’پاکستان فلسطین کی حمایت جاری رکھےگا‘، وفاقی وزیر سردار یوسف کی فلسطینی وفد سے گفتگو
اشاعت کی تاریخ: 4th, September 2025 GMT
وفاقی وزیر مذہبی امور و بین المذاہب ہم آہنگی سردار محمد یوسف سے قاضی القضاۃ فلسطین ڈاکٹر محمود صدقی عبد الرحمان الہباش کی سربراہی میں 4 رکنی وفد نے ملاقات کی۔
ملاقات میں 2 طرفہ تعاون، امت مسلمہ کو درپیش چیلنجز اور فلسطین کی موجودہ صورتحال پر تفصیلی بات چیت کی گئی۔
فلسطین کی حمایت انسانی و اخلاقی فریضہ ہےوفاقی وزیر سردار محمد یوسف نے کہا کہ فلسطین کی حمایت دین، نسل، عقیدہ اور ثقافت سے بالاتر ہو کر ایک انسانی و اخلاقی فریضہ ہے۔
یہ بھی پڑھیں:بھارت اسرائیل ہے اور نہ پاکستان فلسطین، ہر حملے کا بھرپور جواب دیا جائے گا، ڈی جی آئی ایس پی آر
انہوں نے غزہ میں جاری قتل عام، انسانی حقوق کی پامالی اور مقدسات کی خلاف ورزیوں کی شدید مذمت کرتے ہوئے کہا کہ پاکستان ہر حال میں فلسطین کی سیاسی، اخلاقی اور سفارتی حمایت جاری رکھے گا۔
امدادی سامان غزہ روانہ کیا جارہا ہےوفاقی وزیر نے بتایا کہ وزیراعظم شہباز شریف کی ہدایت پر غزہ کے مظلوم عوام کیلئے امدادی سامان بھجوایا جارہا ہے۔
انہوں نے پاکستان میں سیلاب متاثرین کے لیے فلسطینی عوام کی ہمدردی اور دعاؤں کا شکریہ بھی ادا کیا۔
فلسطینی قیادت کی جانب سے اظہار تشکرقاضی القضاۃ فلسطین ڈاکٹر محمود صدقی عبد الرحمان الہباش نے پاکستان کی غیر متزلزل حمایت پر شکریہ ادا کیا۔
یہ بھی پڑھیں:سعودی ولی عہد اور اماراتی صدر کی ملاقات، فلسطین کی تازہ صورتحال پر تبادلہ خیال
انہوں نے کہا کہ غزہ میں مظالم پر مؤثر آواز اٹھانے پر ہم پاکستان کے شکر گزار ہیں۔ ان کا کہنا تھا کہ ستمبر کے مہینے میں کئی ممالک فلسطین کو آزاد و خودمختار ریاست تسلیم کریں گے۔
مسجد اقصیٰ میں شکرانے کے نوافل کا وقت قریب ہےفلسطینی رہنما نے امید ظاہر کی کہ وہ وقت قریب ہے جب عالم اسلام کے لیڈر مسجد اقصیٰ میں اکٹھے ہو کر شکرانے کے نوافل ادا کریں گے۔
علما کے تبادلے اور مکالمے پر اتفاقملاقات میں علماء کرام کے تبادلے اور مکالمے کے فروغ کیلئے مشترکہ کوششوں پر بھی اتفاق کیا گیا۔ اس موقع پر امام مسجد اقصیٰ اور امام مسجد ابراہیمی بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ڈاکٹر محمود صدقی عبد الرحمان الہباش سردار یوسف فلسطین فلسطینی وفد مسجد اقصی وفاقی وزیر مذہبی امور.ذریعہ: WE News
کلیدی لفظ: پاکستان ڈاکٹر محمود صدقی عبد الرحمان الہباش سردار یوسف فلسطین فلسطینی وفد وفاقی وزیر مذہبی امور وفاقی وزیر فلسطین کی
پڑھیں:
پاکستان اور فلسطین کے درمیان صحت کے شعبے میں تعاون کا اہم معاہدہ
اسلام آباد میں پاکستان اور فلسطین کے درمیان صحت کے میدان میں تعاون کو فروغ دینے کے لیے ایک اہم معاہدے پر دستخط کیے گئے۔
اس مفاہمتی یادداشت پر پاکستان کی جانب سے وفاقی وزیر صحت مصطفیٰ کمال جبکہ فلسطین کی جانب سے پاکستان میں تعینات فلسطینی سفیر نے دستخط کیے۔ تقریب میں وفاقی سیکرٹری صحت حامد یعقوب، ایڈیشنل سیکرٹری ہیلتھ اور ڈی جی ہیلتھ بھی شریک تھے۔
وزیر صحت مصطفیٰ کمال نے اس موقع پر کہا کہ معاہدے پر مؤثر عمل درآمد کے لیے آئندہ 30 روز میں ’’پاکستان-فلسطین ہیلتھ ورکنگ گروپ‘‘ قائم کیا جائے گا، جو اس تعاون کو عملی شکل دینے کے لیے رہنمائی فراہم کرے گا۔ انہوں نے بتایا کہ معاہدے کے تحت جدید طبی شعبہ جات میں استعداد کار بڑھانے پر خصوصی توجہ دی جائے گی۔
دونوں ممالک انٹروینشنل کارڈیالوجی، آرگن ٹرانسپلانٹ، آرتھوپیڈک سرجری، اینڈوسکوپک الٹراساؤنڈ، برن اینڈ پلاسٹک سرجری جیسے اہم شعبوں میں مل کر کام کریں گے۔ اس کے علاوہ متعدی امراض، آنکھوں کے امراض اور دواسازی کے شعبے میں بھی تعاون کو فروغ دیا جائے گا۔ وزیر صحت نے یہ بھی بتایا کہ مشترکہ تحقیق کے مواقع تلاش کرنے پر بھی توجہ دی جائے گی تاکہ صحت عامہ کے مسائل کا بہتر حل نکالا جا سکے۔
مصطفیٰ کمال نے کہا کہ اس معاہدے کا مقصد دونوں برادر ممالک کے عوام کے لیے بہتر صحت کی سہولیات کو یقینی بنانا ہے۔ ان کا کہنا تھا کہ ’’پاکستانی عوام کے دل فلسطین کے ساتھ دھڑکتے ہیں، ہم ان کی فلاح کے لیے ہر ممکن مدد فراہم کرنے کے لیے تیار ہیں۔‘‘
فلسطین کے سفیر نے وزیر صحت اور پاکستانی حکومت کا شکریہ ادا کرتے ہوئے کہا کہ فلسطین اور پاکستان دونوں برادر ممالک ہیں اور وہ اپنے عوام کی صحت کے معیار کو بہتر بنانے کے لیے مل کر کام کرتے رہیں گے۔
کرینہ کپور کے دلچسپ جواب پر مداحوں میں چہ میگوئیاں