گلوبل صمود فلوٹیلا پر اسرائیلی حملے کیخلاف بدین میں احتجاج و ریلی
اشاعت کی تاریخ: 4th, October 2025 GMT
data-id="863a0a8" data-element_type="widget" data-widget_type="theme-post-content.default">
بدین (رپورٹر )جماعت اسلامی بدین کی جانب سے صمود فلوٹیلا پر اسرائیلی جارحیت اور غزہ کے مسلمانوں سے اظہار یکجہتی اور ٹرمپ امن منصوبہ و سینیٹر مشتاق احمد کی گرفتاری کے خلاف بدین پریس کلب کے سامنے احتجاجی مظاہرہ مظاہرین کی اسرائیلی جارحیت اور نسل کشی کے خلاف شدید نعرے بازی، مشتاق احمد خان کی گرفتاری کی مذمت کی جماعت اسلامی پاکستان کے امیر حافظ نعیم الرحمان کی کال پر غزہ اور فلسطین پر وحشیانہ اسرائیلی جارحیت اور نسل کشی کے خلاف بدین پریس کلب تک احتجاجی ریلی نکالی گئی۔ مظاہرے میں شریک افراد نے اسرائیل اور امریکا کے خلاف سخت نعرے بازی کی اور مظلوم فلسطینیوں کے ساتھ یکجہتی کا اظہار کیا۔ مظاہرے سے جماعت اسلامی ضلع بدین کے امیر انجینئر سیدعلی مردان شاہ گیلانی نائب امیر ضلع اللہ بچایو ہالیپوٹہ ،جنرل سیکرٹری عبدالکریم بلیدی ،اسسٹنٹ سیکرٹری علی گل منصوری، مقامی امیر ایازلطیف سومرو اور دیگر نے شرکت کی اور مظاہرے سے خطاب کرتے ہوئے جماعت اسلامی ضلع بدین کے امیر انجینئرسیدعلی مردان شاہ گیلانی نے کہا کہ اسرائیل غزہ میں انسانیت کی نسل کشی کر رہا ہے جس کا عالمی برادری کو فوری نوٹس لینا چاہیے۔ ہم مظلوم فلسطینیوں کے ساتھ کھڑے ہیں اور اس ظلم کے خلاف آواز بلند کرتے رہیں گے۔ انہوںنے مشتاق احمد خان کی گرفتاری کی شدید مذمت کرتے ہوئے مطالبہ کیا کہ ان کی گرفتاری فوری طور ختم کرکے رہا کیا جائے۔ انہوں نے کہا کہ پرامن آواز کو دبانا غیر جمہوری عمل ہے۔ مظاہرین نے اقوام متحدہ سے مطالبہ کیا کہ وہ غزہ میں جنگ بندی کے لیے فوری ایکشن لے اور فلسطینی عوام کو انصاف فراہم کرے۔
ذریعہ: Jasarat News
کلیدی لفظ: جماعت اسلامی کی گرفتاری کے خلاف
پڑھیں:
گھارو: جے یو آئی کا صمود فلوٹیلا پر حملے کے خلاف احتجاجی مظاہرہ
data-id="863a0a8" data-element_type="widget" data-widget_type="theme-post-content.default">
گھارو(نمائندہ جسارت)گھارو میں قائد جمعیت مولانا فضل الرحمن کی اپیل پر فلسطین کے لیئے امداد لے جانے والے گلوبل صمود فلوٹیلا قافلہ کی گرفتاری اور غزہ پر اسرائیلی جارحیت کے خلاف جمعیت علمائے اسلام یونٹ گھارو کا احتجاج۔ تفصیلات کے مطابق آج بروز جمعہ بعد نماز ظہر جمعیت علمائے اسلام یونٹ گھارو کی جانب سے قائد تحریک مولانا فضل الرحمان کی اپیل پر فلسطینی مسلمان بھائیوں کے لیے امداد لیکر جانے والے گلوبل صمود فلوٹیلا جہازوں کو روکنے اور سینیٹر مشتاق احمد کی گرفتاری اور غزہ پر اسرائیلی جارحیت کے خلاف احتجاجی مظاہرہ کیا گیا اس موقع پر مظاہرین نے امریکی صدر ڈونلڈ ٹرمپ کی سرپرستی میں اسرائیلی جارحیت اور دھشت گردی کے خلاف پرجوش نعرے لگائے اور ڈونلڈ ٹرمپ کے نام نہاد معاہدے کو مسترد گلوبل صمود فلوٹیلا کے شرکاء کی بلاجواز گرفتاری کی شدید مذمت کی اس موقع پر مولانا سلمان فارسی، مولانا شکیل چانڈیو ،مولانا عبدالرشید و دیگر نے مظاہرین سے خطاب کرتے ہوئے کہا کہ گزشتہ رات اسرائیل نے گلوبل صمود فلوٹیلا کے اور اس میں شریک 44 ممالک کے 500 سے زائد افراد کو گرفتار کرلیا شرم کا مقام ہے ان لوگوں کے لیے جو امریکہ سے پینگیں بڑھاتے ہیں اور فلوٹیلا کے شرکاء کی گرفتاری کی مذمت نہیں کرتے۔
اٹلی کی ضد اور فلسطین