12 ارب کی لاگت سے بننے والی حب کینال ایک بارش نہ سہ سکی
اشاعت کی تاریخ: 10th, September 2025 GMT
کراچی میں ایک ماہ قبل 12 ارب روپے کی لاگت سے تعمیر ہونے والی حب کینال کا ایک حصہ برساتی نالوں میں طغیانی کے باعث متاثر ہوگئی جس کی وجہ سے شہر کو حب کینال سے پانی کی فراہمی بند ہوگئی۔
ترجمان واٹر کارپوریشن کا کہنا ہے کہ برساتی نالوں میں طغیانی سے حب کینال متاثرہو ئی جس کا مرمتی کام جلد مکمل کرلیا جا ئے گا۔
تفصیلات کے مطابق پیپلزپارٹی کے چئیرمین بلاول بھٹوزرداری نے 13اگست کو حب کینال 2 کا افتتاح کیا تھا جو 12 ارب روپے کی لاگت سے سے تعمیر کی گئی تھی تاہم کراچی میں برساتی نالوں میں طغیانی کے باعث نادرن بائی پاس کے قریب حب کینال کا ایک حصہ متاثر ہوا اور برساتی پانی نے 20 میٹر کا حصہ بہہ کرلے گیا جس سے حب کینال سے کراچی کو پانی کی فراہمی بند ہوگئی۔
ترجمان واٹر کارپورشن کا کہنا ہے کہ بساتی نالوں میں طٖغیانی سے حب کینال متاثر ہوئی، نادرن بائی پاس سے گزرنے والا سیلابی ریلا پرانی اور نئی حب کینال سے ٹکرا گیا جس سے دنوں کینالوں کو نقصان پہنچا۔
ترجمان واٹر کارپوریشن کا کہنا ہے کہ حب کینال کے اوپر سے گزرنے والی سوئی گیس کی لائن بھی بیٹھ گئی ہے گیس کی لائن دھسنے سے حب کینال کا 20 میٹر کا حصہ متاثرہوا ہے۔
ترجمان واٹر کارپوریشن کا کہنا تھا کہ کینال کے متاثرہ حصے کی مرمت کا کام ہنگامی بنیادوں پر شروع کردیا گیا ہے جواگلے 36 گھنٹوں میں مکمل کرلیاجائے گا مرمتی کام کے دوران حب کینال سے ضلع غربی، ضلع کیماڑی اور ضلع وسطی کو پانی کی فراہمی عارضی طورپر معطل رہے گی۔
ترجمان واٹر کارپوریشن نے شہریوں سے پانی احتیاط سے استعال کرنے کی اپیل کی ہے جبکہ مرمتی کام مکمل ہو نے کے بعد پانی کی فراہمی بحال کردی جا ئے گی۔
.
ذریعہ
ذریعہ: Express News
کلیدی لفظ: ترجمان واٹر کارپوریشن پانی کی فراہمی حب کینال سے سے حب کینال نالوں میں کا کہنا
پڑھیں:
اسحاق ڈار ایس سی او وزرائے خارجہ اجلاس کیلئے کرغزستان پہنچ گئے
دفتر خارجہ کے ترجمان کے مطابق نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ اسلام ٹائمز۔ نائب وزیراعظم اور وزیر خارجہ سینیٹر محمد اسحاق ڈار شنگھائی تعاون تنظیم (ایس سی او) کے وزرائے خارجہ کونسل کے اجلاس میں شرکت کے لیے کرغزستان کے شہر چولپون آتا پہنچ گئے۔ ترجمان دفتر خارجہ کے مطابق چولپون آتا پہنچنے پر کرغزستان کے نائب وزیر خارجہ کیرات تورسنکولوف نے نائب وزیراعظم کا استقبال کیا۔ اس موقع پر کرغزستان میں پاکستان کے سفیر التمش وزیر اور ایس سی او کے لیے قومی رابطہ کار ڈاکٹر محمد فیصل بھی موجود تھے۔ ترجمان نے بتایا کہ نائب وزیراعظم ایس سی او وزرائے خارجہ کے غیر رسمی عشائیے میں شرکت کریں گے اور رکن ممالک کے اپنے ہم منصبوں سے باہمی دلچسپی کے امور پر تبادلہ خیال کریں گے۔ دفتر خارجہ کے ترجمان کے مطابق ملاقاتوں میں کل ہونے والے ایس سی او وزرائے خارجہ کونسل کے اجلاس کے ایجنڈے پر بھی بات چیت کی جائے گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی