ٹک ٹاک معاہدہ، بائٹ ڈانس کو امریکی آپریشنز میں بورڈ سیٹ مل گئی
اشاعت کی تاریخ: 21st, September 2025 GMT
امریکا اور چین کے درمیان ہونے والے معاہدے کے تحت ٹک ٹاک کی امریکی شاخ کے بورڈ میں سات میں سے ایک رکن بائٹ ڈانس منتخب کرے گا، جبکہ باقی چھ نشستیں امریکی ارکان کے پاس ہوں گی۔
خبر رساں ایجنسی رائٹرز کے مطابق سابق امریکی صدر ڈونلڈ ٹرمپ 170 ملین امریکی صارفین رکھنے والی اس ویڈیو ایپ پر پابندی سے بچانے کی کوشش کر رہے ہیں۔ امریکی کانگریس نے 2024 میں قانون منظور کیا تھا جس کے تحت اگر بائٹ ڈانس نے جنوری 2025 تک امریکی اثاثے فروخت نہ کیے تو ٹک ٹاک کو بند کر دیا جائے گا۔
یہ بھی پڑھیں: ٹک ٹاک کا امریکی آپریشن امریکیوں کے کنٹرول میں ہوگا، وائٹ ہاؤس
ٹرمپ نے اس قانون پر عمل درآمد دسمبر کے وسط تک مؤخر کر دیا ہے تاکہ امریکی سرمایہ کاروں کو شامل کرکے ٹک ٹاک کے امریکی اثاثے الگ کیے جائیں اور 2024 کے قانون کے مطابق مکمل ڈی ویسچر کے تقاضے پورے ہوں۔
رواں ہفتے ہونے والی پیش رفت کو امریکا اور چین کے درمیان مہینوں سے جاری بات چیت میں ایک نادر پیش رفت قرار دیا جا رہا ہے، جس کا مقصد تجارتی کشیدگی کو کم کرنا ہے جس نے عالمی منڈیوں کو غیر یقینی کا شکار بنا رکھا تھا۔
یہ بھی پڑھیں: ٹک ٹاک کی ملکیت کا معاملہ، امریکا اور چین میں فریم ورک ڈیل طے پاگئی
ٹرمپ نے جمعے کو کہا کہ ان کی چینی صدر شی جن پنگ سے فون پر بات ہوئی ہے اور ٹک ٹاک کے معاملے پر پیش رفت ہوئی ہے۔ دونوں رہنما چھ ہفتے بعد آمنے سامنے ملاقات بھی کریں گے۔ تاہم بیجنگ نے پیش رفت کی تفصیلات واضح نہیں کیں۔
عہدیدار کے مطابق، ٹرمپ 2024 کے قانون پر عمل درآمد کی حالیہ مہلت کو مزید 120 دن کے لیے بڑھا دیں گے، جس کا مطلب ہے کہ معاہدے کو حتمی شکل دینے کی اگلی ڈیڈلائن اپریل میں ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا بائٹ ڈانس ٹک ٹاک چین.
ذریعہ
ذریعہ: WE News
کلیدی لفظ: امریکا بائٹ ڈانس ٹک ٹاک چین بائٹ ڈانس پیش رفت ٹک ٹاک
پڑھیں:
بلوچستان میں انٹیلی جنس بیسڈ آپریشنز، 17 دہشتگرد ہلاک
سٹی 42: بلوچستان میں انٹیلی جنس بیسڈ آپریشنز، 17 دہشتگرد ہلاک ہوئے ۔
آئی ایس پی آر کے مطابق سیکیورٹی فورسز کے مستونگ، نوشکی، ژوب، خضدار اور کیچ میں آپریشنز کیے گئے ۔ شدید فائرنگ کے تبادلے میں 17 دہشتگرد مارے گئے،
ہلاک دہشتگردوں کا تعلق فتنہ الہندوستان سے تھا، دہشتگردوں کے ٹھکانوں کو مؤثر کارروائی میں نشانہ بنایا گیا۔ہلاک دہشتگرد متعدد دہشتگرد کارروائیوں میں ملوث تھے،دہشتگردوں سے اسلحہ، گولہ بارود اور بڑی تعداد میں دھماکا خیز مواد برآمد ہوا۔ تیار شدہ آئی ای ڈیز بھی دہشتگردوں سے برآمد کر لی گئیں۔علاقوں میں کلیئرنس آپریشنز جاری کییے ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
آئی ایس پی آر کے مطابق عزمِ استحکام کے تحت انسداد دہشتگردی مہم پوری قوت سے جاری رہے گی،ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ