بھارت کے خلاف ورلڈ کپ میچ: ضابطہ اخلاق کی خلاف ورزی پر سدرا امین کی سرزنش
اشاعت کی تاریخ: 6th, October 2025 GMT
پاکستان ویمن کرکٹ ٹیم کی ٹاپ آرڈر بیٹر سدرا امین کو بھارت کے خلاف ایک روزہ ورلڈ کپ 2025 کے میچ کے دوران ضابطہ اخلاق کی خلاف ورزی پر انٹرنیشنل کرکٹ کونسل (آئی سی سی) کی جانب سے سرزنش کا سامنا کرنا پڑا۔
یہ بھی پڑھیں: پاکستان ویمنز ٹیم نے تھائی لینڈ کوشکست دے کر آئی سی سی ورلڈ کپ 2025 کے لیے کوالیفائی کرلیا
آئی سی سی کے مطابق سدرا امین نے ضابطہ اخلاق کے آرٹیکل 2.
یہ واقعہ ویمنز ورلڈ کپ 2025 کے دوران بھارت کے خلاف کھیلے گئے میچ کے 40ویں اوور کی آخری گیند پر پیش آیا جب سنیہا رانا کی گیند پر بھارتی کپتان ہرمن پریت کور نے انہیں اسکوائر لیگ پر کیچ کر کے پویلین کی راہ دکھائی۔ آؤٹ ہونے کے بعد سدرا امین نے مایوسی میں اپنا بیٹ زور سے زمین پر مارا۔
اس عمل پر میچ ریفری شاندری فرٹز نے انہیں ضابطے کی خلاف ورزی کا مرتکب قرار دیا اور سدرا نے اپنی غلطی کو تسلیم کرتے ہوئے تجویز کردہ سزا قبول کر لی جس کے بعد باضابطہ سماعت کی ضرورت نہیں پڑی۔
سدرا امین کے ڈسپلنری ریکارڈ میں ایک ڈی میرٹ پوائنٹ شامل کر دیا گیا ہے۔ یہ گزشتہ 24 ماہ کے دوران ان کی پہلی خلاف ورزی ہے۔
مزید پڑھیے: ویمنز ورلڈ کپ :پاک بھارت ٹاکرا، سیاسی کشیدگی اور ممکنہ ’ہینڈ شیک تنازع‘ نے میچ کو گھیر لیا
یہ الزام آن فیلڈ امپائرز لورین ایگن بیک اور نمالی پیریرا، تیسرے امپائر کیرن کلاستے اور چوتھی امپائر کِم کاٹن نے عائد کیا۔
یاد رہے کہ آئی سی سی کے قوانین کے مطابق لیول ون کی خلاف ورزی پر رسمی سرزنش، میچ فیس کا 50 فیصد تک جرمانہ اور ایک یا دو ڈی میرٹ پوائنٹس کی سزا دی جا سکتی ہے۔
پاکستانی اننگز کی واحد مزاحمتسدرا امین نے بھارت کے خلاف 248 رنز کے ہدف کے حصول کی کوشش میں شاندار 81 رنز کی اننگز کھیلی جو 106 گیندوں پر مشتمل تھی جس میں 9 چوکے اور ایک چھکا شامل تھا۔ یہ بھارت کے خلاف ایک روزہ میچوں میں چھکا لگانے والی پہلی خاتون بیٹر ہیں۔
مزید پڑھیں: بھارتی ہٹ دھرمی برقرار: ویمنز ورلڈ کپ کے میچ میں بھی بھارتی کپتان کا پاکستانی کپتان سے ہاتھ ملانے سے گریز
ان کے آؤٹ ہوتے ہی پاکستانی بیٹنگ لائن 43 اوورز میں صرف 159 رنز پر ڈھیر ہو گئی اور یوں قومی ٹیم کو 88 رنز کی بھاری شکست کا سامنا کرنا پڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی پاک بھارت ویمنز مقابلہ پاکستانی کرکٹر سدرا امین سدرا امین سدرا امین پر جرمانہذریعہ: WE News
کلیدی لفظ: پاک بھارت ویمنز مقابلہ پاکستانی کرکٹر سدرا امین بھارت کے خلاف کی خلاف ورزی کے دوران ورلڈ کپ
پڑھیں:
بھارتی ہٹ دھرمی برقرار: ویمنز ورلڈ کپ کے میچ میں بھی بھارتی کپتان کا پاکستانی کپتان سے ہاتھ ملانے سے گریز
ایشیا کپ میں کھیل کے جذبے سے دوری کے بعد بھارت نے ویمنز ورلڈ کپ کے دوران بھی اسپورٹس مین شپ کو نظر انداز کردیا۔ پاکستان اور بھارت کی خواتین ٹیموں کے درمیان کھیلے گئے میچ کے دوران ٹاس کے بعد دونوں ٹیموں کی کپتانوں کے درمیان مصافحہ نہ ہونا ایک بار پھر سوالات کو جنم دے گیا۔
یہ پہلا موقع نہیں اس سے قبل 14 ستمبر کو ہونے والے ایشیا کپ کے مینز میچ میں بھی پاکستانی کپتان سلمان علی آغا کو میچ ریفری اینڈی پائی کرافٹ نے آگاہ کیا تھا کہ بھارتی کپتان مصافحہ نہیں کریں گے۔
بھارتی ٹیم کے مسلسل رویے سے یہ تاثر مزید گہرا ہو رہا ہے کہ وہ میدان میں صرف کھیلنے نہیں بلکہ سیاست کا رنگ چڑھانے آتی ہے۔ ویمنز میچ میں بھی اسی سوچ کی جھلک نظر آئی، جہاں کھیل کے بنیادی آداب کو یکسر نظر انداز کیا گیا۔
اسی تناظر میں ایشیا کپ کے بعد بھارت کے مڈل آرڈر بلے باز اور کپتان سوریا کمار یادیو نے بھی ایک متنازع بیان دیا۔
فتح کے بعد ان کا ’آپریشن سندور‘ سے میچ کو جوڑنا نہ صرف غیر ضروری سیاسی رنگ تھا بلکہ کھیل کے تقدس کے خلاف بھی تھا۔
اگرچہ آئی سی سی نے سوریا کمار پر 30 فیصد میچ فیس جرمانہ عائد کیا، تاہم بھارتی ٹیم کے رویے میں کوئی تبدیلی نظر نہیں آئی۔ ایشیا کپ کے فائنل کے بعد جب کھلاڑیوں نے ٹرافی لینے سے انکار کیا تو اسے ایشین کرکٹ کونسل (اے سی سی) کے دفتر بھجوا دیا گیا۔
اس معاملے پر اے سی سی کے صدر محسن نقوی کا دوٹوک مؤقف سامنے آیا کہ اگر بھارت کو ٹرافی چاہیے تو وہ رسمی طریقہ اختیار کرے اور دفتر سے آ کر خود لے جائے۔
بھارتی حکومت، میڈیا اور کرکٹ بورڈ کی مشترکہ روش یہ تاثر دیتی ہے کہ کھیل کو سفارتی یا سیاسی مقاصد کے لیے استعمال کیا جا رہا ہے، جو بین الاقوامی کھیلوں کے اصولوں اور روح کے سراسر منافی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی ہٹ دھرمی پاک بھارت ٹاکرا سیاست کھیل کا میدان ہاتھ نہ ملایا وی نیوز
اسلام آباد: وزیر مذہبی امور سردار محمد یوسف سے ویٹی کن سٹی کے سفیر آرچ بشپ جرمانو پینموٹ ملاقات کررہے ہیں