لاہور/اسلام آباد (صغیر چوہدری )لاہور میں فلڈ الرٹ جاری کردیا گیا ہے جبکہ لاہور کے شہری علاقے اس وقت سیلابی پانی کی زد میں ہیں سیف سٹی ذرائع اور عینی شاہدین سے ملنے والی اطلاعات کے مطابق شاہدرہ کے سٹی ایریا میں تیز سیلابی ریلے کے باعث لاہور کی عزیز کالونی، امین پارک، افغان کالونی، شفیق آباد اور مرید والا سمیت کئی علاقوں میں سیلاب کا پانی داخل ہوچکا ہے اور یہ علاقے شدید متاثر ہوئے ہیں۔جبکہ شہر کے دیگر علاقوں میں بھی سیلابی پانی داخل ہونے کے بعد مقامی لوگوں نے نقل مکانی شروع کر دی ہے دوسری جانب یزاروں کنال پر مشتمل نجی ہاوسنگ سوسائٹی پارک ویو سٹی مئں بھی شدید سیلابی پانی کی زد میں ہے سیلابی ریلا تیزی سے گھروں میں داخل ہوگیا ہے جس سے یہ ہاوسنگ سوسائٹی بہت زیادہ متاثر ہوئی ہے اور جہاں کے مکینوں نے محفوظ علاقوں میں نقل مکانی شروع کردی ہے عینی شاہدین نے ڈیلی ممتاز کو بتایا کہ سیلابی پانی کے داخلے کی وجہ سے پارک ویو سٹی میں افراتفری کا عالم ہے لبڑی تعداد میں اس سوسائٹی کے مکین اپنے گھر خالی کرکے گاڑیوں میں دیگر محفوظ مقامات کی طرف جاتے دکھائی دے رہے ہیں کیونکہ دریا کے قریب واقع ہونے کی وجہ سے پارک ویو سٹی کے حفاظتی بند ٹوٹ چکے ہیں اور کئی فٹ تک سیلاب کا پانی گھروں اور سڑکوں میں داخل ہوچکا ہے اسی طرح دریائے راوی کا سیلابی پانی رنگ روڈ سے ملحقہ بادامی باغ کے علاقے میں بھی داخل ہوچکا ہے جبکہ لاہور چوہنگ کے مختلف علاقوں میں بھی سیلابی پانی گھروں میں داخل ہوگیا ہے اس کے علاوہ
منظور گارڈن،برکت کالونی ،مانوال کے مختلف علاقوں میں پانی داخل ہوچکا ہے اور یہ علاقے بری طرح متاثر ہوئے ہیں
ذریعہ
ذریعہ: Daily Mumtaz
کلیدی لفظ: داخل ہوچکا ہے سیلابی پانی علاقوں میں
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی