر کا کوئی لنک دیا گیا۔
وائرل ویڈیو کی حقیقت جاننے کے لیے جب اس کا تجزیہ کیا گیا تو واضح ہوا کہ آڈیو اور بلاول کی لبوں کی حرکت میں مطابقت نہیں تھی، وزیراعظم کے الفاظ غلط انداز میں ادا کیے گئے تھے اور ویڈیو میں ہندی زبان کا استعمال کیا گیا، جو بلاول کی عام تقریر میں نہیں ہوتا۔
ریورس امیج سرچ سے معلوم ہوا کہ یہ ویڈیو دراصل 7 مئی 2025 کی ہے، جب بلاول بھٹو نے قومی اسمبلی میں چار روزہ پاک بھارت تنازع پر تقریر کی تھی۔
اپنی اصل تقریر میں بلاول بھٹو نے کہا تھاکہ صرف چور اور بزدل رات کے اندھیرے میں حملہ کرتے ہیں، اگر ان میں تھوڑی سی بھی ہمت ہوتی تو دن کی روشنی میں حملے کا اعلان کرتے
انہوں نے مزید کہا تھا کہ ہم کبھی بھی جنگ کی حمایت نہیں کرتے، لیکن بھارت کو خبردار رہنا چاہیے کیونکہ پاکستان نے ابھی جواب دینا ہے — اور وہ جواب نہ تو رات کے اندھیرے میں دیا جائے گا، نہ جھوٹ پر مبنی ہو گا، بلکہ بین الاقوامی قوانین اور اقوام متحدہ کے چارٹر کے مطابق ہو گا۔
اس تقریر کی تصدیق معتبر اداروں کی رپورٹس سے بھی ہوتی ہے، جن میں کہیں بھی بھارتی پارلیمنٹ یا ہمارے لوگ جیسے کسی بیان کا ذکر نہیں۔
لہٰذا، اس وائرل ویڈیو کی بنیاد پر کیا گیا دعویٰ کہ بلاول بھٹو زرداری نے کہا ہمارے لوگ بھارت کی پارلیمنٹ میں بیٹھے ہیں — مکمل طور پر غلط، جھوٹا اور من گھڑت ہے۔ ویڈیو میں آڈیو کو ایڈیٹ کر کے ایک جعلی بیانیہ گھڑنے کی کوشش کی گئی ہے۔
ذریعہ: Daily Mumtaz
کلیدی لفظ: بلاول بھٹو ہمارے لوگ ویڈیو کی کیا گیا کی گئی
پڑھیں:
وزیراعظم نے 27 ویں آئینی ترمیم کی منظوری کےلئے حمایت مانگی، بلاول بھٹو نے تفصیلات جاری کردیں
وزیراعظم نے 27 ویں آئینی ترمیم کی منظوری کےلئے حمایت مانگی، بلاول بھٹو نے تفصیلات جاری کردیں WhatsAppFacebookTwitter 0 3 November, 2025 سب نیوز
اسلام آباد:چیئرمین پیپلز پارٹی بلاول بھٹو زرداری نے کہا ہے کہ وزیراعظم کی زیرقیادت مسلم لیگ ن کے وفد نے 27 ویں آئینی ترمیم کی منظوری کے لیے حمایت مانگی ہے۔
سماجی رابطوں کے پلیٹ فارم ایکس پر جاری اپنے بیان میں چیئرمین پیپلز پارٹی اور سابق وزیر خارجہ بلاول بھٹو زرداری نے کہا کہ وزیراعظم شہباز شریف کی قیادت میں مسلم لیگ ن کا وفد صدر زرداری اور مجھ سے ملنے آیا تھا۔
بلاول بھٹو نے کہا کہ مسلم لیگ ن کے وفد نے 27ویں آئینی ترمیم کی منظوری میں پاکستان پیپلزپارٹی کی حمایت مانگی۔ اس مجوزہ 27ویں آئینی ترمیم میں آئینی عدالت کا قیام، ایگزیکٹو مجسٹریٹس کی بحالی اور ججوں کے تبادلے کا اختیار شامل ہے۔
انہوں نے اپنے بیان میں مزید بتایا کہ مجوزہ 27ویں آئینی ترمیم میں این ایف سی میں صوبائی حصے کے تحفظ کا خاتمہ اور آرٹیکل 243 میں ترمیم کے نکات بھی شامل ہیں۔
علاوہ ازیں مجوزہ 27ویں آئینی ترمیم میں تعلیم اور آبادی کی منصوبہ بندی کے اختیارات کی وفاق کو واپسی اور الیکشن کمیشن کی تقرری پر جاری تعطل ختم کرنا شامل ہیں۔
بلاول بھٹو نے اپنے بیان میں بتایا کہ پاکستان پیپلز پارٹی کی سینٹرل ایگزیکٹو کمیٹی کا اجلاس 6 نومبر کو صدرِ پاکستان کے دوحا سے واپسی پر طلب کیا گیا ہے تاکہ پارٹی پالیسی کا فیصلہ کیا جاسکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعلیٰ کے وژن پر عمل: فتح جنگ میں عوامی سہولیات میں نمایاں بہتری حماس نے مزید 3 لاشیں اسرائیل کو واپس کردیں، غزہ پر بمباری سے ایک فلسطینی شہید سانحہ9 مئی؛ زمان پارک میں پولیس کی گاڑیاں جلانے کے مقدمے میں گواہ طلب بھارتی ہواؤں سے پنجاب کی فضا مضر صحت، آلودہ ترین شہروں میں لاہور کا دوسرا نمبر ترکیہ میں غزہ امن منصوبے پر مشاورتی اجلاس آج، پاکستان جنگ بندی کے مکمل نفاذ اور اسرائیلی فوج کے انخلاکا مطالبہ کرےگا معاشی بہتری کیلئے کردار ادا نہ کیا تو یہ فورسز کی قربانیوں کیساتھ زیادتی ہوگی، وفاقی وزیر منصوبہ بندی احسن اقبال صدر مملکت آصف زرداری قطر میں ہونے والی دوسری عالمی سماجی ترقیاتی کانفرنس میں شرکت کرینگےCopyright © 2025, All Rights Reserved
رابطہ کریں ہماری ٹیم
افغان طالبان کا ماضی وحال