چیئرمین سی ڈی اے کی زیر صدارت اجلاس، شہر میں جاری مختلف ترقیاتی منصوبوں کی پیشرفت کا تفصیلی جائزہ
اشاعت کی تاریخ: 2nd, September 2025 GMT
چیئرمین سی ڈی اے کی زیر صدارت اجلاس، شہر میں جاری مختلف ترقیاتی منصوبوں کی پیشرفت کا تفصیلی جائزہ WhatsAppFacebookTwitter 0 2 September, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت سی ڈی اے ہیڈکوارٹرز میں ایک اہم اجلاس منعقد ہوا۔ اجلاس میں سی ڈی اے بورڈ کے ممبر ایڈمن و اسٹیٹ طلعت محمود، ممبر فنانس طاہر نعیم، ممبر انجنئیرنگ سید نفاست رضا، ممبر پلاننگ ڈاکٹر خالد حفیظ، ڈی جی ورکس، ڈی جی بلڈنگ کنٹرول، چیف آفیسر ایم سی آئی سمیت دیگر سنئیر افسران نے شرکت کی۔ اجلاس میں اسلام آباد شہر میں جاری مختلف ترقیاتی منصوبوں کی پیشرفت کا تفصیلی جائزہ لیا گیا۔
چیئرمین سی ڈی اے نے شہریوں کو درپیش مسائل کے فوری حل کے ساتھ نئے و جاری منصوبوں کے اعلی معیار اور بروقت تکمیل کو یقینی بنانے کی ہدایت کی۔اجلاس کو بریفننگ دیتے ہوئے بتایا گیا کہ شاہین چوک پر انڈر پاس کی تعمیر کے حوالے سے بڈنگ کے عمل کو مکمل کر لیا گیا ہے۔ اجلاس میں شاہین چوک انڈر پاس کے تفصیلی ڈیزائن پر بریفننگ دی گئی۔ چیئرمین سی ڈی اے نے ہدایت کی کہ منصوبہ کی تعمیراتی سرگرمیوں کے دوران ٹریفک کے بہا کو رواں دواں رکھنے کیلئے متبادل ٹریفک پلان مرتب کیا جائے اور فاطمہ جناح پارک سے ملحقہ جگہ پر شہریوں اور یونیورسٹی کے طلبا کیلئے عارضی کار پارکنگ کے انتظامات بھی کئے جائیں۔ انہوں نے ہدایت کی کہ بارشوں کی صورتحال کے پیش نظر رکھتے ہوئے منصوبہ کے سنگ بنیاد اور آغاز سے متعلق تمام انتظامات کو جلد حتمی شکل دی جائے۔ اجلاس میں ٹی چوک روات پر فلائی اوور کے منصوبے پر تفصیلی بریفننگ دیتے ہوئے بتایا گیا کہ بڈنگ کا عمل مکمل کر لیا گیا ہے۔
چیئرمین سی ڈی اے نے ہدایت کی کہ ٹی چوک، روات فلائی اوور منصوبے پر مستقل بنیادوں پر ایل ای ڈی لائٹس اور ایس ایم ڈیز کی تنصیب کی جائے۔ اجلاس میں فیض آباد انٹرچینج کے مقام پر ٹریفک کے مسائل کو حل کرنے کیلئے اس منصوبے کے ڈیزائن کی ری ماڈلنگ کا جائزہ لیا گیا۔ چیئرمین سی ڈی اے نے کہا کہ فیض آباد انٹرچینج پر ڈیزائن کی ری ماڈلنگ ایسی کی جائے کہ مستقل بنیادوں پر ٹریفک کے مسائل کو حل کیا جائے۔ اجلاس کو بریفننگ دیتے ہوئے بتایا گیا کہ اسلام آباد شہر میں روشنی کے مناسب اور جدید انتظامات کو یقینی بنانے کیلئے سری نگر ہائی وے تا نیو انٹر نیشنل ایئرپورٹ، فیض آباد تا شاہ فیصل مسجد، مارگلہ روڈ F-5 تا F-11 تک کی مرکزی شاہراہوں پر ایل ای ڈی لائٹس کی تنصیب کا کام جاری ہے اور اسلام آباد کی مرکزی شاہراہوں پر پرانی و ناکارہ لائٹس کو نئی جدید اور خوبصورت ایل ای ڈی لائٹس سے ترجیحی بنیادوں پر تبدیل کیا جا رہا ہے۔
اجلاس کو بریفننگ دیتے ہوئے بتایا گیا کہ دارالحکومت اسلام آباد میں اب تک 1419 ایل ای ڈی لائٹس کی تبدیلی کا عمل کیا جاچکا ہے جبکہ باقی ماندہ لائٹس بھی رواں ماہ میں تبدیل کر دی جائیں گی۔ چیئرمین سی ڈی اے نے ہدایت کی کہ اسلام آباد میں ایف نائن پارک اور باقی پارکس میں لائٹس و پولز کی تنصیب جلد مکمل کی جائے۔اجلاس میں سی ڈی اے نرسری کو “گارڈینیا حب” بنانے کے منصوبے پر ہونے والی پیشرفت کا جائزہ لیا گیا۔ بریفننگ دیتے ہوئے اجلاس کو بتایا گیا کہ سی ڈی اے نرسری کو “گارڈینیا حب” کے طور اپ گریڈ کیا جاچکا ہے جسمیں گرین ہاس اور فلاور شاپس کی تعمیر مکمل ہوچکی ہے۔ چیئرمین سی ڈی اے نے ہدایت کی کہ سی ڈی اے نرسری میں ڈپلومیٹک کمیونٹی اور انکے لئے شجرکاری کیلئے مخصوص جگہ مختص کی جائے۔بریفننگ دیتے ہوئے اجلاس کو بتایا گیا کہ ایکسپریس ہائی وے پر واقع قبرستانوں کی اپ لفٹنگ سمیت بانڈری والز کا کام جلد مکمل کرلیا جائے گا۔چیئرمین سی ڈی اے محمد علی رندھاوا نے ہدایت کی کہ تمام ترقیاتی منصوبوں پر کام کی رفتار کو مزید تیز کیا جائے اور شہریوں کو معیاری سہولیات فراہم کرنے کیلئے ہر ممکن اقدامات کئے جائیں اور ان منصوبوں کی بروقت کیلئے تمام وسائل بروئے کار لائے جائیں۔ انہوں نے کہا کہ ان منصوبوں کی تکمیل سے پاکستان کے دارالخلافہ اسلام آباد کو ایک جدید، خوبصورت اور مثالی شہر بنایا جاسکے گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکالا باغ جیسا ڈیم نہ بنانا ملک اور نسلوں کے ساتھ زیادتی ہے، علی امین گنڈاپور کالا باغ جیسا ڈیم نہ بنانا ملک اور نسلوں کے ساتھ زیادتی ہے، علی امین گنڈاپور چین اور پاکستان مصیبت میں ایک دوسرے کے ساتھ کھڑے رہنے والےبھائی ہیں، چینی صدر سنگین جرائم میں مطلوب اشتہاری ملزم سعودی عرب سے گرفتار قومی اسمبلی اجلاس؛ جنگلات کاٹنے اور دریاؤں پر سوسائٹیز بنانے کیخلاف کارروائی کا مطالبہ چیئرمین میپکو بورڈ نے سیلاب متاثرین کی مدد کے لئے 19ملین روپے کا چیک دے دیا فتنۃ الخوارج ؛ معصوم بچوں، شہریوں اور تعلیم و امن کے سب سے بڑے دشمنCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: چیئرمین سی ڈی اے ترقیاتی منصوبوں منصوبوں کی پیشرفت کا
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
ٹی20 ورلڈ کپ 2026: پاکستان نے سپر 8 کے لیے جگہ پکی کر لی