برطانیہ کی معاونت سے پاکستان میں ڈیجیٹل کیس مینجمنٹ سسٹم کا آغاز
اشاعت کی تاریخ: 11th, September 2025 GMT
برطانوی حکومت کی معاونت سے پاکستان کی انسداد منشیات فورس (اے این ایف) کے لیے ایک جدید ڈیجیٹل کیس مینجمنٹ سسٹم متعارف کرایا گیا ہے جس کا مقصد منشیات سے متعلق مقدمات کی مؤثر نگرانی اور تیز تر کارروائی کو یقینی بنانا ہے۔
یہ بھی پڑھیں: اے این ایف کی بین الصوبائی منشیات اسمگلروں کے خلاف کارروائی، بھاری مقدار میں منشیات برآمد
یہ نظام روایتی دستی طریقہ کار کی جگہ ایک مرکزی ڈیجیٹل پلیٹ فارم فراہم کرتا ہے اور نظام برطانیہ کے تعاون سے تیار کیا گیا ہے جو اے این ایف کو کیسز کے اندراج، شواہد کی ڈیجیٹل انداز میں ترتیب اور لیبارٹری رپورٹس کے انضمام میں مدد فراہم کررہا ہے۔
اس نظام کو ابتدائی طور پر فروری 2025 میں پائلٹ بنیادوں پر متعارف کرایا گیا تھا اور اب یہ ملک بھر میں اے این ایف کے تمام علاقائی دفاتر اور پولیس اسٹیشنز میں نافذ کر دیا گیا ہے۔
یہ سسٹم ڈیٹا کی درستگی بہتر بناتا ہے، رپورٹنگ میں تاخیر کو کم کرتا ہے اور قانون نافذ کرنے والے اداروں کو بروقت اور مؤثر کارروائی میں مدد دیتا ہے۔
اس حوالے سے افتتاحی تقریب اے این ایف ہیڈکوارٹر راولپنڈی میں منعقد ہوئی جس میں برطانوی ہائی کمشنر جین میریٹ، وفاقی وزیر داخلہ و انسداد منشیات سید محسن رضا نقوی، ڈی جی اے این ایف میجر جنرل عبدالمعید، برٹش ہائی کمیشن ، پنجاب انفارمیشن ٹیکنالوجی بورڈ اور دیگر شراکت داروں کے نمائندے شریک ہوئے۔
مزید پڑھیے: اے این ایف کی کارروائیاں، 300 کلو سے زائد منشیات برآمد
برطانوی ہائی کمشنر جین میریٹ نے اس موقع پر کہا کہ یہ اقدام پاکستان کے ساتھ مل کر منظم جرائم اور منشیات کے خلاف مشترکہ جدوجہد کے لیے برطانیہ کے عزم کا مظہر ہے۔
انہوں نے کہا کہ یہ نظام قانون نافذ کرنے والے اداروں کو مضبوط بناتا ہے اور اس کے مثبت اثرات دونوں ممالک پر مرتب ہوں گے۔
وفاقی وزیر سید محسن رضا نقوی نے اختتامی کلمات میں اس شراکت داری کو سراہتے ہوئے کہ برٹش ہائی کمیشن کی معاونت سے ہونے والی یہ ڈیجیٹل تبدیلی اے این ایف کو زیادہ مؤثر انداز میں منشیات کے بڑے کیسز سنبھالنے کے قابل بناتی ہے۔
انہوں نے کہا کہ ہم اس تعاون کو اپنی سرحدوں اور معاشرے کے تحفظ کے لیے ایک سنگِ میل سمجھتے ہیں۔
مزید پڑھیں: 2023 میں اربوں روپے مالیت کی 618 میٹرک ٹن منشیات اور ممنوعہ کیمیکلز ضبط کیے گئے، اے این ایف
یہ ڈیجیٹل سسٹم معلومات کے بکھراؤ (ڈیٹا سلوس) اور سست رپورٹنگ جیسے مسائل کا بھی حل پیش کرتا ہے کیونکہ اس میں ریئل ٹائم معلومات کی ترسیل ممکن ہے۔
مستقبل میں اس میں دیگر ڈیٹا بیسز سے روابط اور منشیات سے جڑے مالی جرائم کی نگرانی کے فیچرز شامل کیے جانے کا امکان ہے جس میں برطانیہ کا تعاون جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسدادِ منشیات فورس برطانیہ پاکستان ڈیجیٹل کیس مینجمنٹ سسٹم.ذریعہ: WE News
کلیدی لفظ: انسداد منشیات فورس برطانیہ پاکستان ڈیجیٹل کیس مینجمنٹ سسٹم اے این ایف کے لیے
پڑھیں:
وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
وزیراعظم شہباز شریف نے پی ٹی وی کے انگریزی چینل ‘پاکستان ٹی وی ڈیجیٹل’ کا افتتاح کیا جس کے بعد چینل کی باقاعدہ نشریات کے آغاز ہوا۔
اس موقع پر وفاقی وزیراطلاعات و نشریات عطاللہ تارڑ اور وفاقی سیکرٹری اطلاعات و نشریات عنبرین جان سمیت اعلی ٰحکام بھی موجود تھے۔
پرائم منسٹر ہاؤس کی جانب سے جاری بیان کے مطابق وزیر اعظم نے نئے قائم کردہ ٹی وی چینل کے مختلف شعبوں کا دورہ کرکے کام کرنے والے اسٹاف سے ملاقات کی۔
یہ بھی پڑھیے: حکومت نے پی ٹی وی کے لیے 11 ارب روپے کی سبسڈی منظور کر لی
اس موقع پر وزیر اعظم کا کہنا تھا کہ بیرونی بیانیے کی جنگ میں ا ن کا کردار انتہائی اہم ہے، ڈیجیٹل چینل کے آغاز کا مقصد حقیقی خبریں فراہم کرتے ہوئے پاکستان کے بارے میں ہونے والے پروپیگنڈے کا موثر جواب دینا ہے۔
اپنے دورے کے دوران وزیراعظم نے پاکستان ٹی وی ڈیجیٹل کی نشریات کے لیے اپنا پہلا انٹرویو بھی ریکارڈ کرایا، ان کا کہنا تھا کہ ہم امن اور خوشحالی چاہتے ہیں۔ آج سے ایک دہائی بعد میں پاکستان کو معاشی طور پر خوشحال دیکھنا چاہتا ہوں۔
اس موقع پر وفاقی وزیر اطلاعات و نشریات عطااللہ تارڑ نے وزیر اعظم کو پاکستان ٹی وی ڈیجیٹل کے بارے میں بریفنگ دیتے ہوئے بتایا کہ یہ چینل عالمی ناظرین کو پاکستان کے لیے ایک فعال اور مستند آواز فراہم کرنے، معلومات کے تضاد کو ختم کرنے اور عوامی سفارت کاری کے لیے انگریزی زبان کے ایک پلیٹ فارم کے طور پر کام کرے گا۔
یہ بھی پڑھیے: پی ٹی وی میں نام کی تختی بحال کرنے پر فواد چوہدری عطاتارڑ کے شکرگزار
انہوں نے کہا کہ اس پلیٹ فارم کا اسٹریٹجک مقصد پاکستان کی جانب سے دنیا تک سب سے پہلے اپنی خبر اور نکتہ نظر پہنچانا ہے، یہ چینل اندرون ملک رپورٹنگ کو مربوط جبکہ فری لانسرز کے ایک عالمی نیٹ ورک کے ساتھ شراکت داری کرتے ہوئے بروقت ، تصدیق شدہ اور اعلیٰ معیار کی کوریج کو یقینی بنائے گا۔
واضح رہے کہ پاکستان ڈیجیٹل سیٹیلائٹ اور ڈیجیٹل پلیٹ فارمز پر 24 گھنٹے نشریات پیش کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹی وی ڈیجیٹل پاکستان ٹیلی وژن پی ٹی وی
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام