جامشورو میں سی ٹی ڈی کی کارروائی، 3 اشتہاری دہشتگرد گرفتار
اشاعت کی تاریخ: 29th, August 2025 GMT
کاؤنٹر ٹیررازم ڈیپارٹمنٹ (سی ٹی ڈی) نے تھانہ کوٹری، ضلع جامشورو کی حدود میں کارروائی کرتے ہوئے 3 انتہائی مطلوب اور روپوش دہشتگردوں کو گرفتار کر لیا۔
ایس ایچ او سی ٹی ڈی حیدرآباد آصف حیات کے مطابق ملزمان کی موجودگی کی اطلاع پر علاقے کو گھیرے میں لے کر سرچ آپریشن کیا گیا، جس میں جامشورو پولیس، بم ڈسپوزل اسکواڈ (بی ڈی ایس) اور اسپیشل برانچ کی ٹیمیں بھی شریک تھیں۔
مزید پڑھیں: اپر دیر: پولیس اور سی ٹی ڈی کا آپریشن، فتنہ الخوارج کے مقامی کمانڈر سمیت 9 دہشتگرد ہلاک، 2 شہری شہید
کارروائی کے دوران ملزمان کے قبضے سے اسلحہ، گولہ بارود، ہینڈ گرنیڈ اور دیگر سامان برآمد ہوا۔ سی ٹی ڈی کے مطابق گرفتار دہشت گرد ضلع سجاول سے پنجاب جانے والے ٹرالرز پر فائرنگ کے واقعات میں ملوث اور طویل عرصے سے روپوش تھے۔
ایس ایچ او آصف حیات نے بتایا کہ گرفتار ملزمان مختلف مقدمات میں اشتہاری ہیں اور ان سے مزید تفتیش جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایس ایچ او سی ٹی ڈی حیدرآباد آصف حیات سی ٹی ڈی کاؤنٹر ٹیررازم ڈیپارٹمنٹ.
ذریعہ
ذریعہ: WE News
کلیدی لفظ: سی ٹی ڈی کاؤنٹر ٹیررازم ڈیپارٹمنٹ سی ٹی ڈی
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ