کپور خاندان کا مشہور اداکار خاتون سے زیادتی کے الزام میں گرفتار
اشاعت کی تاریخ: 4th, September 2025 GMT
نئی دہلی (نیوز ڈیسک) معروف بھارتی ٹی وی اداکار آشیش کپور کو خاتون سے زیادتی کے الزام میں گرفتار کر لیا گیا ہے۔ پولیس کے مطابق ان پر الزام ہے کہ انہوں نے ایک پارٹی کے دوران خاتون کو واش روم میں جنسی طور پر ہراساں کیا۔
بھارتی میڈیا رپورٹس کے مطابق متاثرہ خاتون نے بیان دیا ہے کہ ان کی آشیش کپور سے انسٹاگرام پر دوستی ہوئی تھی جس کے بعد انہیں اداکار کے ایک دوست کے گھر پارٹی میں بلایا گیا۔ خاتون کا دعویٰ ہے کہ وہاں ان کے ساتھ زیادتی کی گئی۔
مقدمے میں اداکار آشیش کپور، ان کے دوست، دوست کی بیوی اور دو نامعلوم افراد کو نامزد کیا گیا ہے، تاہم زیادتی کے الزام کا نشانہ صرف آشیش کپور کو بنایا گیا ہے۔ متاثرہ خاتون نے یہ بھی کہا کہ واقعے کی ویڈیو ریکارڈ کی گئی تھی، لیکن پولیس کو اداکار سے ایسی کوئی ویڈیو برآمد نہیں ہوئی۔
پولیس حکام کا کہنا ہے کہ واقعے کی تفتیش جاری ہے جبکہ آشیش کپور نے اپنے خلاف لگنے والے الزامات کو مسترد کر دیا ہے۔
Post Views: 1.
ذریعہ
ذریعہ: Daily Mumtaz
کلیدی لفظ: آشیش کپور
پڑھیں:
صومالی بحری قزاقوں کے ہاتھوں پاکستانیوں کے اغوا کا معاملہ، متاثرہ خاندان کا موقف سامنے آگیا
متاثرہ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ اسلام ٹائمز۔ صومالی بحری قزاقوں کے قبضے میں موجود پاکستانی شہریوں کی رہائی سے متعلق معاملے پر متاثرہ خاندان کا موقف سامنے آگیا ہے۔ متاثرہ خاندان نے بعض سفارتی ذرائع سے زیر گردش خبروں کی تردید کرتے ہوئے کہا ہے کہ صومالی بحری قزاقوں نے یرغمالیوں کی رہائی کے لیے کبھی 10 ملین ڈالر کے تاوان کا مطالبہ نہیں کیا۔ خاندان کے مطابق مغوی پاکستانیوں نے خود اطلاع دی ہے کہ بحری قزاق ان کی رہائی کے لیے رقم کا مطالبہ کر رہے ہیں۔ متاثرہ خاندان کا کہنا ہے کہ قزاقوں نے ابتدا میں 3 ملین ڈالر تاوان مانگا تھا جبکہ اب یہ مطالبہ کم کرکے 2.5 ملین ڈالر کردیا گیا ہے۔ خاندان نے مزید کہا کہ میڈیا اور سفارتی ذرائع میں گردش کرنے والی بعض اطلاعات حقائق کے منافی ہیں اور ان کی تصدیق نہیں کی گئی۔
ان کے بقول انہیں اس بات کا بھی کوئی علم نہیں کہ بحری جہاز "آنر 25" کے مالک، صومالیہ کی حکومت اور بحری قزاقوں کے درمیان کس نوعیت کی بات چیت جاری ہے۔ متاثرہ خاندان نے بتایا کہ بحری قزاق مسلسل پاکستانی نیوز چینلز سے براہِ راست بات چیت کی خواہش کا اظہار کر رہے ہیں اور اس حوالے سے بار بار مطالبات بھی سامنے آ رہے ہیں۔ خاندان نے حکومتِ پاکستان، وزارتِ خارجہ اور متعلقہ اداروں سے اپیل کی ہے کہ مغوی پاکستانیوں کی جلد اور محفوظ رہائی کے لیے مؤثر اقدامات کیے جائیں اور اہلِ خانہ کو صورتحال سے باخبر رکھا جائے۔ واضح رہے کہ صومالی بحری قزاقوں کے قبضے میں موجود پاکستانیوں کی رہائی کے حوالے سے مختلف اطلاعات سامنے آ رہی ہیں، تاہم متاثرہ خاندان نے اپنے مقف میں بعض زیر گردش دعوں کی واضح تردید کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ