اسرائیل پر کھیلوں کے عالمی مقابلوں میں حصہ لینے پر پابندی عائد کی جائے؛ اسپین
اشاعت کی تاریخ: 12th, September 2025 GMT
اسپین کی وزیرِ کھیل پیلار الیگریا نے اسرائیل پر کھیلوں کے مقابلے میں حصہ لینے پر پابندی عائد کرنے کا مطالبہ کیا ہے۔
عالمی خبر رساں ادارے کے مطابق ہسپانوی وزیر کھیل نے کہا ہے کہ اسرائیلی ٹیموں پر بھی بین الاقوامی کھیلوں میں اُسی طرح پابندی عائد کی جائے جیسے 2022 میں روسی ٹیموں پر کی گئی تھی تاکہ دوہرے معیار کا خاتمہ ہوسکے۔
الیگریا نے مزید کہا کہ غزہ میں بچوں اور نومولود بچوں کی بھوک سے اموات، اسپتالوں کی تباہی اور 60 ہزار سے زائد افراد کی ہلاکت کے بعد کھیلوں کی دنیا کو بھی ایک واضح مؤقف اپنانا چاہیے۔‘
الیگریا نے ایک ریڈیو انٹرویو میں کہا کہ یہ سمجھنا مشکل ہے کہ ایک طرف روسی ٹیموں پر مکمل پابندی لگا دی گئی تھی اور دوسری طرف اسرائیلی ٹیموں کو شرکت کی اجازت دی جا رہی ہے، حالانکہ یہاں بھی بڑے پیمانے پر قتلِ عام اور نسل کشی ہو رہی ہے۔
انھوں نے مزید کہا کہ جیسے روسی کھلاڑی صرف غیر جانبدار پرچم کے تحت اور بغیر قومی ترانے کے کھیلوں میں شریک ہوئے، ویسا ہی اصول اسرائیل پر بھی لاگو ہونا چاہیے۔
خیال رہے کہ اسپین کے سائیکلنگ ایونٹ ویولٹا ا اسپانیا میں اسرائیل-پریمیئر ٹیک ٹیم کی شمولیت کے خلاف بڑے پیمانے پر احتجاج بھی ہوا ہے۔
جس پر ہسپانوی وزیر کھیل نے کہا کہ کھیل دنیا سے الگ نہیں ہو سکتا۔ جو احتجاج ہم دیکھ رہے ہیں، وہ عوامی جذبات کی عکاسی ہے۔یاد رہے کہ جب روس نے یوکرین پر حملہ کیا تھا تو نسل کشی اور قتل عام کے الزامات کے تحت روس پر بھی کھیلوں کی پابندی عائد کی گئی تھی۔
.
ذریعہ
ذریعہ: Express News
کلیدی لفظ: پابندی عائد اسرائیل پر کہا کہ
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی