سعودی عرب سے دفاعی معاہدہ برادرانہ رشتوں کا تسلسل ہے، وزیراعظم شہباز شریف
اشاعت کی تاریخ: 29th, September 2025 GMT
وزیراعظم شہباز شریف نے کہا ہے کہ پاکستان اور سعودی عرب کے درمیان حالیہ دفاعی معاہدہ دونوں برادر ممالک کی دہائیوں پرانی خواہش کی تکمیل ہے، جو کسی تیسرے ملک کے خلاف نہیں بلکہ باہمی اعتماد اور اخوت کی بنیاد پر طے پایا ہے۔
پاکستانی ہائی کمیشن لندن میں مقامی صحافیوں سے گفتگو کرتے ہوئے وزیراعظم نے کہا کہ سعودی عرب پاکستان کا برادر ملک ہے اور دونوں ممالک صدیوں پرانے روحانی و تاریخی رشتوں میں بندھے ہیں۔
وزیر اعظم شہباز شریف کے مطابق، یہ معاہدہ اس دیرینہ تعلق کو باضابطہ شکل دیتا ہے کہ ایک ملک کے خلاف جارحیت، دونوں ممالک کے خلاف جارحیت سمجھی جائے گی اور باہمی مشاورت کے ذریعے اس کا جواب دیا جائے گا۔
انہوں نے کہا کہ ہر مسلمان کے دل میں مکہ مکرمہ، مدینہ منورہ اور روضہ رسول ﷺ کی حرمت کا احترام رچا بسا ہے اور پاکستان اس حوالے سے سعودی عرب کے شانہ بشانہ کھڑا رہے گا۔
وزیراعظم نے اس موقع پر اپنے دورۂ امریکہ اور صدر ڈونلڈ ٹرمپ سے ملاقات کا ذکر کرتے ہوئے کہا کہ ان کے ساتھ گفتگو انتہائی خوشگوار اور تعمیری رہی۔
انہوں نے اعتراف کیا کہ پاک بھارت جنگ کے دوران اگر صدر ٹرمپ بروقت مداخلت نہ کرتے تو خطہ ناقابلِ تصور تباہی کا شکار ہوسکتا تھا۔
وزیراعظم نے بتایا کہ انہوں نے صدر ٹرمپ کو پاکستان اور بھارت کے درمیان جنگ بندی کے لیے ذاتی دلچسپی لینے پر شکریہ بھی ادا کیا ہے اور اس کردار کو امن عالم کے لیے ایک اہم قدم قرار دیا ہے۔
شہباز شریف کا مزید کہنا تھا کہ پاکستان نے معاشی استحکام حاصل کر لیا ہے اور اب ہدف پائیدار ترقی کی جانب بڑھنا ہے۔
ان کا کہنا تھا کہ حکومت غربت کے خاتمے، بے روزگاری میں کمی، سرمایہ کاری کے فروغ اور زرعی، معدنیات اور آئی ٹی کے شعبوں میں مواقع سے بھرپور فائدہ اٹھانے پر توجہ دے رہی ہے۔
وزیراعظم نے اس بات پر بھی زور دیا کہ پاکستان کی سیاسی اور عسکری قیادت ایک صفحے پر ہے اور ملکی مفاد سے متعلق تمام اہم امور پر ان کی مشاورت ہوتی ہے۔
انہوں نے کہا کہ دہشت گردی کے خاتمے کے لیے سیکیورٹی فورسز کی قربانیاں ناقابلِ فراموش ہیں اور یہ اس ضمن میں ان کا عزم ہمیشہ قائم رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان دفاعی معاہدہ سعودی عرب لندن ہائی کمیشن وزیر اعظم شہباز شریف.ذریعہ: WE News
کلیدی لفظ: پاکستان دفاعی معاہدہ ہائی کمیشن وزیر اعظم شہباز شریف شہباز شریف انہوں نے نے کہا کہا کہ ہے اور کے لیے
پڑھیں:
حماس کا بیان جنگ بندی کے لیے امید کی کرن،پاکستان ہمیشہ فلسطینی عوام کا ساتھ دیتا رہے گا، وزیراعظم محمد شہباز شریف
لاہور (اُردو پوائنٹ اخبارتازہ ترین - اے پی پی۔ 04 اکتوبر2025ء) وزیرِ اعظم محمد شہباز شریف نے ’’حماس‘‘کے بیان کو جنگ بندی کے لیے امید کی کرن قرار دیتے ہوئے کہا ہے کہ پاکستان فلسطین میں مستقل امن کے لیے دوست و برادر ممالک کے ساتھ مل کر کام کرتا رہے گا۔ ہفتے کو’’ ایکس‘‘ پر اپنے پیغام میں وزیر اعظم محمد شہباز شریف نے کہا کہ جب سے فلسطینی عوام کی نسل کشی شروع کی گئی ہے آج الحمدللہ ہم جنگ بندی کے سب سے زیادہ قریب ہیں۔ انہوں نے کہا کہ پاکستان ہمیشہ سے فلسطینی عوام کے ساتھ کھڑا رہا ہے اور ہمیشہ ان کا ساتھ دیتا رہے گا۔(جاری ہے)
وزیر اعظم نے قطر، سعودی عرب، متحدہ عرب امارات، ترکیہ، اردن، مصر اور انڈونیشیا کی قیادت کا شکریہ ادا کیا جنہوں نے مسئلہ فلسطین کے حل کے لیے اقوام متحدہ کی جنرل اسمبلی کے 80 ویں اجلاس کے موقع پر صدر ٹرمپ سے ملاقات کی۔ انہوں نے صدر ٹرمپ کا بھی شکریہ ادا کیا۔ وزیر اعظم نے کہا کہ حماس کی طرف سے جاری بیان جنگ بندی کے لیے امید کی کرن اور امن کو یقینی بنانے کے لیے ایک راستہ فراہم کرتا ہے جسے ہمیں دوبارہ بند ہونے کی اجازت نہیں دینی چاہیے۔ انہوں نے کہا کہ انشاء اللہ پاکستان فلسطین میں مستقل امن کے لیے اپنے تمام دوست و برادر ممالک کے ساتھ مل کر کام کرتا رہے گا۔\932
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت