‘اپنے ملک واپس چلی جاؤ،’ برطانیہ میں بھارتی خاتون کے ساتھ زیادتی اور نسل پرستی کا واقعہ
اشاعت کی تاریخ: 13th, September 2025 GMT
برطانیہ کے علاقے اولڈبیری میں ایک دلخراش واقعے میں 20 برس کی ایک سکھ بھارتی خاتون کو 2 افراد نے زیادتی کا نشانہ بنایا اور اس دوران نسل پرستانہ جملے کستے ہوئے کہا کہ وہ اپنے ملک واپس چلی جائے۔
ویسٹ مڈلینڈز پولیس کے مطابق یہ حملہ نسلی بنیادوں پر مشتمل قرار دیا جا رہا ہے۔ خاتون نے پولیس کو بتایا کہ ملزمان نے نہ صرف زیادتی کی بلکہ اسے گالیاں بھی دیں۔ پولیس نے کہا کہ جائے وقوعہ سے شواہد اکٹھے کیے جا رہے ہیں اور سی سی ٹی وی و فرانزک تحقیقات جاری ہیں۔
یہ بھی پڑھیے: نسل پرستانہ زبان استعمال کرنے پر جنوبی افریقا کے رکن پارلیمنٹ معطل
برمنگھم لائیو کے مطابق دونوں مشتبہ افراد گورے ہیں؛ ایک نے سر منڈوایا ہوا ہے اور وہ سیاہ سویٹ شرٹ پہنے ہوئے تھا جبکہ دوسرا سرمئی رنگ کی قمیض میں ملبوس تھا۔
یہ واقعہ سکھ برادری میں شدید غم و غصے کا باعث بنا ہے۔ پولیس کے ایک اعلیٰ افسر نے کہا کہ کمیونٹی کا ردِعمل قابل فہم ہے اور یقین دلایا کہ علاقے میں گشت بڑھا دیا جائے گا۔
برطانوی رکن پارلیمنٹ پریت کور گل نے واقعے کی شدید مذمت کرتے ہوئے کہا کہ حالیہ دنوں میں کھلی نسل پرستی میں اضافہ تشویشناک ہے۔ انہوں نے کہا کہ یہ انتہائی سنگین تشدد کا واقعہ ہے جو نسلی نفرت پر مبنی ہے۔ حملہ آوروں نے اسے بتایا کہ وہ یہاں کی نہیں ہے۔ لیکن حقیقت یہ ہے کہ وہ یہاں کی ہے اور ہر برادری کو برطانیہ میں محفوظ، معزز اور محترم محسوس کرنے کا حق ہے۔ نسل پرستی اور خواتین دشمنی کی اس ملک میں کوئی جگہ نہیں۔
یہ بھی پڑھیے: غلاموں کی تجارت ختم لیکن افریقی النسل افراد تعصب کا اب بھی شکار، اقوام متحدہ
اسی طرح رکن پارلیمنٹ جس اَتھوال نے اس حملے کو گھناؤنا، نسل پرستانہ اور خواتین مخالف واقعہ قرار دیا اور کہا کہ یہ واقعہ ملک میں بڑھتی ہوئی نسلی کشیدگی کا نتیجہ ہے، اور اب ایک نوجوان عورت ساری زندگی کے لیے صدمے کا شکار ہو گئی ہے۔
یہ نفرت انگیز جرم اس سے قبل پیش آنے والے واقعے کی کڑی ہے، جب گزشتہ ماہ وولورہیمپٹن میں 3 نوعمر لڑکوں نے 2 بزرگ سکھ مردوں پر حملہ کیا تھا۔ اس دوران دونوں بزرگ زمین پر گر گئے اور ایک لڑکا انہیں بار بار لاتوں سے مارتا رہا۔ حملے کے دوران بزرگوں کی پگڑیاں بھی گر گئیں تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ زیادتی سکھ.
ذریعہ
ذریعہ: WE News
کلیدی لفظ: برطانیہ زیادتی سکھ کہا کہ
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ