کالا باغ ڈیم لاشوں پر بننے کی باتیں کرنے والے جہالت دکھا رہے ہیں، گنڈاپور
اشاعت کی تاریخ: 3rd, September 2025 GMT
اسلام آباد:
وزیراعلیٰ خیبرپختونخوا علی امین گنڈاپور نے کہا ہے کہ اتفاق رائے سے کالاباغ ڈیم سمیت نئے آبی ذخائر بنانے چاہئیں، کالاباغ ڈیم پر سندھ کو اعتراضات ہیں تو دور ہونے چاہئیں، ہمارے لوگوں کے بھی تحفظات ہیں، جن کا نقصان ہوگا انھیں معاوضہ دیا جائے۔
صحافیوں سے گفتگوکرتے ہوئے انھوں نے کہا کالاباغ ڈیم لاشوں پر بننے کی باتیں کرنے والے جہالت کا مظاہرہ کرتے ہیں،نثار کھوڑو سیاسی بات کرتے ہیں، اسمبلی میں قراردادیں آتی رہتی ہیں، کیا میں یا کوئی اور غلط بات نہیں کر سکتا۔
ہمیں ملکی مفاد میں اپنے فیصلوں پر نظر ثانی کرنی چاہیے،اگر عمران خان نے کالا باغ ڈیم کی مخالفت کی تو میں ان کے ساتھ ہو جاؤں گا، ان کا فیصلہ حتمی ہو گا۔
عید سے ایک دن قبل میٹنگ میں کالا باغ ڈیم کی تعمیر کی بات کی تھی اورکہا تھا کہ ریاست کو بچانا ہے تو کالا باغ ڈیم بنانا ہوگا،جس پر خواجہ آصف نے باہر آکر کہا تھا وہاں میٹنگز میں کوئی اور بات کرتا ہے،میں نے کہا تھا این ایف سی کا اجلاس بلائیں اور کام شروع کریں۔
وزیراعلیٰ خبیرپختونخوا نے کہا سیلاب میں وفاقی حکومت نے خیبرپختونخوا کو کچھ نہیں دیا،بی آئی ایس پی کا پیسہ دو سال کیلئے ہمیں دیں تا کہ سیلاب متاثرین کو یکمشت رقم دے کر پاؤں پر کھڑا کر سکیں۔
انہوں نے مزید کہا کہ 9 مئی پنجاب پولیس نے کیا ،عمران خان کئی دفعہ کہہ چکے ہیں 9 مئی جس نے کیا اس نے غلط کیا،اب معافی کی بات ہم سے کیوں کی جارہی ہے؟نومئی کولوگوں کو روکا کیوں نہیں گیا؟
ہمارے لوگوں کو اسٹیبلشمنٹ کے لوگوں نے اٹھایا ،میں کسی معافی کی بات نہیں کرتا ،میں ملک کی بات کرتا ہوں ،جو ہوا ہو چکا اب ملک کیلئے آگے بڑھیں۔ملک کی بہتر ی کے لئے ہمیں بیٹھ کر بات کرنا ہوگی۔
انہوں نے کہا عمران خان صدارتی نظام کے حق میں ہیں،ایک دفعہ صدارتی الیکشن کرالیں، عمران خان ہر جگہ سے جیت جائیں گے۔ نئے صوبوں کے قیام کے معاملے پر علی امین گنڈاپور نے کہا عمران خان سے بات کی ہے ،میری ذاتی رائے ہے کہ ملک میں نئے صوبے بننے چاہئیں ،پنجاب کے محکمہ تعلیم کو ایک سیکرٹری کیسے چلا سکتا ہے؟
علی امین گنڈاپور نے کہا کہ صوبے کے معاملات میں فوج نے کبھی کوئی مداخلت نہیں کی، علی امین گنڈاپور نے عمران خان کے آرمی چیف سے متعلق ریمارکس پر کہاکہ بات چیت کے معاملے میں عمران خان کے ساتھ کئی دفعہ دھوکے ہوئے ہیں ،اب اعتماد کی کمی ہے،میں ڈائیلاگ کا حامی ہوں،ملک کی بہتری کیلئے ہمیں بیٹھ کر بات کرناہوگی،مذاکرات کا حتمی فیصلہ عمران خان کریں گے۔
انہوں نے کہا انسانی حقوق کی جس قدر پامالی ہماری ہوئی اسکی دنیا میں مثال نہیں ملتی،اگر 2018 ء میں بھی ایسا ہوا تو برا ہوا ،رانا ثناء اللہ کے کیس میں فواد چوہدری اورمیں نے کہا کہ یہ غلط بات ہے کوئی اپنی گاڑی میں ایسامال نہیں رکھ سکتا ،جس پرعمران خان نے اگلی کابینہ میٹنگ میں ڈی جی اے این ایف کو بلوایا اور کہا بتائیں توڈی جی اے این ایف نے کہا ہمارے پاس ثبوت ہیں لیکن ویڈیو نہیں دکھائی ،میں نے تو شہریار آفریدی کو بھی قسم اٹھانے سے منع کیا تھا،بہرحال جب بھی جس نے کیا غلط کیا۔
دوسرے میثاق جمہوریت کے بارے میں سوال پرعلی امین گنڈاپور کا کہناتھاکہ پہلے خان صاحب نے سیاسی جماعتوں سے بات چیت کیلئے کمیٹی بنائی تھی،اب عمران خان سے میری ملاقات ہو تو ضرور کہوں گا کہ بات چیت کرنی چاہئے ،اللہ حکومتی سیاستدانوں کو عقل دے۔
علی امین گنڈاپور نے کہا مولانا فضل الرحمن ہمیشہ سسٹم سے مستفید ہوئے ہیں ،وہ ہمیشہ کچھ دن گیم کھیلتے ہیں ،ہمارے کچھ بیوقوفوں کی وجہ سے مولانا فضل الرحمن کواہمیت ملی،مولانا فضل الرحمن اپنے بندے مفت میں نہیں دیتے، علی امین گنڈاپور نے کہاکہ پنجاب میں زراعت نے ترقی کی ہے ،لائیو سٹاک بہتر ہے ،ٹیکنالوجی میں بہتری ہے ،سندھ اور کے پی کے پیچھے ہیں ہمیں سب کی بات کرنی چاہیے۔
علی امین گنڈاپور نے کہاکہ ایک لیفٹ کینال بنے تو ڈی آئی خان میں چوبیس لاکھ کنال رقبہ آباد ہوجائے گا،سندھ کے نہری علاقے میں 2022 ء میں سیلاب سے تباہی آئی ،ہمیں اس پانی کو بھی بچانا چاہیے۔
.ذریعہ: Express News
کلیدی لفظ: علی امین گنڈاپور نے کہا کالا باغ ڈیم ملک کی کی بات
پڑھیں:
ہمارے کچھ لوگ اسٹیبلشمنٹ کے ایجنڈے پر بے وقوف بن جاتے ہیں، وزیراعلی علی امین گنڈاپور
ہمارے کچھ لوگ اسٹیبلشمنٹ کے ایجنڈے پر بے وقوف بن جاتے ہیں، وزیراعلی علی امین گنڈاپور WhatsAppFacebookTwitter 0 15 September, 2025 سب نیوز
پشاور (سب نیوز)وزیراعلی خیبرپختونخوا علی امین گنڈا پور نے کہ ہے کہ اسٹیبلشمنٹ عمران خان سے ملاقات نہ کروا کے پارٹی میں تقسیم چاہتی ہے اور ہمارے کچھ لوگ اس ایجنڈے پر ہمارے کچھ لوگ بھی بے وقوف بن جاتے ہیں۔
وزیراعلی خیبرپختونخوا صوبائی کابینہ کے ہمراہ عمران خان سے ملاقات کیلئے راولپنڈی پہنچے، جہاں پولیس نے انہیں گورکھپور ناکلے پر روک دیا۔علی امین گنڈا پور نے پولیس سے بات چیت کی مگر انہیں آگے جانے کی اجازت نہ ملی اور پھر وہیں پر میڈیا سے گفتگو کرتے ہوئے وزیراعلی نے کہا کہ کابینہ کا اجلاس یہاں نہیں کرینگے اسطرح اجلاس نہیں ہوتے، پنجاب حکومت کے بس میں کچھ نہیں وہ صرف راستہ روک سکتے ہیں۔انہوں نے کہا کہ یہ ملاقات کی اجازت نہیں دیتے چار پانچ گھنٹے بٹھا دیتے ہیں، یہاں بیٹھنے کے بجائے سیلاب زدہ علاقوں میں کام کررہا تھا، سوشل میڈیا کو چھوڑیں ہر بندے کو مطمئن نہیں کیا جاسکتا۔
علی امین گنڈا پور نے کہا کہ ملاقات نہ کرانے کی وجہ پارٹی میں تقسیم ہو اور اسٹیبلشمنٹ چاہتی ہے پارٹی تقسیم ہو، ہمیں مائننگ بل اور بجٹ بل پاس کرانے پر بھی ملاقات نہیں دی گئی، اگر عمران خان سے ملاقات ہوجاتی تو شفافیت ہوتی اور لوگوں کا ابہام بھی ختم ہوجاتا۔وزیراعلی نے کہا کہ سینیٹ الیکشن پر بھی ملاقاتیں روکی گئی، اب باجوڑ والے معاملے پر ملاقاتوں میں رکاوٹ ڈال رہے ہیں۔ یہ چاہتے ہیں ملاقاتیں نہ ہو اور کنفیوژن بڑھتی رہے، اسٹیبلشمنٹ کے ایجنڈے پر ہمارے کچھ لوگ بھی بیوقوف بن جاتے ہیں۔انہوں نے کہا کہ ملاقات نہیں دئیے جانے پر کیا میں جیل توڑ دوں، میں یہ کرسکتا ہوں مگر اس سے کیا ہوگا؟ یہ ہر ملاقات پر یہاں بندے کھڑے کردیتے ہیں۔وزیراعلی نے کہا کہ ن لیگ کو شرم آنی چاہیے شہدا کے جنازوں پر ایسی باتیں کرتے ہوئے، ن لیگ ہر چیز میں سیاست کرتی یے، ملک میں جمہوریت تو ہے نہیں اسمبلیاں جعلی بنائی ہوئی ہیں، جنازوں پر جانے کی بات نہیں انسان کو احساس ہونا چاہیے۔ اپنے لوگوں کی شہادتوں کے بجائے پالیسیز ٹھیک کرنی چاہیے۔
علی امین گنڈا پور نے کہا کہ ہم نے تمام قبائل کے جرگے کرکے اس مسلے کا حل نکالنے کی کوشش کی، ہم نے ان سے کہا مذاکرات کا راستہ نکالیں پہلے انہوں نے کہا تم کون ہو، پھر دوبارہ بات ہوئی تو ٹی آر اوز مانگے گئے ہم نے وہ بھی بھیجے، معاملات اس ٹریک پر نہیں جسے مسائل حل ہوں، ہمارے پاس کوئی ایجنڈا ہی نہیں مسائل حل کرنے کا۔انہوں نے کہا کہ ہمارے علاقوں میں سیلاب کی نوعیت مختلف تھی، پورے پورے پہاڑی تودے مٹی بستیوں کی بستیاں اور درخت بہہ گئے، سیلاب بڑا چیلنج تھا ہم نے کسی حد تک مینیج کرلیا ہے اور آج بھی متاثرہ علاقوں میں ابھی امدادی کام جاری ہے جبکہ سیلاب سے ہمارے صوبے میں 400 اموات ہوچکی ہیں۔وزیراعلی نے کہا کہ وفاقی حکومت نے ہمارے ساتھ کوئی وعدہ پورا نہیں کیا، فارم 47 کے ایم این ایز گھوم رہے ہیں صوبے میں لیکن کوئی خاطر خواہ امداد نہیں کی گئی، وفاقی حکومت کو جو ذمہ داری نبھانی چاہیے تھی نہیں نبھائی مگر میں اس پر سیاست نہیں کرتا ہمیں انکی امداد کی ضرورت بھی نہیں ہے، ہم نے ہر چیز پر سیاست کی ایک جنازے رہ گئے تھے، اس سے قبل میں جن جنازوں میں گیا یہ نہیں گئے تو کیا میں اس پر سیاست کرونگا۔
انہوں نے کہا کہ دہشت گردی کے مسئلے کو سنجیدگی سے عملی اقدامات کرکے حل نکالنا چاہیے، کسی کا بچہ کس کا باپ کسی کا شوہر کوئی بھی نقصان نہیں ہونا چاہیے اور اس پر ایک پالیسی بننی چاہیے، میں نے دہشت گردی کے خاتمے کیلیے وزیر اعلی بنتے ہی میں نے پورے قبائل کے جرگے بلائے، میں نے کہا تھا افغانستان سے بات کرنی چاہیے جس پر وفاق نے کہنا شروع کیا کہ میں کچھ نہیں کرسکتا۔علی امین گنڈا پور نے کہا کہ افغانستان اور ہمارا ایک بارڈر ہے ایک زبان ہے ایک کلچر ہے روایات بھی مماثل ہیں، ہم نے وفاقی حکومت کو ٹی او آرز بھیجے سات آٹھ ماہ ہوگئے کوئی جواب نہیں دیا، یہ نہیں ہوسکتا میں پرائی جنگ میں اپنے ہوائی اڈے دوں، مذاکرات اور بات چیت کے ایجنڈے پر یہ نہیں آرہے۔انہوں نے کہا کہ خیبرپختونخوا میں یہ جنازے کس کی وجہ سے ہورہے ہیں اسکا ذمہ دار کون ہے یہ شہادتیں جس مسئلے کی وجہ ہورہی ہیں اس پر توجہ دینے کی ضرورت ہے، میں پوچھتا ہوں آج تک جو آپریشن ہوئے انکا کیا نتیجہ نکلا؟ جب تک عوام کا اعتماد نہ ہو کوئی جنگ نہیں جیتی جاسکتی۔وزیراعلی نے کہا کہ کوئی نہیں چاہتا کسی کے بچے شہید ہوں، ہمیں اپنی پالیسیز کو از سر نو جائزہ لینا ہوگا، مجھے اپنے لیڈر سے اسلیے ملنے نہیں دے رہے انکا مقصد ہے پارٹی تقسیم ہو اور اختلافات بڑھتے رہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپہلا کویلیم ٹی 20کرکٹ ٹورنامنٹ شاندار انداز میں اختتام پذیر، فرسان کمپنی کے چیف ایگزیکٹو چوہدری افضل مبشر چیمہ مہمان خصوصی پہلا کویلیم ٹی 20کرکٹ ٹورنامنٹ شاندار انداز میں اختتام پذیر، فرسان کمپنی کے چیف ایگزیکٹو چوہدری افضل مبشر چیمہ مہمان خصوصی نیتن یاہو سے ملاقات، امریکا کا ایک بار پھر اسرائیل کی غیر متزلزل حمایت کا اعلان ایف آئی اے اینٹی کرپشن سرکل کی کارروائی ،سی ڈی اے میں جعلی پاور آف اٹارنی کے ذریعے ڈی 13فور میں 5پلاٹوں کی ملکیت... نئی مانیٹری پالیسی جاری، شرح سود 11 فیصد کی سطح پر برقرار آڈیٹر جنرل کا یو ٹرن، 3.75 کھرب کی بیضابطگیوں کی رپورٹ سے دستبردار نواز شریف لندن روانہ، طبی معائنہ کرائینگے، اہم ملاقاتیں بھی شیڈولCopyright © 2025, All Rights Reserved
رابطہ کریں ہماری ٹیم
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ