سپریم کورٹ: فراڈ، اقدام قتل اور زیادتی کے ملزمان کی سزائیں برقرار ،ضمانت کی درخواستیں خارج
اشاعت کی تاریخ: 4th, September 2025 GMT
اسلام آباد میں سپریم کورٹ کے مختلف بینچوں نے جمعرات کو اہم مقدمات کی سماعت کرتے ہوئے کئی سنگین جرائم، پولیس کے طرزِ عمل اور انسانی حقوق سے متعلق معاملات پر سخت ریمارکس دیے۔
یہ بھی پڑھیں:سپریم کورٹ کا نیا عدالتی سال 8 ستمبر سے شروع ہوگا
عدالت نے بعض ملزمان کی ضمانتیں مسترد کیں، بعض مقدمات میں ریکارڈ طلب کیا، جبکہ خیبر پختونخوا پولیس کی کارروائی پر برہمی کا اظہار کیا۔
17 کروڑ فراڈ کیسسپریم کورٹ نے 17 کروڑ روپے کے فراڈ کے مرکزی ملزم زوہیب الرحمن کے خلاف مکمل ریکارڈ طلب کرلیا۔
عدالت نے سوال اٹھایا کہ اگر ملزم دبئی میں ملازمت کرتا ہے تو اس کے نام پر جعلی کمپنی اور بینک اکاؤنٹ کیسے کھل گیا۔
ایڈیشنل اٹارنی جنرل نے مؤقف اختیار کیا کہ زوہیب نے لوگوں کو سعودی عرب بھیجنے کا جھانسہ دے کر چھ سو افراد سے خطیر رقم بٹوری۔
جعلی شناختی کارڈ پر 40 کنال اراضی ہتھیانے کا کیسعدالت نے ملزم ظاہر حسین کی ضمانت کی درخواست مسترد کرتے ہوئے ریمارکس دیے کہ وہ ایک ’فنکار لگتا ہے‘۔
ملزم پر الزام ہے کہ اس نے ایک مرحوم خاتون الفت بی بی کے نام پر جعلی شناختی کارڈ بنا کر 40 کنال زمین اپنے نام منتقل کرائی۔
بہن پر قاتلانہ حملہسپریم کورٹ نے اپنی سگی بہن پر فائرنگ کرنے والے ملزم عارف کی ضمانت دینے سے انکار کردیا۔
جسٹس شہزاد ملک نے کہا کہ خاتون کو سینے اور پیٹ پر گولیاں لگیں، اور بہن بھائی کو جھوٹا الزام کیوں دیتی۔ عدالت نے اسے سنگین جرم قرار دیا۔
کم سن لڑکی سے زیادتیعدالت نے 14 سالہ لڑکی سے زیادتی کے دو ملزمان کی اپیلیں خارج کرتے ہوئے عمر قید کی سزا برقرار رکھی۔
یہ بھی پڑھیں:سپریم کورٹ بار کی عدالتی اصلاحات کے لیے تجاویز کیا ہیں؟
جسٹس شہزاد ملک نے قرار دیا کہ ’اگر رضامندی سے بھی کچھ ہوا تب بھی یہ زیادتی کے زمرے میں آتا ہے‘۔ ڈی این اے رپورٹ ملزمان سے میچ کرگئی تھی۔
سوات پولیس کا متنازع اقدامسپریم کورٹ نے خیبر پختونخوا پولیس کی جانب سے ریڑھ کی ہڈی کے آپریشن شدہ مریض کو اسپتال سے گرفتار کرنے پر شدید برہمی کا اظہار کیا۔
جسٹس حسن اظہر رضوی نے سوال اٹھایا کہ کیا پولیس نے ڈاکٹر یا ہسپتال سے اجازت لی؟ عدالت نے قرار دیا کہ ملزم چاہے برا انسان ہو لیکن اس کے بھی کچھ حقوق ہیں۔
کیس کی مزید سماعت 2 ہفتوں کے لیے ملتوی کردی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
زیادتی سپریم کورٹ سوات پولیس فراڈ قاتلانہ حملہ.
ذریعہ
ذریعہ: WE News
کلیدی لفظ: زیادتی سپریم کورٹ سوات پولیس فراڈ قاتلانہ حملہ سپریم کورٹ عدالت نے
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار