مستونگ: ریلوے ٹریک کے قریب دھماکا، جعفر ایکسپریس کی6بوگیاں پٹڑی سے اترگئیں
اشاعت کی تاریخ: 10th, August 2025 GMT
(عیسیٰ ترین)مستونگ کے قریب ریلوے ٹریک پر دھماکے کے نتیجے میں جعفر ایکسپریس کی 6 بوگیاں پٹڑی سے اتر گئیں۔
ریلوے حکام کے مطابق جعفر ایکسپریس کوئٹہ سے پشاور کے لیے صبح 9 بجے روانہ ہوئی تھی کہ سپیزنڈ مستونگ کے قریب ریلوے ٹریک پر اس وقت دھماکا ہو گیا جب جعفر ایکسپریس گزر رہی تھی۔
حکام کا بتانا ہے کہ دھماکے سے جعفر ایکسپریس کی 6 بوگیاں پٹڑی سے اتر گئیں تاہم کوئی مسافر زخمی نہیں ہوا۔
فیلڈ مارشل عاصم منیر کادورہ امریکا،اعلیٰ سیاسی و عسکری قیادت سے ملاقاتیں
ریلوے حکام کا کہنا ہے دھماکے کے بعد فورسز نے علاقے کو گھیرے میں لے لیا، واقعے کی تحقیقات جاری ہیں۔
یاد رہے چند روز قبل سبی میں بھی ریلوے ٹریک پر دھماکا ہوا تھا جس کے نتیجے میں جعفر ایکسپریس حادثے سے بال بال بچ گئی تھی۔
.ذریعہ: City 42
پڑھیں:
سبی میں ریلوے ٹریک کے قریب دھماکہ، جعفر ایکسپریس حادثے سے بال بال بچ گئی۔
سبی (نیوز ڈیسک) سبی میں ریلوے ٹریک کے قریب دھماکے کے نتیجے میں جعفر ایکسپریس حادثے سے بال بال بچ گئی۔ واقعے میں کوئی زخمی نہیں ہوا۔ سیکیورٹی فورسز نے علاقے کو گھیرے میں لے کر تفتیش شروع کردی ہے۔
نجی ٹی وی کے مطابق سبی میں ریلوے ٹریک سگنل کے قریب زور دار دھماکا ہوا تاہم خوش قسمتی سے پنڈی سے کوئٹہ جانے والی جعفر ایکسپریس ٹرین 10 منٹ قبل ہی گزر چکی تھی۔
دھماکے کے فوری بعد راولپنڈی سے کوئٹہ جانے والی جعفر ایکسپریس ٹرین کو احتیاطی اقدام کے طور پر سبی ریلوے اسٹیشن پر روک دیا گیا جب کہ سیکیورٹی فورسز اور بم ڈسپوزل اسکواڈ نے علاقے کو گھیرے میں لے کر شواہد اکٹھے کرنا شروع کردیے۔
واقعے کے بعد ٹرینوں کی آمدورفت متاثر ہوئی ہے تاہم ریلوے حکام نے سیکیورٹی فورسز کی منظوری کے بعد ٹرینوں کو اپنی منزل کی جانب روانہ کردیا ہے۔
Post Views: 1
یومِ آزادی کی مناسبت سے آئی ایس پی آر کا نیا نغمہ جاری