چارلی کرک کے مبینہ قاتل کو حراست میں لے لیا گیا، صدر ٹرمپ کا اعلان
اشاعت کی تاریخ: 12th, September 2025 GMT
امریکی صدر ڈونلڈ ٹرمپ نے کہا ہے کہ قدامت پسند رہنما اور ان کے قریبی اتحادی چارلی کرک کے مبینہ قاتل کو پولیس نے حراست میں لے لیا ہے۔ ٹرمپ کے مطابق مشتبہ شخص نے خود کو حکام کے حوالے کر دیا۔
صدر ٹرمپ نے فوکس نیوز سے گفتگو میں کہا کہ وہ اب ہماری تحویل میں ہے۔ کسی بہت قریبی شخص نے ہی اسے پولیس کے حوالے کیا۔ انہوں نے بتایا کہ اس میں ایک پادری، ایک امریکی مارشل اور مشتبہ شخص کا والد شامل تھے۔
رپورٹس کے مطابق حملہ آور ازخود پولیس ہیڈکوارٹر پہنچا اور وہاں گرفتاری دی۔ صدر ٹرمپ نے کہا کہ اگرچہ اسے حراست میں لے لیا گیا ہے لیکن حالات میں تبدیلی بھی ممکن ہے۔
مزید پڑھیں: امریکا میں چارلی کرک کی ہلاکت؛ سابق روسی صدر نے الزام یوکرین نواز لبرلز پر دھر دیا
یوٹا کے حکام صبح 9 بجے (امریکی وقت) ایک پریس کانفرنس کریں گے، جس میں گورنر اسپینسر کاکس، ایف بی آئی ڈائریکٹر کاش پٹیل اور دیگر اعلیٰ حکام شریک ہوں گے۔
31 سالہ چارلی کرک کو بدھ کے روز یوٹا ویلی یونیورسٹی میں تقریر کے دوران نشانہ بنایا گیا تھا۔ وہ گولی لگنے کے بعد اسٹیج پر گر گئے اور موقع پر ہی ہلاک ہوگئے۔
عینی شاہدین کے مطابق وہ ’ٹرانس جینڈر شوٹرز اور ماس شوٹرز‘ سے متعلق سوال کا جواب دے رہے تھے کہ اچانک فائرنگ ہوئی۔
تحقیقات کے مطابق حملہ آور نے یونیورسٹی کی چھت سے قریباً 200 گز کے فاصلے سے بولٹ ایکشن رائفل سے گولی چلائی اور موقع سے فرار ہوگیا۔
مزید پڑھیں: چارلی کرک کے قاتل کی تلاش ، اطلاع دینے والے کو کتنا انعام ملے گا؟
ایف بی آئی نے نوجوان مشتبہ شخص کی تصاویر جاری کی تھیں اور اطلاع دینے پر ایک لاکھ ڈالر انعام رکھا تھا۔ بعد ازاں اس کی رائفل قریبی جنگل سے برآمد کی گئی۔
امریکی نائب صدر جے ڈی وینس نے کرک کی میت کو ایئر فورس ٹو کے ذریعے ایریزونا منتقل کیا۔ صدر ٹرمپ نے اس قتل کو سیاسی قتل قرار دیتے ہوئے کہا کہ وہ چارلی کرک کے جنازے میں شرکت کریں گے اور انہیں صدارتی میڈل آف فریڈم سے نوازا جائے گا۔
یونیورسٹی میں طلبا نے شمعیں روشن کرکے کرک کو خراج عقیدت پیش کیا اور واقعے پر شدید صدمے کا اظہار کیا۔ یونیورسٹی تاحال بند ہے جبکہ ایف بی آئی نے عوام سے مزید معلومات فراہم کرنے کی اپیل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
charlie Media امریکی صدر ڈونلڈ ٹرمپ چارلی کرک مبینہ قاتل.
ذریعہ
ذریعہ: WE News
کلیدی لفظ: امریکی صدر ڈونلڈ ٹرمپ چارلی کرک مبینہ قاتل چارلی کرک کے کے مطابق
پڑھیں:
ٹرمپ انتظامیہ نے 60 تجارتی شراکت داروں پر نئے ٹیرف عائد کر دیئے
واشنگٹن (اُردو پوائنٹ اخبارتازہ ترین - اے پی پی۔ 24 جولائی2026ء) امریکی صدر ڈونلڈ ٹرمپ کی انتظامیہ نے یورپی یونین جیسے گروپوں اور ممالک سمیت 60 تجارتی شراکت داروں سے درآمد ہونے والی مصنوعات پر 10 اور 12.5 فیصد کے نئے ٹیرف نافذ کر دیئے۔ برطانوی خبر رساں ادارے رائٹرز کے مطابق امریکی تجارتی نمائندے جیمی سن گریئر نے بیان میں کہا ہےکہ نئی ڈیوٹیز امریکی تجارتی قانون 1974 کے سیکشن 301 کے تحت نافذ کی گئی ہیں اور ان کا اطلاق امریکی درآمدات کے تقریباً 99.4 فیصد حصے پر ہوگا، تاہم تیل و گیس، کھاد اور بعض غذائی اشیاء سمیت متعدد مصنوعات کو اس سے مستثنیٰ رکھا گیا ہے۔ان ممالک میں یورپی یونین،جاپان، جنوبی کوریا، تائیوان، سوئٹزرلینڈ، کینیڈا، بھارت ، برطانیہ، میکسیکو اور دیگر شامل ہیں۔(جاری ہے)
جیمی سن گریئر نے کہا کہ امریکا تقریباً ایک صدی سے جبری مشقت سے تیار کردہ مصنوعات کی درآمد پر پابندی عائد کیے ہوئے ہے اور اس پر سختی سے عمل درآمد کرتا ہے۔ اب وقت آ گیا ہے کہ امریکا کے تجارتی شراکت دار بھی ایسے ہی موثر اقدامات کریں۔
امریکا نے ارجنٹائن، بنگلہ دیش، برطانیہ، کمبوڈیا، کینیڈا، ایکواڈور، ایل سلواڈور، گوئٹے مالا، ہونڈوراس، بھارت، انڈونیشیا، اردن، ملائیشیا، میکسیکو ،سری لنکا، ٹرینیڈاڈ اینڈ ٹوباگو سمیت متعدد ممالک پر 10 فیصد ٹیرف عائد کیا ہے۔ دوسری جانب یورپی یونین، تائیوان، جاپان، جنوبی کوریا اور سوئٹزرلینڈ پر پہلے سے موجود درآمدی محصولات کو مدنظر رکھتے ہوئے مجموعی ٹیرف 10 یا 12.5 فیصد مقرر کیا گیا ہے جبکہ باقی 38 ممالک پر 12.5 فیصد شرح نافذ کی گئی ہے جن میں چین اور ویتنام بھی شامل ہیں۔ امریکا کے اس اقدام پر متعدد ممالک نے فوری ردِعمل دیتے ہوئے احتجاج کیا۔ یورپی یونین کی خارجہ امور کی سربراہ کاجا کیلس نے کہا کہ یورپی بلاک اس اقدام کو ایک غیر متوقع دھچکا سمجھتا ہے اور امریکا کی جانب سے پیش کی گئی اس کی توجیہ ناقابلِ فہم ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی