حافظ نعیم الرحمن کا صمود فلوٹیلا پر اسرائیلی حملے کے خلاف آج ملک گیر احتجاج کا اعلان
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
251003-01-1
لاہور: امیر جماعت اسلامی پاکستان حافظ نعیم الرحمن منصورہ میں پریس کانفرنس کررہے ہیں
لاہور( نمائندہ جسارت) امیر جماعت اسلامی پاکستان حافظ نعیم الرحمن نے امریکی صدر ڈونلڈ ٹرمپ کے مجوزہ غزہ امن معاہدہ کو نوآبادیاتی نظام کی بحالی کا اعلان قرار دیتے ہوئے حکومت پاکستان پر واضح کیا ہے کہ اس کے اسرائیلی ریاست کو تسلیم کرنے کے کسی مذموم ارادے کی ہر سطح پر اس طرح مزاحمت ہوگی کہ حکمران طبقہ عبرت کا نشان بن جائے گا۔ آزاد کشمیر میں مظاہرین کے جائز مطالبات کی حمایت کرتے ہیں، حکومت دانش مندی سے معاملہ حل کرے۔ منصورہ میں پریس کانفرنس سے خطاب کرتے ہوئے انہوں نے مطالبہ کیا کہ حکومت فی الفور واضح اعلان کرے کہ پاکستان واحد فلسطینی ریاست کا قیام چاہتا ہے۔ ملک میں جو کوئی بھی قائداعظم اور پچیس کروڑ عوام کے اصولی موقف کے خلاف جائے گا وہ مظلوموں کے خون کا سودا کرے گا اور اسرائیل کا ہمدرد تسلیم کیا جائے گا۔ نائب امیر لیاقت بلوچ، سیکرٹری جنرل امیر العظیم اور سیکرٹری اطلاعات شکیل ترابی بھی اس موقع پر موجود تھے۔ امیر جماعت اسلامی نے صمود فلوٹیلا پر اسرائیلی نیوی کے حملہ اور امدادی کارکنوں کو یرغمال بنانے کی شدید الفاظ میں مذمت کی اور فلسطین سے اظہار یکجہتی، ٹرمپ کے غزہ امن معاہدہ اور فلوٹیلا پر اسرائیلی حملہ کے خلاف جمعہ کو ملک بھر میں احتجاج کا اعلان کیا۔ جماعت اسلامی ہفتہ 4اکتوبر کو لاہور اور5 اکتوبر کو کراچی میں فلسطین ملین مارچ کا انعقاد کرے گی، 7 اکتوبر کو اسلام آباد میں مارچ اور ملک گیر احتجاج ہوگا۔ حافظ نعیم الرحمن نے کہا کہ وزیراعظم شہباز شریف کی جانب سے ٹرمپ منصوبہ پیش کیے جانے سے قبل ہی اس کی حمایت کا اعلان خوشامد اور چاپلوسی کی نئی مثال ہے۔ حکمران ابراہم اکارڈ کی جانب پیش رفت کرنے سے گریز کریں اور قائدین اسلامیان برصغیر علامہ اقبال، قائداعظم محمد علی جناح اور دیگر کے فلسطین اور اسرائیل سے متعلق 100 سالہ موقف کے خلاف جانے کی جرآت نہ کریں۔ انہوں نے کہا شہباز شریف کے اعلان کے بعد نائب وزیراعظم اسحق ڈار وضاحتیں پیش کررہے ہیں، جو ناکافی ہیں، حکومت فوری اعلان کرے کہ پاکستان صرف اور صرف فلسطینی ریاست چاہتا ہے۔ حافظ نعیم الرحمن نے کہا کہ جماعت اسلامی حماس کو جمہوری اور قانونی مزاحمتی تحریک تسلیم کرتی ہے۔ حماس کو غیر مسلح کردیا گیا تو فلسطینیوں کا وہی حال ہوگا جو سربوں نے بوسنیائی مسلمانوں کا کیا تھا۔ انہوں نے کہا کہ جماعت اسلامی امریکی امن معاہدہ پر حماس کے موقف کی تائید کریگی۔ فلسطین پر اصولی موقف سے دستبرداری کا مطلب ہوگا کہ پاکستان کشمیر پر قومی موقف پر بھی سودے بازی کرلے گا، مسئلہ فلسطین و کشمیر ایک ہی طرح کی صورتحال کی عکاسی کرتے ہیں، دونوں مسائل پر اقوام متحدہ کی واضح قراردادیں موجود ہیں۔ امیر جماعت اسلامی نے آزاد کشمیر میں جاری صورتحال پر افسوس کا اظہار کیا اور حکومت سے مطالبہ کیا کہ مظاہرین کے جائز مطالبات تسلیم کرے۔ انہوں نے مظاہرین سے بھی اپیل کی کہ اگرچہ سیاسی مزاحمت ان کا حق ہے اور انہیں پرامن طریقہ سے یہ مزاحمت جاری رکھنی چاہیے تاہم تشدد سے گریز کیا جائے، اس سے نہ صرف عوامی تحریک کو نقصان پہنچے گا بلکہ کشمیر کا مقدمہ بھی کمزور ہوگا۔ انہوں نے کہا کہ جماعت اسلامی مظاہرین کے جائز مطالبات کی حمایت کرتی ہے تاہم انھیں بھی اپنی صفوں کا جائزہ لینا چاہیے کہ کوئی ملک دشمن اپنے مذموم مقاصد کے حصول کے لیے گُھس نہ گیا ہو۔مظاہرین کا کشمیری پناہ گزینوں کی بارہ مخصوص سیٹیں ختم کرنے کا مطالبہ بھی کسی حد تک درست ہے، ہم نے امیر جماعت اسلامی آزاد کشمیر ڈاکٹر مشتاق خان اور حکومتی وزراء سے رابطے کیے ہیں اور مسئلہ کے حل کے لیے کوششیں کررہے ہیں۔ حکومت اور کشمیری عوام ہر ایسے اقدام سے باز رہیں جس سے شکست خوردہ ہندوستان فائدہ اٹھائے۔ایک سوال کے جواب میں ان کا کہنا تھا کہ بے نظیر انکم سپورٹ پروگرام کرپشن کا گڑھ ہے، پی ڈی ایم جماعتیں اور خاص طور پر ن لیگ اور پیپلز پارٹی نورا کشتی کی سیاست کررہی ہیں جس کی عوام کو مکمل سمجھ ہے۔
ذریعہ: Jasarat News
کلیدی لفظ: امیر جماعت اسلامی حافظ نعیم الرحمن نے کہا کہ کا اعلان انہوں نے کے خلاف
پڑھیں:
چہرے نہیں ‘نظام بدلنے سے قوم کی تقدیر بدلے گی‘ منعم ظفر خان
data-id="863a0a8" data-element_type="widget" data-widget_type="theme-post-content.default">
251118-01-8
کراچی (اسٹاف رپورٹر) امیر جماعت اسلامی کراچی منعم ظفر خان نے کہا ہے کہ بدل دو نظام کے سلوگن کے تحت مینار پاکستان کا اجتماع عام تاریخ رقم کرے گا۔ جس میں امیر جماعت اسلامی حافظ نعیم الرحمن انجمن غلامان امریکا سے نجات سمیت ملکی ترقی عوامی خوشحالی کا ایجنڈا پیش کریں گے، جھنڈے اور چہرے بدلنے سے نہیں بلکہ نظام بدلنے سے ہی ملک و قوم کی تقدیر بدل سکتی ہے ، جماعت اسلامی ملک کے مکمل نظام کو تبدیل کرنے کی جدوجہد کررہی ہے۔یہ اجتماع امت مسلمہ میں دینی وفکری بیداری اور اجتماعی نظم و ضبط کے فروغ کا بھی اہم ذریعہ ہے ، اجتماع عام اسلامیان پاکستان کے لیے امید کی کرن ہے ، اس اجتماع میں کارکنان کی ازسر نو صف بندی کے ساتھ ساتھ انقلاب کی راہ پر گامزن لاکھوں کارکنان ایک اور سنگ میل عبور کریں گے۔ نئے حوصلے نئے عزم کے ساتھ بدی کی قوتوں کے مقابلے میں صف بستہ ہوں گے۔ یہ اجتماع محض ایک سیاسی یا تنظیمی اجتماع نہیں بلکہ امت مسلمہ کی بیداری ، شعور اور مزاحمتی فکر کا مظہر ہے ،یہ اجتماع پاکستان میں عدل و انصاف کے قیام امت مسلمہ کے اتحاد اور فلسطین و کشمیر کے مظلوموں کے لیے بیداری و مزاحمت کی نئی لہر کا نقطہ آغاز بنے گا۔ اور قرآن و سنت کی روشنی میں پاکستان کو ایک حقیقی اسلامی فلاحی ریاست بنانے کی جدوجہد میں سنگ میل ثابت ہوگا۔ان خیالات کا اظہار انہوں نے جماعت اسلامی ضلع سائٹ غربی کے تحت فرنٹئیرکالونی سیوڑھی بابا روڈ پر منعقدہ’’ بدل دو نظام ممبرز کنونشن‘‘ سے خطاب کرتے ہوئے کیا ۔اس موقع پر نائب امیرجماعت اسلامی کراچی محمد اسحاق خان ، امیر ضلع سائٹ غربی ڈاکٹر نورالحق ، قیم ضلع راشد خان ، نائب امیر ضلع نذرمحمد برکی ،ناظم علاقہ فرنٹئیر عطاالرحمن و دیگر قائدین نے بھی خطاب کیا۔ قبل ازیں کنونشن آمد پرمعززین علاقہ نے امیر جماعت اسلامی کراچی منعم ظفر خان کا شاندار استقبال کیااور ان پر پھولوں کی پتیاں نچھاور کیں۔ نائب امیر کراچی محمد اسحاق خان نے کہا کہ تمام ذمے داران اجتماع عام میں زیادہ سے زیادہ افراد کی شرکت یقینی بنائیں یہ اجتما ع مظلوم عوام کی آواز اور ظالموں کے خلاف اعلان جہاد ہے ۔ اجتماع میں کراچی کی حاضری کو مثالی بنانے کے لیے سب کو ملکر جدوجہد کرنا ہوگی ۔ امیر ضلع ڈاکٹر نورا لحق نے کہا کہ ضلع سائٹ غربی سے بہت بڑا قافلہ اجتماع عام میں شرکت کے لیے تیار ہے ، کارکنان گھر گھر دعوت پہنچانے میں مصروف ہیں اور ضلع بھر میں دعوتی کیمپ لگائے جا چکے ہیں جہاں سے اجتماع عام میں شرکت کی دعوت کا سلسلہ جاری ہے۔
کراچی (اسٹاف رپورٹر) جماعت اسلامی ضلع کیماڑی کے تحت اتحاد ٹاؤن، جھنگوی چوک پر ایک بڑے ممبرز کنونشن کا انعقاد کیا گیا، جس میں حالیہ ممبر سازی مہم کے دوران بننے والے نئے ممبران، حامیوں اور کارکنان نے بھرپور شرکت کی۔ امیر جماعت اسلامی کراچی منعم ظفر خان کی آمد پر شرکا نے ان کا بھرپور استقبال کیا۔ کنونشن سے امیر جماعت اسلامی کراچی منعم ظفر خان، امیر جماعت اسلامی ضلع کیماڑی فضل احد اور صدر جے آئی یوتھ ضلع کیماڑی خالد خان یوسف زئی ، بلال جمیل اور دیگرنے بھی خطاب کیا۔ منعم ظفر خان نے اپنے خطاب میں کہا کہ کراچی بھر میں جماعت اسلامی کے 9 ٹاؤنز خدمت اور دیانت کا نیا باب رقم کر رہے ہیںلیکن بدقسمت بلدیہ ٹاؤن میں پارکوں اور کھیل کے میدانوں کو آباد کرنے کے بجائے ان پر قبضہ کیا جا رہا ہے۔ انہوں نے سخت الفاظ میں کہا کہ جماعت اسلامی اس قبضہ مافیا کو بچوں کے کھیل کے میدانوں اور تعلیمی اداروں پر قبضہ کرنے نہیں دے گی۔ پیپلز پارٹی اور ایم کیو ایم میں اسٹیبلشمنٹ کی اے ٹیم اور اے پلس ٹیم بننے کا مقابلہ چل رہا ہے جبکہ جماعت اسلامی ان کو دعوت دیتی ہے کہ وہ آئیں اور خدمت کے میدان میں ہمارا مقابلہ کریں۔ انہوں نے کہا کہ حکمران ایک کے بعد ایک آئینی ترامیم پاس کر کے اپنے اقتدار کو طول دینے اور اپنی کرپشن کو چھپانے کی کوشش کر رہے ہیں، مگر ان میں سے ایک ترمیم کا بھی تعلق عوام کو ریلیف دینے سے نہیں۔ منعم ظفر خان نے کہا کہ اتحاد ٹاؤن سمیت پورے کراچی پر پیپلز پارٹی گزشتہ 17 سال سے قابض ہے لیکن آج بھی اتحاد ٹاؤن کی سڑکیں موہنجو دڑو کا منظر پیش کر رہی ہیں۔ پانی ناپید اور بجلی کی لوڈ شیڈنگ نے عوام کی کمر توڑ دی ہے۔ عوام کے حالات بدلنے کے لیے اب نظام کی تبدیلی ناگزیر ہو چکی ہے اور اسی نظام کو بدلنے کے لیے جماعت اسلامی اجتماعِ عام لاہور کا انعقاد کرنے جا رہی ہے۔ انہوں نے نوجوانوں پر زور دیا کہ وہ اس گلے سڑے نظام کو بدلنے کی جدوجہد میں ہمارا ساتھ دیں۔ امیر جماعت اسلامی ضلع کیماڑی فضل احد نے اپنے خطاب میں کہا کہ بدل دو نظام کی جدوجہد ایک انقلابی پیغام ہے۔ انہوں نے کہا کہ نوجوان مایوس ہو کر ڈگریاں جلا رہے ہیں اور ملک چھوڑ کر جا رہے ہیں، جس کا قصور ملک کا نہیں بلکہ ان قابض حکمرانوں اور ظالم اشرافیہ کا ہے، جنہیں اب گھر بھیجنے کی ضرورت ہے۔ موجودہ الیکشن کمیشن اور عدالتی نظام کبھی بھی شفاف اور نوجوانوں کی حکومت نہیں بنا سکتا۔ انہوں نے ممبران سے کہا کہ وہ جماعت اسلامی کے اس بدل دو نظام کے ایجنڈے کو آگے بڑھائیں اور مزید ممبر سازی کے ذریعے جماعت اسلامی کے ہاتھ مضبوط کریں۔ بلدیہ ٹاؤن، موریڑ و میربحر اور ماڑی پور ٹاؤن اس وقت کرپشن کا گڑھ بن چکے ہیں، قابض میئر کراچی مرتضیٰ وہاب جماعت اسلامی پر بے تُکے الزامات لگانے کے بجائے ان ٹاؤنز میں ڈیلیور کرنے کی کوشش کریں۔ انہوں نے کہا کہ مستحکم جماعت اسلامی اور مستحکم عوامی قوت اپنے حقوق حاصل کر کے رہے گی۔
امیر جماعت اسلامی کراچی منعم ظفر خان جماعت اسلامی ضلع کیماڑی کے تحت اتحاد ٹائون میں ممبرز کنونشن سے خطاب کررہے ہیں، امیر ضلع فضل احد و دیگر بھی موجود ہیں
بزدلانہ حملے دہشتگردی کے خطرے سے نمٹنے کے عزم کو کمزور نہیں کرسکتے:اسحق ڈ ار