کراچی؛ بارش کے دوران نالے میں گرکر جاں بحق بچے کی کیا خواہشات تھیں، والدہ کا بیان سامنے آگیا
اشاعت کی تاریخ: 26th, August 2025 GMT
کراچی:
لیاقت آباد میں کھلے مین ہول میں گرکر جاں بحق ہونے والا کمسن احمد رضا 6 بہن بھائیوں میں سب سے چھوٹا اور والدین کا لاڈلہ تھا، احمد اعلیٰ تعلیم حاصل کرکے پاک فوج کا حصہ بننا چاہتا تھا اور اسے نعتیں پڑھنے کا بھی بہت شوق تھا۔
کمسن احمد رضا کے والدہ نے حکومت اور انتطامیہ سے مطالبہ کیا ہے کہ شہر میں کھلے مین ہولز کے ڈھکن فی الفور لگائے جائیں تاکہ ان کی طرح کسی اور کا لخت جگر اس طرح اس دنیا سے رخصت نہ ہو۔
تفصیلات کے مطابق 19 اگست کو شہر میں ہونے والی موسلادھار بارش کے دوران لیاقت آباد سی ایریا رہبر کلب کے قریب 11 سالہ بچہ احمد رضا ولد منیر احمد کھلے مین ہول میں گرکر لاپتا ہوگیا تھا اور اس کی لاش لیاقت آباد گجرنالے سے بہتی ہوئی 22 اگست کو ماڑی پور تھانے کی حدود سے ملی تھی۔
متوفی بچہ دوسری جماعت کا طالب علم اور مدرسہ میں دینی تعلیم حاصل کرتا تھا، متوفی بچہ 6 بہن بھائیوں میں سب سے چھوٹا اور والدین کا لاڈلہ تھا، افسوسناک حادثے میں کمسن احمد رضا کے جاں بحق ہونے پر اہلخانہ پر قیامت ٹوٹ پڑی۔
متوفی احمد رضا کی والدہ نے بتایا کہ 19 اگست کو احمد رضا کے والد نے اسے مدرسے بھیج دیا تھا لیکن بارش کی وجہ سے مدرسے میں بھی چھٹی ہوگئی اور احمد دن بھر گھر میں موجود تھا، گھر میں ہی بارش میں نہاتا رہا، 19 اگست کو احمد گھر سے دو مرتبہ نیچے اترا لیکن کچھ دیر میں واپس آگیا، شام کو عصر کے وقت احمد گھر سے گیا تو پھر واپس نہیں لوٹا۔
انہوں نے بتایا کہ کچھ دیر تک احمد نہیں لوٹا تو اس کی تلاش شروع کی گئی اور پوری رات اسے تلاش کرتے رہے لیکن اسکا کوئی سراغ نہ ملا، دوسرے روز احمد کی چپل ندی کے پاس سے ملی لیکن ہمیں یقین نہیں آیا کہ چپل احمد کی ہی ہے، میں اس آس میں رہی کہ احمد رضا واپس آجائے گا لیکن مجھ کیا پتہ تھا کہ میرے بیٹے کا آخری دن تھا۔
والدہ کا کہنا تھا کہ ان کا بیٹا اعلیٰ تعلیم حاصل کرنا چاہتا تھا اور اسے نعتیں پڑھنے کا بھی بہت شوق تھا۔ انہوں نے بتایا بیٹا کسی کو منع نہیں کرتا، ہر کسی کا کام کر دیا کرتا تھا اور مجھے پتہ ہوتا تو میں اسے پکڑ لیتی، اس کو گھر سے باہر جانے نہیں دیتی، احمد جب لاپتہ ہوا تو مساجد سے اعلانات ہو رہے تھے لیکن بارش کے باعث ہماری کھڑکیاں بند تھی اور ہمیں اعلانات سنائی نہیں دیے، بیٹے کی تین دن بعد لاش ملنے کی اطلاع ملی۔
انہوں نے مزید بتایا کہ احمد رضا کا خواب تھا وہ پاک فوج کا حصہ بنے، 14 اگست کو احمد رضا نے آرمی یونیفارم والے کپڑوں کی بھی فرمائش کی تھی اور مجھے کیا معلوم تھا کہ یہ اس کی آخری خواہش تھی، علم ہوتا تو اس کو آرمی یونیفارم والے کپڑے لا کر دے دیتی، لیکن احمد رضا اپنے بڑے بھائی سے پیسے لیکر کپڑے لینے چلا گیا تھا اور کپڑے خریدنے کے بعد پہن کر گھر سے باہر چلا گیا تھا۔
والدہ نے حکومت اور انتظامیہ سے مطالبہ کیا ہے کہ شہر میں کھلے مین ہولز کے ڈھکن فوری لگوائے جائیں تاکہ دوبارہ کسی کا لخت جگر کے ساتھ ایسا واقعہ رونما نہ ہو۔
احمد رضا کے والد منیر احمد نے بتایا کہ وہ ویلڈنگ کا کام کرتے ہیں اور ان کا بیٹا ان کے بڑھاپے کا سہارا تھا لیکن اداروں کی غفلت کے باعث ان کا بیٹا اب اس دنیا میں نہیں ہے۔
احمد رضا کے بڑے بھائی صبحان نے بتایا کہ ہم احمد رضا کو چار روز تک تلاش کرتے رہے لیکن مجھے کچھ پتہ نہ چل سکا۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان نے بتایا کہ احمد رضا کے کھلے مین اگست کو تھا اور گھر سے
پڑھیں:
پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ
اسلام آباد:پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کردی۔
ایکسپریس نیوز کے مطابق وزیراعظم کی زیر صدارت وفاقی وزارت انفارمیشن ٹیکنالوجی و ٹیلی کام کی کارکردگی پر اجلاس ہوا جس میں ادارے کی کارکردگی پر بریفنگ دی گئی۔
اجلاس میں وزیر قانون اعظم نذیر تارڑ ، وزیر اقتصادی امور احد چیمہ ، وزیر آئی ٹی شزا فاطمہ، وزیر تعلیم خالد مقبول، وزیر مملکت خزانہ بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری افسران نے شرکت کی۔
وزیراعظم کو بریفنگ میں بتایا گیا کہ موبائل اسپیکٹرم کی دستیابی جون 2025ء میں 274 میگا ہرٹز سے بڑھ کر جون 2026ء میں 880 میگا ہرٹز ہوگئی، موبائل اسپیکٹرم میں اضافے سے انٹرنیٹ کی رفتار اور کنیکٹیویٹی میں نمایاں بہتری آئے گی۔
وزیراعظم کو "کنیکٹ پاکستان وژن 2030ء " کے اجراء کی تیاریوں پر بریفنگ دی گئی، بتایا گیا ہے کہ باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، پاکستان میں اسمارٹ فون استعمال کرنے والوں کا تناسب 2024ء میں 62 فیصد سے بڑھ کر جون 2026ء میں 72 فیصد ہوگیا، جون 2026ء تک 5.1 ملین گھروں میں فکسڈ براڈ بینڈ /فائبر کنکشن دئیے گئے، حکومتی اقدامات کی بدولت پچھلے مالی سال آئی ٹی کے شعبے میں ہوئی برآمدات میں فری لانسرز کا حصہ 1164.7 ملین ڈالر رہا۔
بریفنگ میں بتایا گیا کہ ڈیجیٹل نیشن پاکستان کے تحت حکومت پاکستان کی 130 سروسز کو ڈیجیٹائز کیا جا چکا ہے، پچھلے مالی سال آئی ٹی کے شعبے میں 942,646 تربیتی سرٹیفکیٹس دیئے گئے جن میں 5053 ہائے اینڈ تربیتی پروگرام منعقد ہوئے ؛ لیڈرشپ اور سافٹ اسکلز کی 2700 ٹرینینگز کا انعقاد ہوا، ویمن انوویشن اینڈ اسٹارٹ اپ ایمپاورمنٹ لیب کے منصوبہ کا افتتاح جلد ہی ہوگا۔
وزیراعظم کو بتایا گیا کہ چینی کمپنی علی بابا کے ساتھ مفاہمتی یادداشت کے تحت وفاقی حکومت کی کئی وزارتوں اور اداروں میں مصنوعی ذہانت کی نفاذ اور اس حوالے سے کئی منصوبے اور تربیتی سیشنز منعقد کئے جا رہے ہیں۔
بتایا گیا کہ سیکیورٹی اینڈ ایکسچینج کمیشن، وزارت ریلوے، اسٹیٹ بینک آف پاکستان، فیڈرل بورڈ آف ریونیو، آئل اینڈ گیس ریگولیٹری اتھارٹی، وزارت قومی غذائی تحفظ ، اسمال اینڈ میڈیم انٹرپرائزز ڈویلپمنٹ اتھارٹی، پاکستان سنگل ونڈو، وزارت قومی غذائی تحفظ، ڈرگ ریگولیٹری اتھارٹی آف پاکستان، پاکستان پوسٹ، وفاقی ترقیاتی ادارہ، وزارت بحری امور اور ہائیر ایجوکیشن کمیشن میں علی بابا مصنوعی ذہانت کے کئی منصوبوں پر کام کر رہی ہے۔
وزیراعظم نے پاکستان کی سالانہ آئی ٹی برآمدات 21 فیصد اضافے کے ساتھ 4.6 ارب امریکی ڈالر تک پہنچنے پر وزیر انفارمیشن ٹیکنالوجی اور تمام ٹیم کی پذیرائی کی۔
وزیراعظم نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے لئے جانے والے اقدامات پالیسیوں کا ثمر ہے، ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے، آئی ٹی کے شعبے میں دیئے جانے والے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
وزیراعظم نے ملک بھر میں ڈیجیٹل انفراسٹرکچر مزید بہتر بنانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار