نئی دوا جس کی ایک ہی خوراک 3 ماہ تک اینگزائٹی سے محفوظ رکھتی ہے
اشاعت کی تاریخ: 5th, September 2025 GMT
ایک نئی تحقیق سے پتہ چلا ہے کہ نفسیاتی اثرات رکھنے والی دوا لائسرجک ایسڈ ڈائی ایتھائیل امائیڈ (LSD) کی ممکنہ طور پر بے چینی (anxiety) کی علامات کو 3ماہ تک کم کر سکتی ہے۔
یہ ابتدائی مطالعہ، جو جمعرات کو جرنل آف دی امریکن میڈیکل ایسوسی ایشن (JAMA) میں شائع ہوا، میں پایا گیا کہ MM120 کی ایک خوراک ہی عمومی بے چینی کی خرابی (Generalized Anxiety Disorder) کے مریضوں میں علامات کو نمایاں طور پر کم کر دیتی ہے۔
یہ تحقیق نیویارک کی بائیوٹیک کمپنی MindMed نے 198 بالغ مریضوں پر کی، جنہیں GAD کی تشخیص ہوئی تھی۔
مطالعہ کے مرکزی محقق ڈین کارلن نے کہا:
یہ پہلا جدید کلینیکل ٹرائل ہے جس میں LSD یا کسی بھی نفسیاتی دوا کو خاص طور پر جنرلائزڈ انزائٹی ڈس آرڈر کے علاج کے لیے آزمایا گیا۔
دوا استعمال کرنے سے کیا نتائج حاصل ہوئے؟LSD کی ایک خوراک لینے والے تقریباً دو تہائی مریضوں میں 12 ہفتے بعد بھی علامات میں بہتری رہی، جب کہ پلیسبو (جعلی دوا) لینے والوں میں یہ شرح صرف 31% تھی۔
علامات سے مکمل نجات کی شرح LSD گروپ میں 48% رہی، جب کہ پلیسبو میں یہ صرف 20% تھی۔
پس منظرعام طور پر GAD کے علاج کے لیے اینٹی ڈپریسنٹ ادویات جیسے سیلیکٹو سیروٹونن ری اپ ٹیک انہیبیٹرز (SSRIs) استعمال کی جاتی ہیں، لیکن یہ تقریباً آدھے مریضوں پر اثر نہیں کرتیں اور بعض اوقات جذبات کو دبانے جیسی منفی اثرات رکھتی ہیں۔ مزید یہ کہ یہ صرف روزانہ کھانے سے ہی اثر دکھاتی ہیں۔
اس کے برعکس، LSD دماغ میں خوشگوار اثر ڈالنے والے سیروٹونن کو بڑھاتا ہے، جس سے موڈ بہتر ہوتا ہے۔
ممکنہ خطراتLSD لینے والے 90% مریضوں نے 100 ملی گرام خوراک کے بعد ہیلوسینیشنز (وہم یا غیر حقیقی مناظر) کی شکایت کی۔
دیگر ضمنی اثرات میں سر درد اور متلی شامل ہیں۔
ماہرین کی رائےیونیورسٹی آف شکاگو کی پروفیسر ہیریئٹ ڈی وِٹ نے کہا:
’ یہ ایک متاثر کن مطالعہ ہے۔ محققین کلینیکل ٹرائل ڈیزائن میں ماہر ہیں اور نتائج واقعی چونکانے والے ہیں۔‘
اگلا قدمMindMed نے امریکا اور یورپ میں مزید کلینیکل ٹرائلز شروع کیے ہیں اور اگر نتائج مثبت رہے تو کمپنی فوڈ اینڈ ڈرگ ایڈمنسٹریشن (FDA) سے اس دوا کو بطور انزائٹی ٹریٹمنٹ منظور کرانے کی کوشش کرے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اینگزائٹی صحت نفسیاتی امراض.
ذریعہ
ذریعہ: WE News
کلیدی لفظ: اینگزائٹی نفسیاتی امراض
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ