مریم نواز کی ہدایت پر پنجاب کے سیلاب متاثرہ علاقوں میں امدادی کارروائیاں جاری
اشاعت کی تاریخ: 30th, August 2025 GMT
وزیراعلیٰ پنجاب مریم نواز شریف کی ہدایت پر پنجاب کے سیلاب زدہ علاقوں میں امدادی کارروائیاں تیز رفتاری سے جاری ہیں۔ صوبائی وزرا اور اراکین اسمبلی خود فیلڈ میں پہنچ کر صورتحال کا جائزہ لے رہے ہیں جبکہ کمشنر، ڈپٹی کمشنر اور دیگر اعلیٰ افسران بھی متاثرہ علاقوں میں موجود رہ کر آپریشن کی نگرانی کررہے ہیں۔
رپورٹس کے مطابق ریسکیو ٹیموں نے متعدد مواقع پر انسانیت اور خدمت کی بے مثال مثالیں قائم کیں۔ ایک گاؤں کے مکین نے بے بسی کے عالم میں ریسکیو کو اطلاع دی کہ اس کی بیٹی کا جہیز سیلابی پانی میں ڈوب رہا ہے۔ اطلاع ملتے ہی ریسکیو اہلکار بڑی کشتی لے کر دراساں والی بھینی پہنچے اور جہیز کی چارپائیاں، جستی پیٹی، کپڑے اور برتن بحفاظت نکال کر محفوظ مقام پر منتقل کیے۔
یہ بھی پڑھیں: وزیراعظم شہباز شریف اور وزیراعلیٰ مریم نواز کا پنجاب کے سیلاب متاثرہ علاقوں کا دورہ
ریسکیو 1122 کے عملے کی بروقت کارروائی سے شہری کا قیمتی سامان محفوظ رہا، جسے اہلِ دیہات نے خدمت اور احساس کی اعلیٰ مثال قرار دیا۔
لاہور، سرگودھا، بہاولپور اور دیگر سیلاب زدہ علاقوں میں فیلڈ اسپتال قائم کیے گئے ہیں جہاں فرض شناس عملہ متاثرین کو طبی امداد فراہم کر رہا ہے۔ موبائل کلینک بھی متاثرہ دیہات تک پہنچے ہیں اور مریضوں کو گھروں میں علاج اور ادویات دی جا رہی ہیں۔
فیلڈ اسپتالوں میں مریضوں کے طبی ٹیسٹ اور تشخیص کا عمل بھی جاری ہے جبکہ بعض مقامات پر ڈاکٹرز اور طبی عملہ لائف جیکٹ پہن کر پانی میں کھڑے ہوکر خدمات انجام دے رہا ہے۔
ریسکیو اور طبی ٹیموں کے ساتھ ساتھ پنجاب پولیس بھی امدادی سرگرمیوں میں پیش پیش ہے۔ پولیس کے جوان متاثرہ آبادیوں کے انخلا میں معاون ثابت ہو رہے ہیں اور سیلابی پانی میں گھرے لوگوں کو کشتیوں کے ذریعے محفوظ مقامات تک پہنچا رہے ہیں۔ بہاولنگر سمیت مختلف علاقوں میں پولیس افسران اور جوان اپنی جانوں کی پرواہ کیے بغیر شہریوں کو بچاتے رہے۔
یہ بھی پڑھیں: پنجاب میں سیلاب: مریم نواز کی ٹائم لائن پوسٹس اور حکومتی اقدامات
خاص طور پر ایک موقع پر ننھے بچوں کو گود میں اٹھا کر ریسکیو کرنے والے پولیس اہلکار کو عوام نے زبردست خراج تحسین پیش کیا، جسے سیلاب متاثرین کی جان بچانے کے جذبے کی روشن مثال قرار دیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امدادی کارروائیاں جاری سیلاب متاثرہ علاقے مریم نواز وزیراعلٰی پنجاب وی نیوز.ذریعہ: WE News
کلیدی لفظ: امدادی کارروائیاں جاری سیلاب متاثرہ علاقے مریم نواز وی نیوز علاقوں میں مریم نواز رہے ہیں رہا ہے
پڑھیں:
نئے پراپرٹی آرڈیننس کی منظوری سے مریم نواز نے قبضہ مافیا کا مستقل راستہ روک دیا ہے: عظمیٰ بخاری
---فائل فوٹووزیرِ اطلاعات پنجاب عظمیٰ بخاری نے کہا ہے کہ پنجاب میں اب کسی غریب اور کمزور کی زمین پر قبضہ نہیں ہوگا، نئے پراپرٹی آرڈیننس کی منظوری سے مریم نواز نے قبضہ مافیا کا مستقل راستہ روک دیا۔
عظمیٰ بخاری کا کہنا تھا کہ پہلے چالیس، چالیس سال زمینوں پر قبضے کے کیسز عدالتوں میں چلتے تھے لیکن فیصلے نہیں آتے تھے، اب قبضے کے ہر کیس کا فیصلہ 90 روز میں ہوگا، مریم نواز پنجاب کے سسٹم کو حقیقت میں’ریاست ہوگی ماں‘ جیسا ماڈل بنا رہی ہیں۔
عظمیٰ بخاری کا کہنا ہے کہ پنجاب میں کسی کو غیر قانونی سرگرمیوں، اسلحے کی نمائش، شہریوں میں خوف پھیلانے کی اجازت نہیں ہوگی، پنجاب کے عوام اور ان کے حقوق کا تحفظ مریم نواز کی پہلی ترجیح ہے۔
انہوں نے مزید کہا کہ پنجاب میں ترقی اور گورننس کا جو ٹرینڈ مریم نواز نے متعارف کرایا وہ باقی صوبوں کے لیے رول ماڈل بن چکا، مریم نواز پنجاب کے عوام کا معیار زندگی بہتر بنانے کے لیے روز نئے پروجیکٹ شروع کر رہی ہیں۔
عظمیٰ بخاری نے یہ بھی کہا کہ وسائل اور فنڈز کا درست استعمال، میرٹ اور شفافیت پنجاب کے منصوبوں کی پہچان بن چکے ہیں۔
ترکیہ برطانیہ سے 20 یورو فائٹر طیارے خریدے گا، معاہدے طے