دشمن یاد رکھے اگلی بار اسکور 60 صفر ہوگا، ایئر وائس مارشل شہریار خان
اشاعت کی تاریخ: 6th, September 2025 GMT
دشمن یاد رکھے اگلی بار اسکور 60 صفر ہوگا، ایئر وائس مارشل شہریار خان WhatsAppFacebookTwitter 0 6 September, 2025 سب نیوز
کراچی:(آئی پی ایس) یوم دفاع پر مزار قائد پر گارڈ تبدیلی کی پروقار تقریب ہوئی جس میں پاکستان ایئرفورس اکیڈمی اصغر خان کے چاق و چوبند دستے نے مزار قائد پر گارڈز کے فرائض سنبھال لیے۔
اس تقریب کے مہمان خصوصی ایئر وائس مارشل شہریار خان تھے جنہوں نے مزار قائد پر پھول رکھے اور مہمانوں کی کتاب میں تاثرات بھی قلمبند کیے، انہوں نے پی اے ایف دستے کا معائنہ بھی کیا۔
تقریب سے خطاب کرتے ہوئے ایئر وائس مارشل شہریار خان نے کہا کہ پاک فضائیہ ہمیشہ قوم کی امیدوں پر پورا اتری ہے، عوام کو کبھی مایوس نہیں کیا، ہم ہر محاذ پر تیار کھڑے ہیں، دفاع وطن کے لیے سیسہ پلائی دیوار کی طرح کھڑے رہیں گے، اگلی بار سکور 0-6 نہیں بلکہ 0-60 ہوگا۔
ایئر وائس مارشل نے کہا کہ ہمارے دشمنوں کو ہمیشہ منہ کی کھانا پڑی، آئندہ بھی کسی بھی جارحیت کا منہ توڑ جواب دیں گے، آپریشن بُنْيَانٌ مَّرْصُوْص نے 6 ستمبر کی یاد تازہ کی، 6ستمبرہمیں اس دن کی یاد دلاتا ہے جب ہم نےدشمن کے ناپاک عزائم کو خاک میں ملایا۔
انہوں نے کہا کہ آج ائیر فورس کے لیے کمانڈ سنبھالنا اعزاز کی بات ہے، گارڈ کی تبدیلی کوئی رسم نہیں ہے، قائداعظم محمد علی جناح نے ہمیں اتحاد کا درس دیا، ہم قائداعظم کے نظریات کے امین ہیں، ہم دشمن کو ہر محاذ پر شکست دینے کےلئے تیار ہیں۔
انہوں نے بتایا کہ قدرتی آفات اور ریسکیو آپریشن کے دوران بھی پاک فضائیہ پیش پیش رہی، پاکستان کے ہر شہر اور ہر محاز پر دفاع ہماری ذمہ داری ہے، پاک فضائیہ ہمہ وقت دفاع وطن کے لیے تیار رہتی ہے، ائیر چیف مارشل بابر سدھو کی قیادت میں پاک فضائیہ مزید ماڈرن ہوئی ہے۔
ایئر وائس مارشل شہریار خان نے کہا کہ پوری قوم کو افواج پاکستان کی کامیابی پر فخر ہے، یقین دلاتا ہوں کہ پاکستان کی فضائی حدود کا دفاع پاک فضائیہ کے مضبوط ہاتھوں میں ہے۔
کمانڈنگ آفیسر نے کہا کہ ہمارے شہداء نے جانوں کا نذرانہ دے کر وطن کو امن کا گہوارہ بنایا، ہم آج اپنے شہداء کو خراج عقیدت پیش کرتے ہیں، پاکستان کے لیے اپنے بچوں کو قربان کرنے والے والدین کو بھی خراج تحسین پیش کرتے ہیں، ہم پاکستان کی سرزمین کے خلاف اٹھنے والے ہر قدم کو ناکام بنائیں گے۔
مزار اقبال پر گارڈز تبدیلی کی تقریب
ادھر لاہور میں مزار اقبال پر گارڈز تبدیلی کی پروقار تقریب ہوئی جس میں پاک فوج اور رینجرز کے چاق و چوبند دستوں نے مزار پر سلامی دی۔
تقریب کے مہمان خصوصی کور کمانڈر لاہور سید فیاض حسین شاہ نے مزار اقبال پر پھولوں کی چادر چڑھائی، فاتحہ خوانی کی اور پریڈ کا معائنہ کیا۔
مہمان خصوصی نے مہمانوں کی کتاب میں اپنے تاثرات بھی قلمبند کئے۔
نیول ہیڈکوارٹرز میں یادگارِ شہدا پر تقریب
پاک بحریہ کے ہیڈکوارٹرز میں یادگار شہدا پر خصوصی تقریب ہوئی جس میں امیر البحر ایڈمرل نوید اشرف نے بطور مہمان خصوصی شرکت کی۔
اس موقع پر شہدا کی یادگار پر پھول چڑھائے گئے، فاتحہ خوانی ہوئی اور دفاع وطن کے لیے قربانیوں پر خراج عقیدت پیش کیا گیا۔
خیال رہے کہ آج ملک بھر میں یوم شہداء و دفاع قومی جوش و جذبے کے ساتھ منایا جا رہا ہے، آج دن کا آغاز وفاقی دارالحکومت سے 31 جبکہ صوبائی دارالحکومتوں سے 21، 21 توپوں کی سلامی سے ہوا، مساجد میں نماز فجر کے بعد پاکستان کی سلامتی اور خوشحالی کے لیے خصوصی دعائیں کی گئیں۔
یہ بھی یاد رہے کہ رواں برس مئی میں ہونے والی جنگ میں پاکستان کی مسلح افواج نے بھارت کا غرور خاک میں ملاتے ہوئے ناصرف جدید ترین رافیل طیاروں سمیت کئی جنگی جہازوں کو گرایا بلکہ کئی ائیر فیلڈز کو بھی تباہ کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروالد کے انتقال کے بعد کنسرٹ کرنے پر تنقید کرنے والوں کو عاطف اسلم کا دوٹوک جواب قومی دفاع معاشی استحکام کے بغیر ممکن نہیں، محنت اور عزم سے ہی ہم معاشی خود مختاری حاصل کر سکتے ہیں ، صدر ایف... امریکی صدر کا محکمہ دفاع کا نام بدل کر ’محکمہ جنگ‘ رکھنے کا اعلان اسرائیلی یرغمالیوں کو رہا نہ کیا تو سخت اقدامات کیے جائیں گے، ٹرمپ کی حماس کو وارننگ یومِ دفاع: وفاقی دارالحکومت میں 31 توپوں کی سلامی؛ مزارِ قائد پر گارڈز کی تبدیلی کی تقریب سیلاب متاثرین کیلئے امریکا کی جانب سے امدادی سامان پاکستان پہنچ گیا ڈریپ، ڈائریکٹوریٹ کوالٹی کنٹرول اور ایف آئی اے کراچی کا جوائنٹ آپریشن، بڑی تعداد میں نان رجسٹرڈ اور جعلی ادویات پکڑائی گئیں، تفصیلات و...
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: ایئر وائس مارشل شہریار خان پاک فضائیہ تبدیلی کی نے کہا کہ پر گارڈز کے لیے
پڑھیں:
امریکا اور ایران کے درمیان بات چیت جاری، کوئی نہیں جانتا انجام کیا ہوگا، ڈونلڈ ٹرمپ
امریکی صدر ڈونلڈ ٹرمپ نے ایران اور امریکا کے درمیان مذاکرات کے خاتمے سے متعلق خبروں کو مسترد کرتے ہوئے انہیں غلط اور گمراہ کن قرار دیا ہے۔
سوشل میڈیا پلیٹ فارم ٹروتھ سوشل پر اپنے ایک بیان میں انہوں نے کہاکہ یہ اطلاعات درست نہیں ہیں کہ ایران اور امریکا نے چند روز قبل ایک دوسرے سے بات چیت بند کردی ہے۔
ان کے مطابق دونوں ممالک کے درمیان رابطے اور گفتگو کا سلسلہ مسلسل جاری ہے، اور آج بھی بات چیت ہوئی ہے۔
انہوں نے کہاکہ ان مذاکرات کا انجام کیا ہوگا، اس حوالے سے کوئی کچھ نہیں جانتا، تاہم ایران کو واضح پیغام دیا ہے کہ اب وقت آ گیا ہے کہ کسی نہ کسی صورت ایک معاہدہ کیا جائے۔
صدر ٹرمپ کا کہنا تھا کہ ایران گزشتہ 47 برس سے اسی طرز پر معاملات چلا رہا ہے اور یہ صورتحال مزید جاری نہیں رہ سکتی۔
واضح رہے کہ امریکا اور ایران کے درمیان جنگ بندی بدستور برقرار ہے، اور پاکستان دونوں ممالک میں معاہدہ کرانے کے لیے بھرپور سفارتکاری کررہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکا ایران مذاکرات امریکی صدر ڈونلڈ ٹرمپ معاہدہ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ