وفاقی وزیر سردار محمد یوسف سے فلسطینی چیف جسٹس اور امام مسجد اقصیٰ کی اہم ملاقات
اشاعت کی تاریخ: 4th, September 2025 GMT
فلسطین کے چیف جسٹس ڈاکٹر محمود صدقی عبد الرحمان الہباش کی قیادت میں ایک چار رکنی اعلیٰ سطحی وفد نے وفاقی وزیر برائے مذہبی امور و بین المذاہب ہم آہنگی سردار محمد یوسف سے ملاقات کی۔
ملاقات میں امام مسجد اقصیٰ اور امام مسجد ابراہیمی سمیت دیگر ممتاز مذہبی شخصیات بھی شریک تھیں۔ یہ ملاقات وفاقی دارالحکومت میں ہوئی، جہاں دونوں فریقین نے مسلم امہ کو درپیش چیلنجز اور باہمی تعاون کے فروغ پر تبادلہ خیال کیا۔
فلسطینی وفد نے پاکستان میں حالیہ سیلاب سے ہونے والے جانی و مالی نقصانات پر گہرے دکھ اور ہمدردی کا اظہار کیا اور متاثرہ عوام کے ساتھ مکمل یکجہتی ظاہر کی۔
اس موقع پر وفاقی وزیر سردار محمد یوسف نے فلسطینی کاز کے ساتھ پاکستان کی غیر متزلزل حمایت دہراتے ہوئے کہا کہ فلسطین کی حمایت دین، نسل، مسلک یا ثقافت سے بالاتر ہو کر ایک انسانی اور اخلاقی فرض ہے۔
انہوں نے غزہ میں جاری اسرائیلی مظالم اور مقدس مقامات کی بے حرمتی کی شدید مذمت کی اور کہا کہ پاکستان ہر سطح پر فلسطین کی سیاسی، اخلاقی اور سفارتی حمایت جاری رکھے گا۔
انہوں نے کہا کہ وزیراعظم شہباز شریف کی ہدایت پر غزہ کے مظلوم عوام کے لیے امدادی سامان روانہ کیا جا رہا ہے۔
فلسطینی چیف جسٹس ڈاکٹر محمود الہباش نے پاکستان کی مسلسل حمایت پر شکریہ ادا کرتے ہوئے کہا کہ پاکستان نے نہ صرف عملی حمایت دی بلکہ عالمی سطح پر فلسطینی مظلوموں کی آواز بھی بلند کی، جس کے ہم دل سے شکر گزار ہیں۔
انہوں نے امید ظاہر کی کہ جلد وہ دن آئے گا جب کئی ممالک فلسطین کو ایک آزاد اور خودمختار ریاست کے طور پر تسلیم کریں گے اور عالم اسلام کے قائدین مسجد اقصیٰ میں جمع ہو کر شکرانے کے نوافل ادا کریں گے۔”
ملاقات کے اختتام پر دونوں ممالک کے درمیان علمائے کرام کے تبادلے، بین المذاہب مکالمے کے فروغ اور دوطرفہ تعاون کو مزید مستحکم بنانے پر اتفاق کیا گیا۔
یہ ملاقات فلسطین اور پاکستان کے برادرانہ تعلقات کی گہرائی اور ایک دوسرے کے ساتھ کھڑے رہنے کے عزم کا عملی مظہر تھی۔
ذریعہ
ذریعہ: Daily Mumtaz
کلیدی لفظ: کہا کہ
پڑھیں:
نواز شریف گلگت بلتستان روانہ، انتخابی مہم میں حصہ لیں گے
راو دلشاد: محمد نواز شریف گلگت بلتستان کے دورے کے لیے روانہ ہو گئے، جہاں وہ پارٹی رہنماؤں اور ٹکٹ ہولڈرز سے ملاقاتیں کریں گے۔
ذرائع کے مطابق نواز شریف خصوصی طیارے کے ذریعے لاہور کے اولڈ ایئرپورٹ سے گلگت بلتستان روانہ ہوئے۔ اس موقع پر خواجہ محمد آصف اور رانا ثناء اللہ خان بھی ان کے ہمراہ تھے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
دورے کے دوران نواز شریف پاکستان مسلم لیگ (ن) کے ٹکٹ ہولڈرز اور مقامی رہنماؤں سے ملاقاتیں کریں گے اور انتخابی حکمت عملی پر مشاورت کریں گے۔
پارٹی ذرائع کے مطابق مسلم لیگ (ن) کے سربراہ گلگت بلتستان میں انتخابی مہم کے سلسلے میں مختلف عوامی جلسوں سے بھی خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ