کراچی، میئر مرتضیٰ وہاب کا مختلف علاقوں کا دورہ
اشاعت کی تاریخ: 28th, September 2025 GMT
میئر کراچی بیرسٹر مرتضیٰ وہاب نے کہا ہے کہ کے ایم سی نے شہر کی 106 سڑکوں پر کام شروع کردیا ہے۔
کراچی کے مختلف علاقوں کا دورہ کرنے کے بعد میڈیا سے گفتگو میں مرتضیٰ وہاب نے کہا کہ ملیر کالا بورڈ کی سڑک بھی کے ایم سی نے تعمیر کی، کھوکھرا پار تک سڑک ہم نے بنوائی۔
انہوں نے کہا کہ ماڈل کالونی کی سڑک کے ایم سی تعمیر کررہی ہے۔ پریڈی اسٹریٹ کا کام آج مکمل ہوگا، شارع فیصل کے کچھ حصوں پر بھی کام ہوگا۔
ان کا مزید کہنا تھا کہ مضافات کی اندرونی سڑکوں پر بھی ترقیاتی کام جاری ہے۔دو ماہ میں شہر کی تمام سڑکوں کی بحالی کا کام مکمل کریں گے۔
مرتضیٰ وہاب نے کہا کہ کراچی والوں کو جواب دہ ہوں، شفافیت پر سمجھوتہ نہیں ہوگا۔
میئر کراچی نے مزید کہا کہ ایم کیو ایم کو پیغام ہے اسلام آباد سے کام نہیں ہوں گے۔ وزیر اعظم شہباز شریف ایک رات نہیں بلکہ کئی دن کراچی آئیں، وزیراعظم کراچی کے لیے فراخدلی دکھائیں۔
Post Views: 1.ذریعہ: Daily Mumtaz
پڑھیں:
اجتماع عام نظام ظلم کے خاتمے کا پیغام ثابت ہوگا، منعم ظفر
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے کہا ہے کہ پیپلز پارٹی کی صوبائی حکومت بدانتظامی، نااہلی اور کرپشن کا بدترین امتزاج بن چکی ہے، سندھ حکومت نے شہر کا انفرااسٹرکچر بہتر بنانے کے بجائے اہلِ کراچی پر ای چالان کے نام پر بھتہ مسلط کردیا ہے۔
امیر جماعت اسلامی کراچی نے کہا کہ حکومت شہریوں کو معیاری ٹرانسپورٹ فراہم کرنے میں ناکام رہی، لیکن چالان دبئی کے طرز پر عائد کردیے گئے ہیں جبکہ پچھلے 17 برسوں میں کراچی جیسے بڑے شہر کے لیے صرف 300 بسیں لائی گئیں، جس کے باعث 40 لاکھ سے زائد شہری موٹر سائیکل پر سفر کرنے پر مجبور ہیں۔
منعم ظفر خان نے کہا کہ کراچی ملک کی معاشی شہ رگ ہے جو قومی معیشت میں 60 فیصد سے زائد حصہ فراہم کرتا ہے، مگر بدقسمتی سے یہاں کے عوام کو بنیادی سہولیات تک میسر نہیں، جماعت اسلامی نے ای چالان کے خلاف سندھ ہائی کورٹ سے رجوع کیا ہے کیونکہ ایک ہی ملک میں دو نظام چل رہے ہیں، لاہور میں جہاں ایک جرمانہ 200 روپے ہے، وہی کراچی میں 5 ہزار کا لگا دیا گیا ہے، جو صریحاً ناانصافی ہے، انہوں نے امید ظاہر کی کہ عدالت عالیہ شہریوں کے حق میں فیصلہ دے گی۔
امیر جماعت اسلامی کراچی نے مزید کہا کہ دین اسلام ایک مکمل ضابطہ حیات ہے جو معیشت، معاشرت، سیاست اور اخلاقیات سمیت زندگی کے تمام پہلوؤں میں رہنمائی فراہم کرتا ہے، 21، 22 اور 23 نومبر کو مینارِ پاکستان پر ایک عظیم الشان اجتماع عام منعقد کیا جارہا ہے، جو نظامِ ظلم کے خاتمے اور اسلامی نظامِ عدل کے قیام کا پیغام ثابت ہوگا۔ انہوں نے اہل کراچی سے اپیل کی کہ وہ اس اجتماع میں اپنے اہل خانہ سمیت بھرپور شرکت کریں۔
انہوں نے کہا کہ دنیا کے بڑے شہروں میں مونو ریل اور ماس ٹرانزٹ نظام موجود ہیں، مگر کراچی کے شہری آج بھی چنگ چی جیسی سواریوں پر سفر کرنے پر مجبور ہیں۔ کریم آباد انڈر پاس تین سال گزرنے کے باوجود مکمل نہیں ہوا، ریڈ لائن منصوبہ بھی تاخیر کا شکار ہے، اور ناتھا خان برج اس سال پانچ بار ٹوٹ چکا ہے، جس سے عوام شدید اذیت میں مبتلا ہیں۔
انہوں نے مزید کہا کہ جماعت اسلامی کے زیرِ انتظام 9 ٹاؤنز میں محدود وسائل کے باوجود ترقی و خدمت کا سفر جاری ہے۔ جماعت اسلامی کے منتخب نمائندے عوامی سہولت کے منصوبوں میں مصروف ہیں، حتیٰ کہ کے ایم سی کی ذمے داریاں بھی جماعت اسلامی نبھا رہی ہے تاکہ عوام کو ریلیف فراہم کیا جاسکے۔ نیو کراچی میں 600 گلیوں کی تعمیر کا آغاز کیا جاچکا ہے جبکہ حیدری مارکیٹ کو ماڈل مارکیٹ میں تبدیل کرکے ضلع وسطی کے عوام کو بہترین سہولت فراہم کی گئی ہے۔
جرمنی : 10 مریضوں کو قتل کرنے کے الزام میں نرس کو عمر قید